حاجة اول مرة اشوفها بصراحة

[budgieslover]

السلام عليكم ورحمة اللة اخوكم احمد وانا جديد فى المنتدى هنا ,وبصراحة منتدى جميل جدا جدا,الموضوع انى انا جبت انثى بادجى انجليزى جديدة والحمد للة باضت بس الغريب ان لاحظت انها مابترقدش على البيض نهائى بالرغم ان البيض كان فية كسر وبصراحة انا بربى بادجى انجليزى(يورك)من فترة طويلة واول مرة اشوف الحكاية دية ياريت نسمع رايكم.

[Demitry]

بما إن الأنثى جديده توقع منها كل شيئ

1- الأنثى غير معتاده على المكان
2- الأنثى باضت كام بيضه ؟؟؟ ممكن تكون باضت لأن موعد بيضها حل عليها مش لأنها عايزه تفرخ وفي الحاله دي مش هترقد
3- ودا الأهم إنتا إشتريت الأنثى من مين ؟؟؟؟

من السوق ؟؟؟؟ يبقى الأنثى معيوبه ولاترقد على البيض لذلك بتتباع في الموسم

من تاجر ؟؟؟؟؟؟ يبقى الأنثى معيوبه لذلك بيبيعها في الموسم

من شخص موثوق ؟؟؟ يبقى الموضوع موضوع توتر وقلق لأنها مش معتاده على المكان

عامه أخي العزيز

1- إياك أن تشتري طيور جاهزه للتزاوج في موسم التزاوج لأن البائع أكيد وبنسبه 100 % هيكون بيبيع لأن الأفراد معطوبين

2- لاتحكم على الأنثى من أول دوره بيض إنتظر حتى الدوره القادمه وأحكم عليا


تحياتي وربنا يباركلك فيها

[Demitry]

على فكره

في إناث كتير بترفض الرقد على البيض , يعني الموضوع عادي مش غريب

دا عيب في الإناث طبيعي

يعني في ذكور عقيمه وإناث عقيمه

وأيضا ذكور بترفض تلقيح الإناث وايضا إناث ترفض تلقيح الذكور لها

وأيضا إناث ترفض الرقد على البيض

تحياتي

[ابو جميلة]

اخى الحبيب احب ان اسال سؤال فيصلى فى الموضوع هل البيض مكسور ام به كسر اى به فرخ

[budgieslover]

السلام عليكم اخوانى,شكرا على ردودكم ,بالنسبة لردى على الاخ الذى قال لا تشترى من تاجر,انا اعلم ذلك لانى مربى البادجى الانجليزى من سنوات عديدة وتلك الانثى من صديق لى ولم تفرخ عندة قبل ذلك من وقت ما اشتراها وهى انثى ليست كبيرة فى السن وبالنسبة للاخ ابو جميلة شكرا لردك على,البيض كان فية كسر لوجود العديد من الشعيرات الدموية داخل البيض وكان كل البيض فية كسر,الحمد للة على كل شئ.

[سالم]

قد يعود هذا إلى قلة خبرة الانثى لانها قد تكون أولر مره تبيض
أو قد يكون البيض غير مخصب .
تحياتي...سالم