ريحت دماغى واشتريتهم مفرخين

[kokahat]

السلام عليكم ورحمه الله وبركاتة
علشان مدخلش فى معمعه التزاوج واختيار الزوج المناسب ولسه هيحضروا ويحبوا فى بعض
قررت اشترى زوج مفرخ وفعلا جبت زوجين بقفصين كل زوج منهم باولاده
الاول اولاده اصغرهم عنده حوالى 5 او 6 ايام والتانى لسه فاضله بيضه مفقستش والاب والام بياكلوا اولادهم عادى مفيش خوف من التغيير المفاجىء للجو
الاستفسارات بقى
بالنسبه للاكل فانا بحطلهم اكل مخلط بالنسب المحدده ( فلارس - بلكم - دنيبه ) فهل المفروض اضيف عليهم حاجه ؟
بالنسبه للميه عندى فيتامينات وكالسيوم .. رائيكم اضيفهم على الميه فى المرحله دى ولا غلط ؟
تالت واهم حاجه القفص بتاعهم منظره عره بس انا مرضتش اخلى الراجل يغيره بواحد جديد علشان ميكونش فى خوف من ناحيه الابوين فهل بعد فطام الطيور الصغيره ممكن اغير العش مع المحافظه على البياته ويفرخوا عادى ولا حيقرفونى شويه ؟
وبالنسبه للبيض الى مفقسش او فقس وموجوده قشرته اشيلها ولا الانثى حتتعامل معاه
شكرا على حسن استماعكم
والسلام عليكم ورحمه الله وبركاتة

[احمد برى]

الله يباركلك فيهم والان ضع لهم القمح المنقوع فى الماء والبيض بالبقسماط وطريقه العمل فى المواضيع المثبته
وبالنسبه للفيتامينات فى الماء تضعها عندما يكون الفرخ الصغير عمره 10 ايام
وايضا الخضره واهتم جيدا بغسل الخضروات جيدااااااااااااااا
وابقى طمنا عليهم

[إبن بطوطة]

تالت واهم حاجه القفص بتاعهم منظره عره بس انا مرضتش اخلى الراجل يغيره بواحد جديد علشان ميكونش فى خوف من ناحيه الابوين فهل بعد فطام الطيور الصغيره ممكن اغير العش مع المحافظه على البياته ويفرخوا عادى ولا حيقرفونى شويه ؟

لا تقم بتغيير القفص و لا العش! اترك كل شيء كما هو حتى لا تهجر الأم صغارها و حتى لا يخاف الزوجين من المكان الجديد. بعد نهاية مرحلة التفريخ هذه بسلامن يمكنك بعدها تغيير القفص و العش و باقي المستلزمات ليعتاد عليها الزوج الجديد قبل الدخول في أي موسم تفريخ اخر.

بالنسبه للاكل فانا بحطلهم اكل مخلط بالنسب المحدده ( فلارس - بلكم - دنيبه ) فهل المفروض اضيف عليهم حاجه ؟

يمكنك إضافة بعض البروتينات كالبيض بالبقسماط (تجد التفاصيل في المواضيع المثبتة)، بعض الخضروات و الأوراق الخضراء، المهم هو التنويع في النظام الغذائي و توفر كافة العناصر اللازمة لنمو الصغار.

وبالنسبه للبيض الى مفقسش او فقس وموجوده قشرته اشيلها ولا الانثى حتتعامل معاه

يمكنك ترك البيض الذي لم يفقس في العش في البداية، حيث أن الصغار تتخذه عمادا لحركاتها. بعدها يمكنك إزالته أو ترك الأمور للأم لتتكلف بها. القشور و الفضلات أزلها من البياضة أفضل. لكن حاول قدر المستطاع ألا تزعج الأم و أن تحسن اختيار توقيت تنظيف العش.

بقيت إشارة، يجب عليك أن تسأل صاحب الطيور الأول عن الجدول الغذائي المتبع لهذه الطيور فتمشي على منواله، من الصعب فرض نظام غذائي على الطيور البالغة و هي غير معتادة عليه، لذلك أطلب منه أن يعطيك نظامه الغذائي المتبع عنده في مرحلة قبل التفريخ و في مرحلة التفريخ، هذا الأمر مهم جدا، ذلك أن تغيير الغذاء فجأة قد يسبب عدم تقبل الطيور للغذاء الجديد بينما الصغار في أمس الحاجة للغذاء.

[elkoush]

مبروك عليك الجوز انتا شايف انك رايحت دماغك

لكن انا عندي قمة المتعة لما بينجح جوز انا مختارو ونا إل مجاهزو وموفرلو كل الوسائل لنجاح عملية التزاوج مبروووووووووووووووووك

[king5stars]

اخي الفاضل
مبروك عليك طيورك الجديده
ولا داعي للزياده فوق ما قالوه الاخوة الافاضل فقد كفوا ووفو

تحياتي

[kokahat]

احمد برى
متشكر يا احمد وانا بدات فعلا احطلهم بيض بدون بقسماط لحين شرائه
شكرا لمشاركتك

إبن بطوطة
شكرا يا ابن بطوطة على المعلومات القيمه وجارى العمل على تنفيذها

elkoush
الله يبارك فيك
وبالنسبه لانى مبتدا فـ ايوة ريحت دماغى لحين اكتساب الخبره اللازمه ثم الاتجاه لتوليفهم

king5stars
الله يبارك فيك وفعلا اعضاء المنتدى كفوا ووفوا

[elkoush]

اخي الكريم kokahat

مبروك على الجوزين اهتم بوجبة البيض بالبقسماط

وبإذن الله قريب جدا تبقى محترف

[gawa]

نصيحتى ليكى يا اخى الجرجير مهم جدا جدا جدا

[foufou]

لكن لو انتجتهم كان افضل