التخوويف؟!!

[Sultan]

بس ابغا اعرف هل اذا كنت اروض الببغاء ورفض يطلع فوق العصا
اخوفه بعصا ثاني على اني بضربه؟
لاني سالت واحد من المرووضين اللي يشتغلون بالمحلات قالي الكلام هذا
فما ااادري وش رايكم انتم!!

ومعلييش الله يعينكم علي انا واسالتي

[الشامسية]

هلا فيك اخونا سلطان...

بالنسبة للطريقة المذكورة بصراحه اول مرة اسمع فيها
بس بعد ما انصح فيها لانها تخلي الببغاء في حالة خوف دائمة
ولو حتى كان التظاهر بالضرب فهو يولد الخوف في نفس الطائر
وهذا اكبر خطأ أثناء تدريبه ...

اتبع طريقتي وان شاء الله راح تفيدك بدون اللجوء لتخويف الطائر
وهي اولا احمل عصاة في يدك اليمنى وعصاة في اليسرى
اجعل الطائر يقف على العصاة في اليد اليمنى واتركه عليها لمدة
ثواني ثم قرب العصا في اليد اليسرى اسفل رجله بحيث تحثه
على الصعود اليها وبحيث انه في نفس الوقت تحاول رفعه قدمه بهدوء
سوف تلاحظ انه اولا يضع احدى قدميه على العصاة الثانية هنا ارفع
عصاة اليد اليسره لاعلى قليلا فيلحق رجله الثانية بها ويصبح
واقف على العصاة الثانية وكرر نفس الخطوة مع اليد الاخرى حيث
تجعله يتناوب في الوقوف على العصاتين ,,, واذا رأيت انه لا يتحرك بسرعه
قم بتدوير العصاة التي يقف عليها الى الخلف بهدوء .. قم بهذه الخطوة
تقريبا 5 مرات وبعدها ستلاحظ انه يقف بنفسه على العصاة الثانية دون
تحريضه ....

واتمنى لك التوفيق

[Sultan]

شكرا اختي الشامسية على ردك

وانشالله طريقتك تضبط معاي

[سنودي]

لا غلطان الي قال لك خوفة انك بتضربة ذا ولا يفهم في الطيور
مشكلة الناس كل واحد يفتي من راسه وبعدين انت تتعامل مع طاير ذكي وحساس
وانا بعد انصحك مثل ماقالت الاخت الشامسية جزاها الله خير
ولكم كل الشكر والتقدير

[Sultan]

اناااا معاك في انه حساس بس مشكلته مايرااعي شعور الاخرين

ومشكلته انه بيتوتي دايم بالقفص بس نقول انشالله يجي يوم ويهديه الله

اشكركم على نصائحكم

[majhool]

اترك باب القفص مفتوح

[muhannad2]

لاتخوفه وش هالطريقه الغريبه

بصراحه الي يشتغل بالمحل غبي ومايعرف شي

لاتسمع كلام

شباب المنتدى ماراح يقصرون معاك

ولاتخوفه ولاتضربه لانه بيزيد الطين بله ومابيتروض معاك

[muhannad2]

شووف بعطيك طريقه حلووه


ضع القفص في غرفه هادئه ومافيها حد واترك باب القفص مفتوح وكرر هالشي كل يوم وحط له بعض الاكل خارج الاكل حتى يذهب وياكل

وطل عليه كل ربع ساعه

وشوفه اذا كان خارج القفص

واذا شفته خارج القفص اجلس بقربه مش عنده

وخله يحس بوجودك وانك ماراح تزعجه او تأذيه بشي

ومع الايام راح يتعود عليك وادخل ايدك وهو داخل القفص كل يوم مره او مرتين خله يتعود على يديك وحط اكل في ايدك مثل الفواكه او اي شي حلو وغريب بالنسبه له

وهو مع الايام راح يتعود

مع اني ماعندي خبره في تربية الافريقي بس صدقني املك الدره وهي بغبغاء من نوع ثاني حبوبه واجتماعيه كثير

[muhannad2]

اقرا هذا الموضوع بيفيدك

ترويض الرمادي

تحياتي لك