في البداية كل الشكر لجميع الاخوة القائمين على هذا المنتدي الاكثر من رائع حقيقة ..
تجربتي مع الافريقي لها الكثير من التساؤلات واتمنى القى الاجابة الوافيه لها ..
قمت بشراء افريقي جامبو عمره بحدود السنة وليس اكثر كما تبين الصورالمرفقة من قبل اسبوعين .. مميزاته هي :
1- هو من النوع الهادئ الذي لا يجعر ابدا ولكن يقوم بالزمجرة عند التقرب منه جدا ..
2 - منذ اليوم الأول له وهو يأكل من يدي سواء حبوب الشمس او التفاح اواي شي اقدمه له ..
3- شديد الذكاء وهذا م الاحظه من خلال نظراته وتركيزه .. انا اسميه الطائر الحكيم .. نظراته كأنه بني ادم مو ببغاء ..
4- يخرج من القفص بكل هدوء ويذهب لأ علاه ويستقر هناك ..
ولكن لامر المهم وهي السلبيات او الملاحظات التي احتاج ردكم عليها :
1- يعشق مفهوم العض .. مع العلم اني لا اعطيه مجال بانه يحس اني اخاف منه ولكنه مايتردد بالعض هذ اذا قربت ايدي له .. وانا اخليه يعض واذا نهرته يوقف شوي بعدين يرجع ..
2. عنده حركة جديدة يقوم فيها فاذا كان على الستاند مثلا وقربت ايدي او المجثم له يقوم يعض كوب الطعام وكأنه يطلع حرته فيه ويلوي راسه ويسوي حركات تبين صج عناده ..
3. شغلة غريبة ثانية مثلا الحين عضني ولمن يوخر ويهدي شوي يظل طبعا يزمجر بس بدون جعير اعطيه اكل من ايدي عادي ياكل ولا كأنه عضني من قبل ربع ساعة .. لا وياكل واهو يزمجر بعد مو عاجبه بو الشباب ..
4. نزلته على الارض اليوم ةخليته يمشي على اساس بروضه يعني .. والله طلعت روحه الا شوية والسبب الخوف اللي فيه قام يصارخ صراخ بحياتي ما شفت مثله .. وطبعا خذيت بخاطرة وركبته الستاند سكت ..
5. اذا خليته على الستاند يظل دايما واقف على كوب الاكل .. واذا شلته بالعصا من الكوب وحطيته على المجثم يرد على طول يمشي ويركب الكوب .. ليش مادري وما اشوفه ينزل ابد ..
6. اول يوم شريته كا يركب على ايدي بدون اي مشكلة الحين ماكو مجال ارب ايدي عند صدره يمسك بالكوب او الحديد ويطلع حرته بطريقة تضحك ما يخليني اوصل حق صدره .. كل اللي اقدر اسويه الحين اني احك منقاره اشوي وهو هادي .
عموما انا ادري انكم تعبتو من مشاركتي الطويلة والاول .. بس اتمنى تسمحولي لأنه جنني هالعنيد جاكو .. واخليكم مع صوره الحين ..-
هذي اول مرة صعد فوق القفص وطبعا مو راضي احد يلمسه نهائي
اربي ما يلي: ببغاوات أفريقيه رماديه - كوكاتيل - بادجي - طيور الحب - صفارد - ببغاء الدره الهنديه
مشاركةبواسطة أبو عبد العزيز »
السلام عليكم أخي عاشق بنيدر ومرحباً بك .
أولاً أنا متشوق لأرى الصور فهي لم تظهر.
ثانياً أنصحك بقرائة المواضيع السابقه فمنها أسأله مشابه لموضوعك , لا يعني هذا أنني لن أجيب على أسألتك و لكن فقط لكي تقراء المزيد عن هذا النوع من الببغاوات.
بما أنه جديد فدعه يستكشف البيئه الجديده و دعه يتعرف عليك بأنك صاحبه و حاول ان لا تزعجه بالتجارب فبداء معه خطوه خطوه. أنت تقول بأنه لا يجعر فقط يزمجر بصوت هادئ فهذا يعني بأنه لم يتعود عليك بعد , أمهله بعض الوقت و أستمر بإطعامه من يدك فسوف يهداء إن شاء الله عما قريب.
عندما يقف فوق و عاء الأكل أو الشرب فهذا طبيعي لأنه خائف و يحاول الوصول لمكان آمن و هو بالفطره " أهرب عن الأعداء في أعلى نقطه يمكنك الوصول إليها " فأعلى نقطه هي أوعية الأكل.
لا تدعه أبداً يمشي على الأرض فلن يحس بالأمان لذلك بداء يصرخ بصوت عالي من شدة الخوف.
حاول أن لا تخيفه أبداً و إلا حصلت على نتائج عكسيه (سلبيه).
مبروك اخوي الطائر
وعادي جدا الي يسويه طير جديد عليه المكان لابد انه يسوي كذا
اصبر علي وراح يولف عليك وانصحك بقراءة بعض المواضيع في المنتدى
لكي تفيد نفسك وطيرك
كل الشكر للأساتذه الافاضل بوعبد العزيز وعبده الاسير على هذا التواصل وايضا الشكر موصول للأخ سنودي على نصيحته .. وايضا الامل وكل الامل بمشاركة باقي الاخوان في هذا الموضوع اللي يهمني جدا جدا ..
بوعبدالعزيز وسنودي تقريبا كم هي الفترة التي يتطلبها الافريقي للموائمة مع المكان .. وبالنسبة للمواضيع في المنتدى فانا قمت بقراءة جميع مايخص الافريقي ولكن عندي احساس ان الافريق اللي عندي مختلف نوعا ما .. ايضا قمت بشراء كتاب الاخ الكبير العمودي حول تربية الببغاء .. ولكن انا اؤمن ان التجارب الذاتية هي الافضل .. لذا لا تحرمونا من تواصلكم وانا بالانتظار ..
مع خالص شكري وتقديري ..[/size]
ماشاء الله تبارك الرحمن الطير حلو وباين ان صحته ممتازة
ماشاء الله ماشاء الله ===> عشان لا تقولي حسدتيه هههههههه
ثانيا ومن خلال الصور حاسه انه ذكر مش انثى
يعني تدريبه بيكون سهل .. يمكن هي مسألة وقت
ان مكانه تغير والجو تغير عليه والناس اللي كان يشوفهم
1- يعشق مفهوم العض .. مع العلم اني لا اعطيه مجال بانه يحس اني اخاف منه ولكنه مايتردد بالعض هذ اذا قربت ايدي له .. وانا اخليه يعض واذا نهرته يوقف شوي بعدين يرجع ..
- طريقتك في النهر ممكن تكون مفيدة عشان يعرف ان العض شيء
غلط ويرتبط الصوت العالي بالعض .. ولكن أعتقد سبب عضه لك
انه مازال غير متعود عليك وعالمكان .. فيحاول يدور اي شيء مثل ما قلت
يطلع حرته فيه .. لكن احرص بعد انه ما يكون جائع لان الببغاء اذا كان
جائع اكيد بيعض ..
2. عنده حركة جديدة يقوم فيها فاذا كان على الستاند مثلا وقربت ايدي او المجثم له يقوم يعض كوب الطعام وكأنه يطلع حرته فيه ويلوي راسه ويسوي حركات تبين صج عناده ..
- هذي حركات تبين مدى انزعاجه من الوضع وهي تلقائيا بتروح ان شاء الله
بعد فترة لما يرتاح ويتعود عالمكان .. بس أهم شيء انك ما تتعبه
وترهقه بوجودك معاه طوال الوقت وهو خائف او مرتبك .. اذا شفته خايف
او يتحرك بطريقة عشوائية او يمشي يمين ويسار على الاستاند اتركه
دقايق وبعدين ارجعله ..
3- شغلة غريبة ثانية مثلا الحين عضني ولمن يوخر ويهدي شوي يظل طبعا يزمجر بس بدون جعير اعطيه اكل من ايدي عادي ياكل ولا كأنه عضني من قبل ربع ساعة .. لا وياكل واهو يزمجر بعد مو عاجبه بو الشباب ..
- هههههههههههههه يقولك الجوع كافر .. شيء طبيعي لما يجوع
يرد ياكل من ايدك اللي عضها .. بس انا مثل ما قلتلك ان ممكن يكون
سبب العض احيانا هو الجوع ..
4- نزلته على الارض اليوم ةخليته يمشي على اساس بروضه يعني .. والله طلعت روحه الا شوية والسبب الخوف اللي فيه قام يصارخ صراخ بحياتي ما شفت مثله .. وطبعا خذيت بخاطرة وركبته الستاند سكت ..
- طبيعي يخاف من اي موقف او اي شيء يتحرك معاه او خلفه
اتركه بنفسه ينزل للأرض لا تجبره على اي شيء حاليا
افتحله القفص وخله بنفسه يتحرك ويروح للمكان اللي يبقيه لا تلحقه
وتمشي وراه خلك واقف بمكان واحد وراقبه ..
5- اذا خليته على الستاند يظل دايما واقف على كوب الاكل .. واذا شلته بالعصا من الكوب وحطيته على المجثم يرد على طول يمشي ويركب الكوب .. ليش مادري وما اشوفه ينزل ابد ..
نفس اجابة السؤال الرابع .. يحاول يتشبث بأي شيء يحسسه
بالامان .. فانت اتركه براحته وبنفسه راح ينزل على الارض او يوقف
على العصا ان شاء الله ..
6- اول يوم شريته كا يركب على ايدي بدون اي مشكلة الحين ماكو مجال ارب ايدي عند صدره يمسك بالكوب او الحديد ويطلع حرته بطريقة تضحك ما يخليني اوصل حق صدره .. كل اللي اقدر اسويه الحين اني احك منقاره اشوي وهو هادي ..
- الموضوع الحين يختلف شوي وهي انه كان يركب ايدك والحين
لا وهذا له سبب وهو غالبا ما يكون حركة خاطئة اخافته ..
او تصرف ارتبط مع صعوده ليدك اخافه .. وعشان تخليه يرد يوقف على ايدك
جرب هالطريقة اللي ذكرتها في هالموضوع
[color=#] [/color] كل الشكر لكي استاذتنا الفاضلة الشامسية .. كفيتي ووفيتي بصراحة .. بس نقطة وحدة انه يعض ليس بسبب الجوع فالاكل دائما موجود وايضا يأكل من يدي وأكله موجود ..
كل الشكر لكي مرة اخرة على هذي المشاركة المميزة ..
