لسه الكاسيكو ماتكلم

[محمد02]

السلام عليكم ورحمة الله وبركاته

اخواني الاعزاء اربي كاسيكو صارلي شهرين تقريبا او اكثر بس للحين مو راضي يتكلم مادري ليش

بس يصفر ويسوي حركات فالقفص وبس ياكل شنو الحل ياجماعه

واللي الاحظه انه في بيت يم بيتي عندهم كاسيكو من يصفر الكاسيكو حقي يقعد يصفر

هل هذا سبب في عدم تكلم الكاسيكو ؟ لانه حماسه يزيد لمه يسمع جاره يصفر

افيدون رحم الله والديكم

[allawi]

عزيزي اولا على حسب عمره فالطيور الكبيره صعبة التعلم

اما الفراخ فتحتاج ايضا لوقت قبل ان تتكلم


بالتوفيق

[اياد عدنان المدني]

كم عمره
ومن الافضل وضع الببغاء في مكان الجلوس حتى يسمع الكلام وبعد فتره يبدأ بتقليد ما يسمع

[محمد02]

بالنسبة عن عمره مو اكثر من 18 شهر وله اقل من سنه

اما عن مكانه فانا مخليه فالصاله

ومشكورين على المرور

[محب الكنار]

بالنسبة عن عمره مو اكثر من 18 شهر وله اقل من سنه

اما عن مكانه فانا مخليه فالصاله

ومشكورين على المرور

اصبر عليه شوي وراح تسمعه وتنبهر و بالنسبه لعمره يعتبر في مرحلة التعلم

[عبدالرحمن المسفر]

ماقصروا الاخوان بالردود ولكن تأكد اذا لم تحتك انت واهل البيت بالطير ..سيطول الوقت على النطق .. يعني حاول ان تجلس الطائر بين اهل البيت حيث سيسمع الكلمات ومع الوقت سيعيدها اما بالنسبة للعمر ... بالنسبة لخبرتي انا الاحظ ان الطير الكبير يتعلم ابطئ من الفرخ .. ولكن هذا سبب ثانوي فقط وليس اساسي فيمكن ان تعلم طير عمره 3شهور وطير عمرة 50 شهر من الممكن ان تتفاجئ بنطق الطائر الكبير قبل الفرخ ابو 3شهور .. اتمنى لك التوفيق .. والبحث اكثر عن معلومات الافريقي الرمادي ..

[redsignal]

انا اعاني من نفس المشكله
عمره تقريبن سنتين وله عندي سنه
الليف مره و ياكل من يدي و امسح علي راسه و يصفر و يتفاعل معي
ولما يشوفيني تحسه فرحان يسوي حركات و يثير انتباهي له بلقوه

ومتوالف مع اهل البيت و موقعه بلصاله

ومع ذالك ما تكلم الي الان

[العزيزه]

اصبرو عليه يتكلم ولازم الكلام يتردد عليه

م بس تحطوه وهو يلقط الي يبغاه

يعني لازم على الاقل في اليوم يسمع الكلمه ثلاث الى خمس مرات

اصلا وانت تمشي مر عليه وكل شوي ردد نفس الكلمه من عشره الى اسبوع

وتشوف الطير يقولها

بس لازم تشوف الكلمات الي يعرف لها بسرعه وتختار له اسم حتى تناديه وهو يفهم ان الكلام له

ترى هذي الطيور ذكيه

واختار و مكان مرتفع لها حتى تشعر بالاطمئنان وتتكلم

والكلمات الي يكون فيها حروف المد هي الي تعجبه وبسرعه يقولها

[الكاسكووووو]

السلام عليكم /

يجب عليك ترديد الكلمة الواحدة كل يوم الى ان تسمعه ه يحاول ترديدها لا تعطيه كلمات كثيرة ابدا بالكلمات المفردة ورددها كل يوم

بالتوفيق

الكاسكووووو

[redsignal]

ولله تعبت اكثر من سنه وانا اردد كلمه السلام عليكم و للاسف ما تكلم

و من شهر صرت اردد لفظ الجلاله الله الله

سهله ومع ذالك ماتكلم

و نشيط و كثير التصفير ما يسكت بس كلام مافيه