مشاكل طيوري ممكن مساعدة لوسمحتوا

[mody016]

السلام عليكم
انامحمود مربى مبتداءمن الاسكندرية وعندى بعض المشاكل فهل من مساعد انا امتلك جوازين شغالين وثلاث ذكور شباب

منهم دكر كيرة بامبى مش عارف لية انا اقريت فى المنتدىانة دة منقط متنحى هو لونة ابيض وبطنوة زرقة بس شكلة خرافة دةبلاغ ولة لسة

وفى دكر رجلية معوجة يعنى الصوابع دخلين لجوة دى مشكلة ممكن تاءسر عليةلكنة هادى جدا وموالف عليةوبيطلع من الاقفص ويوقف عل صبعى عادى خالص

وفى دكر من فوق الكير الريش رايح ومبيطلعش صوت هو دة الفاش وعالجة (اليفواماكتين)ولا اية ويجاب منين

والشغالين على وش بيض جوز منهم فتحت عليهم البياضة لقيت باضة على الباب فوقعت
فزعلت جدا (دى اول بيضة اطالعة فى حياتى) بس الحمد للة خيرة فى غيرةفهل ممكن الانثة تهجر البياضة ولة اية( للعلم دى اول مرة تتجوز)

والجوز النتانى الانثة اول مرة تبيض عندى كانت تبيض وتاكل البيض والفرق بين البيضة الاولة والتانية اسبوع دة عادىو لا اية (للعلم انا شوفت الدكر وهو بيلقحة) النتاية دى انا زهت منة اوى وهية دلوقتى اعدة فى البياضة

والغذاء يوم خيار ويومين جرجير ويومين خص والفيتامينات مراتين فى السبوع والخل بردة وطبعا حبوب (فلارس-بلكم-دنبية) ومندون شك السبية( عظام السبيط)

لو سمحت يا جماعة لوفى حد فى الاسكندرية يقدر يوفرى ثلاث اناث شبات بس على ضمنتة ممكن

وهل خل التفاح لونة ابيض ام برتقالى

كان نفسى احط صورهم لكن معنديش كاميرا

الحمد للة على كل شى

وانا اسف على الازعاج وشكرا

والسلام عليكم

[ابو جميلة]

السلام عليكم ورحمة الله وبركاته
اخى الحبيب محمود اهلا وسهلا بك فى منتداك ووسط اخوانك اتمنى ان تشارك معنا بصور طيورك فى المسابقة الكبرى لاجمل بادجى ومعلش حاول تتصرف فى كاميرا او تليفون بكاميرا من اى حد
اما بالنسبة للاسئلة اللى حضرتك سألتها اعتقد ان اجاباتها جميعا فى المواضيع المثبتة واذا لم تجد اجابة لسؤال معين احنا تحت امرك فى اى سؤال
والسلام عليكم ورحمة الله وبركاته

[mody016]

السلام عليكم

شكرا لك يا اخى انا الحمد للة اقريت جميع المواضيع تقريبا

لكن مشكلةالبيضة الوقعت دى عادى ولا اية

والدكر الرجلية معوجة دة ممكن يجوز عادى ولا اية

وشكرا وانا اسف على الازعاج

السلام عليكم

[ابو جميلة]

اخى الحبيب مفيش ازعاج ولا حاجة البيضة اللى وقعت ربنا يعوض عليك فى غيرها ان شاء الله الانثى هتبيض تانى ماتقلقش اما بالنسبة للدكر اللى رجليه معوجه صعب اقدر اقرر الا بالصورة وان كانت التجربة خير وسيلة وان شاء الله تضع لنا الصور وياريت تطمنا والله الموفق

[mody016]

السلام عليكم

شكرا اخى ابو جميلة وجزاك اللة خيرا