منقار معوج اية الحل ...؟

[egy rose]

السلام عليكم

عندى عصفور صغير عمرة تلات اسابيع الفضلات كانت على منقارة لحد ما المنقار اللى فوق اتعوج شوية للشمال بقى ملاحظ

بعد منضفتة واضح المنقار المعوج

بس هل فى طريقة ان يتعدل او يتقص المنقار دا علشان يطلع سليم
و لا هيفضل كدة على طول ولا اية

انا مش عارفة اجيب صورة لية بس هوا معوج عوجة خفيفة للشمال بس متلاحظة واعتقد هتعوقة عن الاكل فيما بعد

ياترى اية الحل ؟


سؤال كمان

اخو العصفور دا كنت فصلتة عن ابوية وبأكلة بايدى من اسبوع
و كان كويس لكن فجأة الهضم بتاعة بقى مش سريع الاكل بيفضل كتير فى الحوصله والاخراج بقى سائل
واخيرا الاخراج بقى لونة اسود والهضم ضعيف جداااااااااااا والطائر بقى تعبان ومش بيتحرك كتير

دا علاجة اية ولية حصلة كدة ؟

[ابو جميلة]

السلام عليكم ورحمة الله وبركاته
الاخت العزيزة ايجى رووز بالنسبة لموضوع النقار المعوج ان شاء الله سيرجع بمفرده وسيكون بخير ولكن عليكى متابعتة للتأكد من انه يستطيع ان يأكل بمفرده
اما الفرخ الثانى فيجب ان تراعى حضرتك موضوع الوجبة التى تعطيها له وكميتها وذلك بالنسبة لمراحل نمو الفرخ حاولى اعطائة مطهر معوى وتقليل الوجبة قليلا فعلى ما يبدو انه قد حدث له عسر هضم نتيجة الوجبات الزائدة وياريت تطمنينا على طيورك
والسلام عليكم ورحمة الله وبركاته

[جابر عبد الله]

يا وردتنا الغالية ... هناك موضوع هام عن متابعة الافرخ الصغيرة في العش منذ الفقس و حتى الخروج من العش بعد شهر و هو من الموضوعات المثبتة و لكن للاسف لم يعلق عليه الا الاخوة المربين اصحاب الخبرة اما المربون الجدد فلم ارى منهم اي مشاركة في هذا الموضوع الهام ، و لو كنت قرأتيه لوجدت ما يفيدك قبل ان يحدث ما حدث لمنقار الصغير .
على كل الاحوال...
اذا كان اعوجاج المنقار صغير فهو لن يعوقه عن الاكل ان شاء الله .
و للعلم فان المنقار ينمو باستمرار ( و لذلك نجد لون منقار الصغار غامق ثم يفتح لونه بالنمو الجديد )
اما سؤالي لك و هو هام جدا فهو لماذا اخذت هذا الصغير من تحت امه لتطعميه يدويا ؟؟؟؟؟
لقد حذرت من هذا الامر ان لم يكن بسبب حيوي جدا . فان اضراره كثيرة صحيا و نفسيا

[egy rose]

شكرا ليكم على مساعدكم ربنا يكرمكم يارب
شكرا اخى ابو جميلة ويارب يرجع تانى المنقار كويس

اما الفرخ التانى اللى مش بيهضم رجعتة لامة ولسة عايش لحد حالا وتقريبا بياكل برضة بس اظاهر ان امة بتأكلة كميات قليلة انا مش عارفة بالظبط المهم انة لسة عايش من امبارح بس تعبان شوية برضة بس احسن من امبارح




اخى جابر عبد الله شكرا لنصيحتك بس انا اخدت الصغير من تحت امة علشان اعلمة انا وادربة

وشفت هنا مواضيع عن كيفية تربية الصغار واطعامهم وتدريبهم وبمساعدة اخى هيثم ربنا يكرمة بيقولى اكلة ازاى واعمل اية وكدة

وفعلا كان الصغير انتبة لبعض الحجات اللى بعملهالة باستمرار زى ما المفروض يحصل لكن لما تعب رجعتة لامة وبرضة اخدت اخوة اللى منقارة معوج وباكلة وبدفية وكل حاجة علشان ياخد عليا

انا لسة مربية جديدة اة بس بنصايحكم ليا ان شاء الله اقدر ابقى احسن وانتج حجات كويسة

ويارب ميحرمنيش من نصائحكم ابدا

[جابر عبد الله]

تعليقي تجديه في موضوع
" و الوالدات يرضعن اولادهن حولين كاملين "