انا هااتجنن مش عارف جنسهم ايه

[miceg]

السلام عليكم ورحمة الله وبركاته

الاول علشان انا متوتر ومتضايق ومش عارف اشرحلكم ازاي
انا المفروض اشتريت جوز كوكتيل واحد ذكر وهوه اللوتينو والانثي هيه الرمادي والمفروض عمرهم الاثنين زي ماصاحبهم قالي 6 شهور

ودي صورهم ::::::::::::::::::










المهم بعد اول شهر يعني بقي عمرهم 7 شهور
لاحظت ان العملية مقلوية يعني الانثي هيه الي بتبقي فوق الذكر وبتحاول تلقحه

وبعدها ب3 ايام








الذكر بـــــــــــــــــــاض ( يعني اللوتينو )


( لو سالتني ازاي اتاكدت ان اللوتينو هوة الي باض من حسن الحظ انا في اليوم ده كنت متاكد ان مافيش حاجة في العش وفصلتهم عن بعض علشان المعارك الي شغالة المهم بعدها جه البيض وكان اللوتينو لوحده وكان الرمادي في الوقت ده بيصرخ ليل نهار لذالك رجعته للقفص ثاني اعمل ايه )


انا بعدها مبقتش عارف ايه الي بيحصل برده الرمادي من وقت للثاني يحاول يلقح الانثي بس الرمادي المفروض انثي مابقتش عارف قلت يمكن يكون ذكر

المشكلة ان الانثي اللوتينو حطت 3 بيضات دلوقتي ومش بتخلي الرمادي يدخل العش غير في اوقات كده وبعد كده في اغلب الاوقات بتطردها بالضرب انا مش عارف اغير الرمادي ولا استني يمكن يكون ذكر ولا ايه الحكاية اانا مابقتش عارف والله ولا استني 20 يوم كده لو فقس البيض يبقي ذكر ولا ايه


بعض الملاحظات :::::::::

الرمادي يصفر ويصرخ ويعمل صوت الكروان واصوات كثيرة
اللوتينو مافيش غير انه صوت بسيط مش عارف ده تصفير بس علي مااظن




ياريت حد يشوف ايه جنسهم واعمل ايه فيهم انا غلبت واتحيرت
!!!!!!!!!!!!!!!!!!!!!!!!!!!!

[mahseh]

السلام عليكم ,

اخى الكريم ,

طالما الرمادى يصفر و يعمل صوت الكروان فهو ذكر 100% ( مع العلم ان شكله انثى ) فهو مازال فرخ كبير و مع اول تأليش ( تغيير الريش ) يفقد الريش الرمادى فى وجهه و الريش المخطط اسفل الذيل و يكون شكله كالذكور .

افصلهم الآن عن بعض فلا يحبذ تزاوج الطيور فى هذه السن الصغيرة , بل انتظر للموسم القادم ( شهر 10 ) حتى تضمن البلوغ و النضج التام . و اذا لديك طيور اخرى ضع تحتها البيض حتى و لو كانت بادجى و اكشف عليه بعد مرور اسبوع فاذا وجدته مخصب فاتركه و ان شاء الله يفقس و بعد اسبوعين من الفقس افصل الصغار و اطعمهم يدويا . او اذا لا تريد ذلك فتخلص من البيض .

و اعتذر اذا قلت لك من قبل ان الرمادى انثى فالمظاهر خداعة

[miceg]

انا الاول بااشكرك شكر حار جدااااااااااا علي انك رديت عليه ياستاذ هشام مع العلم اني كنت معتقد زيك ان الرمادي هوه الانثي واللوتينو هوه الذكر

بس انا شكلي هااستني اما اشوف البيض هيفقس ولا لا علشان اللوتينوا قاعدة عليه 23 ساعة في 24 ساعة حتي مش بااقدر اشوفهم

بس احب اعرف هوه موضوع القلش ده بيحصل امتي يعني لما يبقي سنهم كام علشان مش ملاحظ اي ريش بيقع منها الانثي

واخيراااااااااا شكر ثاني ليك علي المجهود الي بتبذله في المنتدي

[mahseh]

السلام عليكم ,

اخى الكريم miceg ,

يكون القلش الاول فى سن من 6 الى 9 شهور و هذا يعتمد على الطير و الغذاء المقدم له .

و لا شكر على واجب

[mohamed reda]

اخى الحبيب


الطائر الرمادى ومع عمره الذى ذكرته فهو انثى واستعجب جدا من موضوع التغريد لكن اخى احيانا الاناث من شده الجاهزيه والرغبه فى ىالتزاوج تصدر اصوات الذكور وايضا تحاول التلقيح ايضا مقلده الذكور والصور لانثتان اخى الحبيب

فالطائر اللاتينو واضح من الصوره انه انثى ولكن العجيب الطائر الرمادى والتى مازلت اعتقد انه انثى وجاهزه جدا لعمليه التزاوج ووضع البيض


وهذا والل اعلى واعلم

محمد رضا

[miceg]

يعني ياجماعة ارمادي ده ذكر ولا انثي علشان انا اتحيرت خلاص
وشكلي هاارجعه

[bigboss080]

الشيخ شف افضل طريقه انك تفحص عليهم من جهاز التناسل حقهم

وهناك تحصل الجواب الاكيد

[mahseh]

السلام عليكم ,

اخى الكريم miceg ,

نحن الآن على مشارف فصل الصيف ارفع العش الآن , و انتظر الى انتهاء فصل الصيف و بدء الموسم الجديد ( نهاية شهر سبتمبر لان الطيور مازالت صغيرة ) و لاحظ التغيير فى الطير الرمادى فأذا توقف عن التغريد و الشدو و محاولة جذب الانثى فهى انثى , اما اذا استمر فى التغريد و تشكيل القلب بجناحه و تبدل ريش الوجه الى اللون الاصفر فهو ذكر .

و الله يوفقك