الحمد لله والصلاة والسلام على رسول الله
السلام عليكم ورحمة الله
اول شي ابارك لنفسي ولاعضاء المنتدى الشكل الجديد لمنتدانا الغالي اللي له الفضل بعد الله سبحانه وتعالى في اثراء نفسي بالكثير من المعلومات اللي اجهلها وايضا بسبب هالمنتدى تعرفت على ناس هم من افضل الناس خلقا وتعاملا
حبيت اعرض لكم صور طيوري وغرفة الطيور في الحوش وانا من المؤيدين لتربية الطيور في الحوش لأني ارجح ان الطيور في الحوش يعيشن مثل الطبيعة يعني مثلا وقت استيقاظهم هو وقت شروق الشمس ووقت منامهم هو وقت غروبها الا للحاجة مثل ما انا مشغل عليهم النور اللحين وأيضا مؤونة التنظيف واضافة الاكل والشرب بتكون اقل بكثير
يمكن الكثير منكم عنده مساحة بالحوش يقدر يحط فيها غرفة خاصة لطيوره لكن هو متصاعب الفكرة فعسى موضوعي هذا يكون تشجيع له
أبدا باسم الله
هذي صورة واجهة سلاكتي حاولت قدر الامكان اغطي الجهات اللي تكون معرضة للشمس القوية ولا أغفلت أترك بعض المساحات اللي تدخل منها الشمس اول النهار واخره
وهالصورة بغيت ابين فيها انواع الاعشاش اللي استخدمها وهي الخشب مع ضرورة وضع بودة الفاش في اسفل العش والاعشاش المعدنية المكشوفة للكناري واليمام الماسي والحسون وبعض الزيبرا والسعف للزيبرا وايضا الاعشاش الفخارية من اخوي مهند جزاه الله خيرا للزيبرا والجاوا
وهذي صورة بعض طيوري وباين فيها الهاف اورنج مع انثى اسود الخد
وهذي صورة مجموعة من اليمام الماسي ويظهر بينهم احد الفراخ اللي جاء بلون ابيض نوعا ما ولله الحمد والمنة
صورة جماعية للعائلة الكريمة
صورة خليفتي في مجال تربية الطيور (صالح)
اذكروا الله وادعو لي بالبركة جزاكم الله خيرا وبارك الله لكم فيما عندكم.
