ذكر زيبرا مريض..ما العمل؟؟

[علي العشار]

اليوم رحت اشوف طيور الزيبرا اللي عندي ولّا اشوف طير زيبرا قاعد على ارضية السلاكه وشوي فارد جناحيه شكله تعبان ..المهم خذيته وحطيته في قفص بروحه.. قلت يمكن اسهال ولّا شي شذي ،، لكن لاحظت ان مافي شي في البراز ماله .كرمكم الله. المهم شنو العمل يا جماعة ؟؟
شنو اعطيه عشان ارد نفس قبل.؟؟ وشكراً.

[اوركيد]

الله يعينك اللي اعرفه انو الزيبرا ايظهر مرضه الا لما تتقدم حالته ويصير مايقدر يتحمل المرض

جرب واعطيه محلول الثوم والليمون

او من دوا معالجه الالتهابات ( المعدية - التنفسية ) تجي بهذا الوصف وتكون عند البيطري

[crest10]

السلام عليكم

اخي ربما يكون مصاب بالفاش وهو يمتص دم الطائر ويجعله ضعيف ويبرز عظمة الصدر..
الحل هو رش الطائر بالفودرة المضاده للفاش ووضعه في قفص صغير ووضع مصباح كهربائي للتدفئه واعطائه فتمينات مقويه..

تحيااااااااااااااااتي

[مرتيـــز]

الطير هذا الي تتكلم عنه توك مشترنه لو من زمان واذا من زمان هل انتج عندك ؟؟؟

[علي العشار]

مشكوريين على ردودكم السريعة..بس باسأل اوركيد كيف اعمل محلول الثوم والليمون ؟؟.. هذا الطير اللي عندي صارله اكثر من اسبوعين عندي وكان انشط طير زيبرا عندي وبنا عشه بسرعه هو والنثيه اللي متوالف معاها بس اليوم مادري اشفيه.. ان شفت قبل يوم انه مب على طبيعته بس ما شكيت انه مريض .. واليوم مثل ماقلتلكم ..

[مرتيـــز]

انزين اخي ماكو اثر ضربات في هذا الطير ؟؟؟؟

يعني مو متهاوش معى زوج اخر او ذكر اخر ؟؟؟

[علي العشار]

مشكور اوركيد خلاص عرفت اشلون اعمل المحلول .. لكني رحت افحص الطير ابي اشوف في فاش ولا لا مثل ما قال كرست .. بس لاحظت إن هناك نفس الكور تحت الجلد مادري فوق الجناح قريبة قليلاً من الرقبه احس انها كبيره شوي شنو هيه مادري قلت بشوف طير زيبرا ثاني، ولّا شفت نفس الشي بس مب منتفخه فشكيت في ذي الموضوع الرجاء الإفادة بسرعة...

[اوركيد]

كور ؟؟؟ طيب ماتقدر تصور الطير

[علي العشار]

مشكورين والله مشكورين... عطيته محلول الثوم والليمون واليوم احسه احسن من قبل .. اشوي يقدر اطير وياكل احسن من اليوم اللي قبل وان شا الله يتحسن ويشفى.. وان شا الله ارجعه حق نثيته وي كملون البيض مالهم لأن في بيضه في عشتهم....