ايهما افضل(ارجو التفاعل)

[do3a2]

السلام عليكم
ايهما افضل وضع زوجين من العصافير فى قفصين منفصيلن فى المطبخ ام اضعهم فى البلكونة فى هذا الجو البارد مع التغطية
حيث انى قرات فى احدى المواضيع ان بخار الاكل يؤثر على الطيور

[spirit_stallion]

السلام عليكم
الافضل وضعه فالبلكونه و التغطيه انا اضع طيورى فيها و الحمد لله مفيش مشاكل

[do3a2]

شكرا اخى على ردك
عاوزة اعرف فى مقويات تساعد على جعل البيض مخصب؟

[sharkawy8487]

اختى العزيزة

ضعى الطيور فى اى مكان و لكن المهم الرعاية

مع العلم انى شخصيا اضع طيورى فى المطبخ و على البوتجاز كمان

تقبلى تحياتى

[aboabdelrahman]

أختي
الأفضل أن تضعي الطيور في مكان تكون الحركة فيه قليله حتى لا تنزعج الطيور وبالتالي تؤثر على التزاوج , وبالنسبة للمقويات التي تجعل البيض مخصب . لا يوجد مقويات ولكن عليكي بأن تضعي لهم الجرجير وهو أقوى محفز على التزاوج

[do3a2]

شكرا لك اخى شرقاوى واخى عبد الرحمان
تعرف ازى انتج من الانثى بيض مخصب لانى زهقت البيض الفاضى

[malk_elkolop]

السلام عليكم و رحمة الله

أولا: اخت دعاء ؛ بالنسبة لموضوع البيض انا ملاحظ ان انتى قلقانة خالص وده امر طبيعى بس لازم يكون فى صبر ثم الصبر ثم الصبر.
ويفضل انك متشغليش بالك بالموضوع ده و اهتمى اكتر بالتغذية و وضع القفص فى مكان هادىء يشعر فيه الطيور بالامان والاستقرار وعدم تحريك القفص كتير وان شاء الله هتلاقى نتيجة.


ثانيا: بالنسبة لسؤال ده طبعا الافضل البلكونة مع التغطية الجيدة ليلا .


واهتمى بالطيور فى التغذية يعنى متعتمديش على الحبوب فقط يعنى وجبة البيضوالبقسماط مهما فى مرحلة قبل وضع البيض وايضا الجرجير و الخس و الجزر.


انا عن نفسى جربت الكلام ده واتلحمد لله كان النتيجة سريعة وان شاء الله عصافيرك يفرخوا كتير بس اصبرى اصبرى

[ابو جميلة]

السلام عليكم ورحمة الله وبركاته
الاخت الفاضلة المكان الذى توضع فيه الطيور لابد له من شروط واهمها التهوية الجيدة وتوفر الاضاءة اللازمة وعدم ازعاج الطيور فانظرى الى المكان الذى لديك اذا توافرت فيه هذه الشروط ام لا فان توفرت فهو المكان الجيد الذى تشعر فيه الطيور بالخصوصية للتزاوج
الاخ شرقاوى ارى انك تضع طيورك الذى تتغذى عليها على البوتجاز وهذا امر طبيعى تقبل تحياتى
والسلام عليكم ورحمة الله وبركاته

[mohamed reda]

السلام

عليكم ورحمه الله وبركاته


اخى الحبيب الى قلبى ابوجميله


اضحكتنى بشده والله العظيم ههههههههههههههههه
فعلا الطيور على البوتجاز ده حقيقى طيور الغذاء بس تخيل لو واحد بادجى بالبطاطس


محمد رضا

[spirit_stallion]

السلام عليكم
بالنسبة لمقويات الخصوبه هناك فيتامين بيطرى اسمه ه سلينيوم يعطى للطيور 3 ايام و ان شاء الله تحصلى على بيض مخصب