سؤال عالماشى

[spirit_stallion]

السلام عليكم
اخوانى الاعزاء سؤال صغير كدا كام يوم عشان الجوز يبيض من يوم تعليق العش
دى اخر فرصة للبادجى معايا معلق العشوش من حوالى 10 ايام و الطير جاهز و لكن مفيش لا بيض و لا اى اشارة حتى عموما دى اخر فرصة لهم و لو لا قدر الله فضلو زى مهمه كدا انا مش حابيعهم لانى كدا بارحمهم ولا حاموتهم لانهم لو ماتو حيستريحو ابدا حاعزبهم حانتف ريش جسمهم كله ريشة ريشة و بعد كدا ابقى افكرلهم فشوية تعزيب من الى هما لحد ميقولو حقنا برقبتنا و مش حرحمهم و محدش يزعل منى خصوصا الاخ جابر :twisted:
انا باهزر طبعا مش حاعمل كدا انما على الاقل حابيعهم و افضل مع الفينش { الحتة دى للاخ هيثم و هو عارف نفسه }و خصوصا الكنارى الحاجة الوحيدة الى بافهم فيها

[THE REQ]

اهلا وسهلا بالاخ العزيز spirit_stallion, ..

وينك من مدة واحنا ما نشوفك..

والله تضحكني قصتك مع البادجي..

انا اعتبر البادجي من اسهل الطيور في التفريخ..((ايه رايك))

والله لو كنت قريب كنت اهديتك زوج يخليك تنسى الفنش من زود التفريخ والالوان الحلوة..

على العموم الوقت يعتمد على جاهزية الطيور اللي عندك..

انا اول زوج امتلكته باض بعد اقل من اسبوعين..

الا بسالك..انت حطيت صورهم في التجمع علشان يعلقون عليهم الخبراء..؟

ممكن يكونوا صغار..او غير جاهزين..

على العموم اخوي لا تيأس من البادجي ترى البادجي من احلى الطيور والوانه كثيره وفرووخه حلوه..

اذا ما نفع معاك هالمرة..حاول تشوف زوج منتج من عند احد من التجمع..

اهل الاسكندريه كثير..وما اعتقد انهم بيبخلون عليك..

وتقبل التحية..

[دانا كار]

اخى العزيز انصحك بالصبر

10 ايام ليس وقت كتيرا

ولكن لو انت متاكد ان الذكر والانثى بحالة جيدة

وفى احتمال للتوالف كبير

اكيد لازم الصبر وان شاء الله خير

تحياتى

[جابر عبد الله]

ندر على يا spirit يا اخي اوزع شربات يوم ما البادجي عندك يبيض .
اما اذا ...........لا سمح الله اعطيه هدية لاخونا محمد اشرف فهو متخصص في تعذيب البادجي !!!
بالمناسبة هو فين محمد اشرف ؟؟؟؟ انا خايف يكون البادجي طلع له ريش و انتقم منه .

[سيد أحمد سيد نعمة]

السلام عليكم ...اخي اصبر ومدة عشر ايام قليلة .. اصبر شهر او شهرين ودع الطيور تتأقلم مع العش لان مو من اول مرة بتعلق العش بيدخلونه .. لازم الذكر يتفحصحه ويدخله .. ويتطمن فيه .. بعدين .. واصبر عليهم لانهم خائفين من العش حالياً ... اتمنى ان افدتك .. تحياااااااااااااتي

[جابر عبد الله]

يا جماعة انتم تنصحونه بالصبر ايام و هو صابر على البادجي سنوات ............
و ناوي له !!!
لكن يظهر البادجي بيعند معاه
بس المرة دي خير ان شاء الله انا متفاءل

[ريم_الحب]

قصه مضحكه جدااااااااااا وجميله جدااااااااااااااا ولذيذه جدا جدا
ومع كل الردود الي موجوده انا كمان بنصحك بالصبر ثم الصبر ثم الصبر
وفعلا اتاكد ان الطيور مهيئه للتزاوج فعلا ولا لآ وماتستعجلش
ولو لاقيتها معانده إبقي إديني رينج وانا أجي اساعدك في تعزيبها وأنصحك بتربية الكناري وبسسسسسسسس ولا تزعل نفسك

[جابر عبد الله]

الكل ينصحك بالصبر يا spirit
و هم لا يعلمون ان لسان حالك يقول
سأصبر على البادجي حتى يحكم الله بيني و بين البادجي ...............
و ساصبر حتى يعلم الناس ان صبري على البادجي امر من الصبر .................

[spirit_stallion]

السلام عليكم
اخوانى الاعزاء الف شكر على رودودكم
بالنسبة لموضوع الصبر دا محدش صبر على البادجى قد ما انا صبرت انا اشتريت اكتر من 10 ازواج كبير و صغير و الى متركب و الى انا ركبته و مفيش غير للامانة فرخين بس و كانو مصابين بالفرينش مولت و كمان البادجى الى عندى انا شاريهم فروخ من شهر 2 و كان عمرهم حوالى شهر ونص او شهرين يعنى دلوقتى العمر مش اقل من 9 شهور و هما مولفين والحمد لله و جاهزين كمان انما حاقول ايه النصيب
و ملحوظة صغيرة بس عشان متفتكروش انى منحوس او جاهل الحمد لله انا بافرخ الكنارى و الزيبرا كويس و من حوالى 3 سنين و قبلهم الحمام من ايام مكنت فالمدرسة الاعدادية
عموما انا صابر شهر من انهارده اقولكم لا بعد العيد ان شاء الله ان محصلش حاجة حيكون ليا تصرف تانى :twisted:

[ابو جميلة]

السلام عليكم ورحمة الله وبركاته

اخى الحبيب شهر ده مدة قصيرة انا مرة صبرت على زوج من شهر سبتمبر باض فى شهر مارس وخدت منه عش واحد بس ولكن مش عارف كنت حاسس انه هيبيض رغم كل اصدقائى نصحونى بالاستغناء عنه ولكن لا تتخيل فرحتى بفروخه اصبر وربنا هيوفقك ان شاء الله والله الموفق

والسلام عليكم ورحمة الله وبركاته