لكل مصرى محب الرمادى الافريقى وادخل وشارك برايك

[elkazamany]

بسم الله الرحمن الرحيم

اخوانى الاعزاء فى مصر

تحية طيبة وبعد

لقد قمت بالبحث والتنقيب على جميع المواقع وسألت التجار والهواه

من يفرخ الرمادى الافريقى فى مصر بوفرة وله خبرة قوية فى هذا المجال الا ان الاجابة كانت

(مفيش ) والبعض كان يقول انه هناك خواجة ايطالى فى القاهرة وانا لااعرف مدى صحة هذا الكلام

ومما يلفت النظر بشده فى منتدى السوق فى الموقع من يطلب شراء الرمادى من مصر وتجد عدد القرائات للموضوع عدد كبير والرد صفر ؟؟؟؟؟؟


ولكل من يهتم بهذا الطائر بالذات يعلم تماما انه كان ياتى مع الاخوة اللبيين قبل 4 سنوات والان لا

وذلك بسبب انفلونزا الطيور وكيف تدرج سعره حتى وصل الان الى 4500 جنية وان وجد

الا ان هناك بعض الاعضاء فى المنتدى قد قامو فعلا بتفريخ الرمادى (الزجبارى) مرة واحدة فقط

وكانت قدرا مثلا ولم يكرروا هذا مرة ثانية او لاى ظروف اخرى لم يستمروا

على عكس الدول العربية التى سبقتنا فى هذا المجال وعندهم هذا الطائر بوفرة وغيره طبعا

وانواع نادرة ايضا

والسؤال فى هذا الجانب يطرح نفسه


- هل الهواه فى مصر لايملكون من المقومات المادية والعلمية ما يؤهلهم للقيام بذلك ؟


لقد اضنانى البحث فى ايجاد زوج من هذا الطائر لاقوم بتفريخه ولا نتيجة واتمنى من الله التوفيق

ولكل مصرى يعرف اى معلومة عن هذا الموضوع يكتب عنها ويشاركنا الراى لنتبادل الاراء

ونفيد بعضنا البعض ونمد يد العون للهواه الجدد ليكون لدينا بأذن الله اكتفاء ذاتى ولا نحتاج

للاستيراد او التهريب كما سمعت من بعض التجار والهواه


ارجو ان تكون المشاركة مجدية وتساعدنا لايجاد حل بأذن الله تعالى


والسلام عليكم ورحمة الله وبركاته

[mohamed reda]

السلام عليكم ورحمة الله وبركاته

هو فعلا فى واحد ايطالى فى مصر قام بتفريخ الزنجبارى والشحص ده اسمه رينو كنتافيو وبيقوم بتفريخ الزنجبارى على طول وانا شفته لو تفتكر مجله بيتزو اللى كانت بتنزل من حوالى تسع او عشر سنوات والراجل عرض الصور والسلاكات والاجواز اللى بتنتج على فكره انا فرخت جميع طيور الزينه بس الزنجبارى لا لم يهملنى الوقت فظروف شغلى كمحاسب فى السعوديه منعنى من عمل هذا الانجازحيث تركت تربيه الطيور من اربع سنوات بس لسه راجع اربى هنا فى السعوديه تانى بس راجع بقالى اسبوع بس




mohamed reda

[hama2110]

فكرة موضوعك رائعة و ايجابية و دفعتنى الى ان احكى تجربتى الشخصية مع الرمادى و عن الدرو س المستفادة منها و عن وجهة نظرى فى حل هذه المشكلة فى موضوعى (( حكايتى مع الرمادى الأفريقى )) ............................. و شكرا

[elkazamany]

اشكركم على الردود وارجوا ان يكون هناك اخوه اخرون يشاركون فى هل المشكلة


وسؤالى لاستاذ Mohamed Reda


هل هذا الرجل الايطالى يبيع الزنجبارى فعلا فأذا تثسنى لك ان تعرف الاجابة وكم السعر للواحد

سواء كبير او صغير وماهو عنوان هذا الرجل فأكتب الينا تعاونا منك معنا فى حل الازمة

لكى يتثنى للجميع امكانية الحصول على هذا النوع من داخل مصر ومن ثم تفريخة


ارجوا ان تهتم اخى محمد بارك الله فيك وعليك

[elkazamany]

موضوع غاية فى الروعة والجمال يا Hama2110 وبجد عطانى امل كبير جدا

مش عارف اقولك ايه غير تسلم ايدك وياريت كل الاخوه المصريين يتعاونوا ذيك كده عشان نوصل


لحلول متكاملة على طرق صحيحة جزاك الله كل خير عقبال بقيت الاخوه لما يستجيبوا


عشان الموضوع اتقرا 30 مرة ومحدش شارك غير 2 بس

واحب اوجهه ليك نفس الرجاء والسؤال بارك الله فيك


لو تقدر تسأل الخواجة رينو اذا كان عنده ازواج للبيع او فروخ بالله عليك ؟

وكمان لو تعرف دكتور بيعمل منظار لمعرفة سن ونوع البغبغاء يبقى بجد الموضوع مفيد جدا لكل

مصرى عاوز يخوض التجربة جزالك الله كل خير وبارك فيك وعليك

[mohamed reda]

السلام عليكم ورحمة اله وبركاته


اخى الحبيب

رينو كنتافيو موجود فى القاهره وله مزرعه كبيره جدا لتفريخ الزنجبارى وفى احد اصدقائى زار المزرعة وانبهر من النظام والسلاكات والماكل والتفريخ بس انا حاليا خارج مصر لظروف شغلى كمحاسب بالسعوديه فانا هتصل بصديقى وهحاول اجيب منه العنوان او ارقام تليفونات رينو كنتافيو او حتى تليفونات المزرعه دى. هسيب ليك الايميل بتاعى ياريت حتى تبعت ليا تليفونك وانا هكلمك


mohamed reda

[elkazamany]

انا بعت ليك رسالة خاصة فيها اللى حضرتك عاوزه


بس عندى سؤال هو رينو بيتحدث العربية ؟

[hama2110]

الأخ العزيز انا كلمت رينو من فترة كبيرة جدا بس حاليا تليفونه اتغير و هوه بيتحدث العربية كويس جدا و مزرعته اعتقد انها كانت فى التل الكبير و انا هحاول اجيبلك عنوانها او تليفونه

[elkazamany]

ماشاء الله ياجماعة مش ممكن مصر كلها مفهاش حد هاوى الزجبارى غير 3

[bigsmile20042002]

السلام عليكم...انا بدور علي دكر زنجباري و مش لاقي خالص ... نفسي الانتي بتاعتي تبيض.. اخ نور هل بامكانك امدادي بمعلومات عن هدا المفرخ؟؟؟


الاخ كزماني.. احنا ممكن حتي نروح انا وانت لعنده و ناخد زوج لك و دكر ليا.. ودي فرصه كويسسه اهوه ناخد تخفيض وكمان يكون عندنا فرصه ان كل انتي تختار الدكر اللي يعجبها..

اتمني ان تكون الفكره مناسبه لك...

واتمني ان نتمكن من الحصول علي ما نرجو...

في انتظار ردكم....ز

الف شكر