سؤال لاصحاب الخبرة برجاء المساعدة

[عصام احمد]

السلام عليكم ورحمة الله وبركاته
اخواني انا لسة مربي جديد ومحتاج اعرف شوية حاجات
1: ما رايكم في نوع الحمام (البنيدي) مشهور كده في مصر
لكن لا اعرف اسمه في الدول الاخري وما هي مواصفاته القياسية
2:ممكن ان اجعل من زغلول زاجل ابوه وامة مش اصليين
واخلي زغاليلهم اصليين
3:ممكن اعرف ما هي مواصفات الحمام الاسترالي وعيوبه ومميزاته
ومواصفاته القياسية
والسلام عليكم ورحمة الله وبركاته

[هاوي الزاجل]

الاخ العزيز /عصام احمد السلام عليكم ومن العائدين الفائزين وكل عام وانتم بخير بالنسبه للسؤال الثانى عن زعاليل الزاجل لايمكن انتاج زاجل اصلى من ابوين اصلها مهجن واخبرك بان الحمام الزاجل الاصلى له كمان عدة انواع مشهوره وبالاسم وللاطلاع على الانواع راجع المواضيع المثبتة فى المنتدى الخاصه بالحمام الزاجل00000مع تحياتى

[spirit_stallion]

السلام عليكم
اخى العزيز عصام اهلا بيك انا ايضا من الاسكندرية و كنت غاوى حمام من زمان و خصوصا البنايدة كتفات حمر و سود اهم حاجة فالبنيدى انه يكون قصف او قصير جدا طول كف الايد و كمان العين باكمة سودة او زيتى غامق و يا حبذا لو كان كامل عموما البنايدة تبه حمام البوم الالمانى
بالنسبة للاسترالى مش بيت ثابت انما نتيجة تهجين الزاجل بانواع الغزار المختلفة
انا شايفك مهتم بالانواع الاجنبية و ناسى الغزار المصرى ملك الحمام الصافى و الابلا و الريحانى و الكزغندى و الاطاطى و المسود و غيرهه كتير الانواع دى جميلة جدا اهتم بيها

[عصام احمد]

الفين شكر حبيبي علي ردك
وانا غاوي بنايده برضو بس بيض
والحمد لله فوق الوصف
واشكرك مرة تانية علي ردك ومعرفتك