أخيرا ً حصلت خدود سود ^_^

[كناري الـقطـيـفـ]

كيفكم شباب

بعد جهد وانا ادور زيبرا خدود سود لقيت اخيرا ً


الاسبوع إلى طاف كنت في البحرين وحصلته بس كان يبغوه 25 دينار للجوز وما أخذته

بعدها بيومين اتصل عليي واحد من شباب قال شفت لك جوز خدود سود هولندي وحجم بعد


ما صدقت خبر رحت شفته وعجبني واخذته 160 ريال شرايكم في سعره ؟

وهذي صوره










بعد ما شفتو الصور ابغى رايكم في الجوز يستاهل أو لا


مع اني كنت ابغى افصله وخلي كل واحد مع ابو شوش (كرست) شرايكم

لو اصبر اشوف انتاجه بعدين اركب عليه؟؟

[r10 m30 p5]

بصراحة الزوج حلو بالشكل والحجم ويستاهل سعره

[اوركيد]

تقول 160 سعره ممتاز من فين اخذته ^_^

انا اخذت هولندي ابيض والذكر عادي بي 370 ريال


طيور جميلة جدا ربي يباركلك فيها وتشوف افراخها

بالنسبة لها لو تشوف انتاجها اول وبعدها تبدا تغير وتزوجها لابو شوشة لانو من جد خدودها جميله وتستتحق انك تصبر على انتاج الشوش هذا رأي البسيط
لي سؤال بسيط
ابو شوشة الي عندك حجمه كبير ولا عادي ؟؟

[FAISAL2390]

زوج جميل و حجمهم حلو الله يطرح فيهم البركه لا تستعجل خلهم و انتج مدام انهم نادرين عندكم بعدين افصل و الراي لك بالتوفيج

[hadel]

مشاء الله اخى الكريم طيور ولا اروع الله يباركلك فيهم وربي ايخليك لاهلك واسرتك الكريمة
تقبل تحياتـــــــــــي
والسلام عليكم ورحمة الله وبركاته

[crest10]

السلام عليكم

الصوره غير ظاهره لدي لكن على كل حال الله يبارك لك فيهم ونشوف انتاجهم..
اخي لاتستعجل بتزويجهم للكرست اولآ احصل على كميه من انتاجهم حتى يزداد ععدهم لديك وفيما بعد قم بعمل تركيبات مع الكرست والله الموفق..

تحياااااااااااااااااااتي

[كناري الـقطـيـفـ]

مشكورين على مروركم الجميل وتعليقاتكم الاجمل

وان شاء راح اعرض لكم انتاجهم إذا الله وفق وانتجو

اي اختي اخذته بهذا السعر لكن ما أخذته من محل اخذته من عند شخص في البيت

370 ؟؟ لهدرجه اسعارها عندكم مرتفعه ألا اخذت من عنده كان عارض مجموعه للبيع وفيها ألوان حلوه ، الخميس كان عارضنها في سوق على 200 للجوز

بالنسبه لحجم ابو شوش اصغر من هذا بشويه بس احسه انا عادي

خلااص بأخذ بنصيحتكم أول اشوف انتاجه بعدين اركب عليه


اسعدني حضوركم

[كناري الـقطـيـفـ]

معليش اخوي كرست الصورر طالعه عندي

حاول مره ثانيه راح تشوفهم وابغى رايك فيهم

خلااص اخوي راح اخذ بالنصيحه أول اشوف الانتاج بعدين بزوجهم


شاكر لك تواجدك

[crest10]

السلام عليكم

الان ظهرة الصور لدي، ماشاء الله مستوى جميل جدآ، بارك الله لك فيهم..
وفي انتظار صور فراخهم ان شاء الله..

تحيااااااااااااااااااتي

[الكويتي]

مشاء الله اخي حجم ولون روعه الله يخليهم لك وتشوف انتاجهم وتحياتي لك