ارجو المساعده ..:(

[A.Alyousifi]

--------------------------------------------------------------------------------

السلام عليكم ..

الكاسكو مالي لمن احطه على ايدي بالغرفة يحاول انه يرد القفص ماله ..

و لمن اطلعه بره و اتمشى بالبيت يقعد على ايدي و مرات يبط جبدي و ينقز يروح على الارض و يحاول ينحاش مني

فمادري ما عليكم امر تقولولي شسوي هل اني اخليه على ايدي و لا اخليه بالقفص ..

و مشكورين ..

[king chart]

شوف اكيد انك مسوي شي مخوف الكاسيكو من عندك علشان كذا هو للحين خايف منك بقولك سالفتي عندي طيري كان روعه معاي بشكل غير طبيعي واجي واخربها واجيب المويه ابي اسبحه واخرعه ارش عليه الماي بطريقه غبيه حسيته انقهر من يومها وانا جالس احاول اخليه ما يخاف عندي بحيث ارجع له الثقه علما انه كان بالاول بس اجي اقرب تلاقيه هو الي يبي يجيني ويتجه الاتجاه الي انا رايح له اما الان حتى صعدته على ايدي صارت بصعوبه وهذي طبعا غلطتي انا اعترف فيها حاول تكسبه الثقه من جديد

[allawi]

فقط اعطه الوقت اللازم للتأقلم والشعور بالامان


بالتوفيق

[A.Alyousifi]

مشكورين اخواني ..

و للعلم اهوا انا شاري عمره تقريبا سنة او اقل ..

و كل ما اقرب للقفص يخاف بس بره اقل بوايد .. و قالولي الشباب هني انه معاملينه معامله مو زينه .. فيمكن صاحبه القديم .

و انا معامله بكل ود و احترام

[Mr.Khaled]

ننتظر ردود الخبراء

[Joud]

السلام عليكم ورحمة الله وبركاته

اتفق مع الاخوة الكرام في ان المشكلة مشكلة قلة ثقة وعدم احساس الطائر بالأمان ... اخي الكريم كل المسألة مسألة وقت وتعود ... فالطائر ما أن يألفك ويحس بالامان تجاهك سيبقى على يدك لاطول فتره ممكنه واحيانا قد يفضل البقاء على يدك اكثر من البقاء على القفص او داخلة ... فعليك بتكثيف المحاولات بالتقرب اليه وملاطفته بهدوء وبطء ومع الوقت سيثق بك ان شاء الله

بالتوفيق