اولا لازم يكون عند الطيور من التلت طفرات دول يعنى مينفعش تنتج من طيور عادية
1 البلاك تشيك او الخد الاسود
صورة الذكر
=صورة الانثى
2 البلاك فيس او الوجه الاسود
صورة الذكر
صورة الانثى
لاحظ ان الانثى تشبه اللون البرى او الجرى لكن الفرق الوحيد ان المسافة بي الدمعه و المنقار لونها رماضى لون الجسم و ليس ابيض مثل العادى
3 البلاك برست
للاسف الصورة صغيرة لكن بتلاقى الخط الاسود الموجود فالصدر اعرض و اكبر من العادى
طريقة توارث الالوان بالنسبة للبلاك فيس صفة سائده بمعنى عند تزاوج طائر بلاك فيس و اخر عادى بعض الفروخ بتكون بلاك فيس يعنى بتحمل الصفة و تظهر عليها
اما البلاك برست و البلاك تشيك بتكون صفة متنحية بمعنى عند التزاوج مع العادى تكون الفروخ كلها عادية لكن تحمل الصفة ولا تظهر عليها
اللهم الا ان اسبليت الخد الاسود بيتميز بان الدمعه السودا الى تحت العين بتكون اعرض من العادى
طريقة الانتاج بتبدا بخطين فنفس الوقت
اول خط البلاك برست مع البلاك فيس الفروخ ان شاء الله كلهم حاملين لصفة البلاك برست انما مش كلهم بيكون بلاك فيس ممكن بعضهم و البعض عادى ناخد واحد من البلاك فيس و نجوزه مع البلاك برست ان شاء الله الفروخ بيكون منهم البلاك برست بلاك فيس و الباقى بيكون باشكال تانية متهمناش و مش حنجيب سيرتها و فاغلب التزاوجات التالية مش حنجيب سيرة الا الى يهمنا بس و دا معناه انه مش هو دا النتيجة الوحيد لا فى نتايج تانية انما زكرها ممكن يلخبط الدنيا
ودى صورة البلاك برست بلاك فيس
الخط التانى معلش هو معقد عن الخط الاول شويه انما ان شاء الله نبسطه
بنجوز طائر بلاك برست مع اخر بلاك تشيك
الفروخ كلها عادية لكن تحمل الصفتين البلاك تشيك و البلاك برست و تلاحظ ان الدمعة الى تحت العين بتكون اعرض من العادى تاخد واحد منهم و تجوزه للبلاك برست تانى و ان شاء الله يطلع البلاك برست و يكون بعضه حامل لصفة البلاك تشيك لكن مبتظهرش نعرفه بان الدمعه الى تحت العين اعرض من اخواته الى مش حاملين صفة البلاك تشيك
المهم ناخد الطائر دا و نجوزه لطائر له نفس الجينات يعنى بلاك برست و حامل لصفة البلاك تشيك
و عشان كدا لازم يكون عندنا من كل خط اكتر من زوج عشان نمنع تزاوج الاخوة على قدر المستطاع ان شاء الله نتيجة هدا التزاةج بيكون منها البلاك برست بلاك تشيك
و دى صورته
المرحلة التالتة و الاخيرة هى تزاوج نهايه كل خط من الى سبق زكرهم
يعنى بنزوج طائرين واحد بلاك برست بلاك تشيك مع بلاك برست بلاك فيس و النتيجة ان شاء الله كلها بلاك برست و حاملة للبلاك تشيك و بعضها بلاك فيس و الاخر عادى المهم ناخد واحد يكون بلاك فيس بلاك برست و طبعا حيكون حامل للبلاك تشيك منهم و نجوزه مع بلاك برست بلاك تشيك
ان شاء الله من ضمن الانتاج ناخد الفل بلاك الى هو حامل للتلات صفات و دى صور له
اتمنى انكم تكونو استفادتم من الطريقة و ياريت حد يجربها و مينسانيش فجوز فل بلاك
ارجو عدم نقل الموضوع الى اى منتدى تانى الا باذنى و باذن المدير العام
