يا خبراء الكاسيكو طيري شكله مريض ...............

[king chart]

السلام عليكم ورحمة الله وبركاتة


كان طيري قبل ثلاث ايام ممتاز ونزلت علينا موجه برد قاسيه شوي واشوفه يومين ما يصفر ودام ساكت ونايم يا ترى هل جاله زكام علما انه ما باين شي في فتحات خشمه هذي الحاله ايش تتوقعون علاجها ترى والله اني زعلان على طيري وابي الحل في طبيب بيطري قريب من بيتنا بس والله ما عنده سالفه وما ابي اودي طيري له الي يعرف يفيدني بليز

[allawi]

عزيزي ضعه في مكان دافئ
وقدم له بالماء بضع نقاط من الليمون مع العسل

فذلك سيفيده جدا باذن الله


بالتوفيق

[عبدالرحمن المسفر]

من الطبيعي ان الكاسيكو يشعر بالخمول والنعاس مع البرد ... ومعضم طيوري تنام حتى بالنهار من البرد ولكن ماان ابداء اللعب معهم حتى اسمع الصفير والكلام والحركة واللعب المتبادل مع بعضهم .. من الاحتياط ان تضع الفيتامينات واكثر من الحبوب والفول السوداني لدعمه بالدهون والطاقة التي تخفف من موجات البرد..

[الكاسكووووو]

السلام عليكم /

لابأس انشاء الله على الطير طبعا الطير يحب اللعب والحركة والطير اذا ماشاف احد بجانبه يكلمه يخمل وخاصة ايام البد اذا شفته جالس على قدم واحدة ورشه اشوي يتحرك من تحت مثل هوا قليل يهف عليه لاحظة جيدا يعني الطير مكانه بارد انقله الى مكان ادفأ ووماكان فيه حركه روحه ورده لاهل البيت علشان يتحرك بمجرد يشوف احد ودائما كلمه وتودد له وصفر له اثناء قدومك ودخولك بالبيت وحتي اذا طلعت من البيت صفرله يتعلم بمجرد ان بشوفك وتصفرله راح يرد عليك اوحتي ماتصفر اهو راح يصفر لك

يعني الطير فيه ضيقت خلق من الهدوء مادام ياكل ويشرب وتنفسه طبيعي وخشمه نظيف من اي مخاط وبرازة لونه طبيعي وليس سائل ويجلس على المجثم وليس تحت القفص تاكد الف بالمائة ان طيرك بإذن الله تعالى مافي الا العافية واطمئن ان دائما حط بالك على هذي الامور ان مافي اي اعراض منها بالطير انه صاحي مافي شئء بس يبي احد يتكلم معاه وادلعه وتعطيعه اكل من ايدك يحب الطير هذي الامور وايد انك ادلله اشوي تعطيه من وقتك .

ماي شوف شر طيرك انشاء الله

الكاسكووووو