يا باغى الخير اقبل

[ابو جميلة]

كل سنه بتدخل رمضان بقلب جامد
وتقول هعمل واسوى

وكل سنه بتيجى بعد اول اسبوع وتبدء همتك تنزل
واحده... واحده ... واحده
وانت شايفها ومش قادر تعمل حاجه

وكل سنه تقول السنه دى غير كل سنه انا السنه دى هكسر الدنيا و.......

ايه رأيك بقه ان انت السنه ديه هتكسر الدنيا بجد وهتعمل اللى مكنتش قادر تعمله كل سنه

كل سنه بتقول هاختم القرآن وتقف عند جزء معين منه وتنشغل وتتأخر بره وتخرج مع اصحابك
والمحصله انك مبتختمش القرآن الا على الحركرك واللى بيشد حيله اوى يدوب بيختمه مره واحده
السنه ديه بقه هنبص للموضوع من منظور مختلف و هنختم القرأن كله ان شاء الله

تعالوا مع بعض اوريكوا الموضوع بسيط جدا اد ايه
شوف يا سيدى
المصحف 600 صفحه ..صح (لو مش مصدقنى روح بص فى المصحف بسرعه وتعالى( ها طلع كام ..اوك ... تعالى نكمل بقه
المصحف 600 صفحه على 30 يوم بكام يا ريس...
يا عم متعقدهاش الحسبه ابسط من كده 600 / 30 = 20 صفحة> شفت سهله ازاى>
طيب يعنى فى اليوم 20 صفحه واحنا عندنا 5 صلوات فى اليوم> يبقى 20 / 5 مظبوط ايوه كده
4 صفحات
يبقى انت لو قريت 4 صفحات بعد كل صلاه يبقى فى اليوم هتخلص 20 صفحه
يعنى فى الشهر هتخلص القرآن مستريح اوى

> عايز نصيحتى خاليهم 30 فى اليوم علشان لو جيت انشغلت فى يوم من الايام يتعوض فى يوم تانى> استنى الايميل لسه مخلصش>

والدال على الخير كفاعله

شوف بقه لو بعت الايميل ده لكل اصحابك وختموا القرأن بسببك هيتحسبلك اجر وثواب اد ايه

ياه ده انت تبقى ختمته كتيييييييييييييير أوى

يالا يا عم شد حيلك عايزين الناس كلها تختم القرآن السنه دى على ايدك


منــــــقـــــــــــــــــــــــــــــــول
جزى الله كاتبه وقارئه كل خير

[فراس حميد]

اخي الحبيب ابو جميلة
مشكور على هذا الموضوع المميز
وان شاء الله نختم القرأن هذه السنة
بس انا عندي سؤال
اذا قدمنا النصيحه الى الأصدقاء ونالنا الثواب المتكرر بكل من يختم القرأن
فكم تحصل انت من الثواب والأجر........اكيد اضعاف ما نحصل عليه لأنك المبلغ
الظاهر انت حاسبهه كويس
تقبل شكري وتقديري

[ابو جميلة]

ربنا يتقبل منا جميعا ان شاء الله والله ربى يعلم مدى حبى لاخوانى واننى والله لاريد ان القاكم جميعا فى جنة الرحمن اللهم ادخلنا الجنة يارب

[فراس حميد]

اخي الحبيب والله هذا من طيبك وصفاء الروح
جعلنا واياكم من المعتقين من النار ..........امين يارب العالمين