ساعدوني الأفريقي اللي عندي غدار

[Angel]

السلام عليكم

والله يا جماعة الخير قصة الأفريقي اللي عندي غريبة

سبحان الله هالطير حبوب لكن مزاجي لدرجة لا توصف

لدرجة انه تعلم الكلام بسرعة رهيبة وصار يفهم علي ويحبني وأنا الوحيده اللي يتعلق فيني ويخليني أطعمه وأمسح على راسه وأشيله على كتفي

لكن مش هذي المشكلة

عنده عاده غريبه وعبيطه في نفس الوقت

لو شاف شخص غريب مثلا .... عادي بيظل ساكت ولا يتحرك ولا بيحرك ريشه لكن خل الشخص يتقرب شوي بيقعد الأفريقي يطالعه بطرف عينه وفجأه بدون سابق إنذار يهجم عليه .,.. قسما بالله انقضاض غريب عجيب وعلى طول يعضه... حتى أنا مع انه ما يعظني والحمد الله لين الحين ما قدر يعظني ... لو مثلا جيته على غفلة وهو ما يدري مثلا وحطيت ايدي على راسه مثلا ينقض علي عشان يعضني

والغريب بعد ما ينقض على الفريسه يقعد يضحك .. وبطريقه ترفع الضغط

المشكله بعد فتره اكتشفت انه على باله انه يلعب .. هيه والله طلع مسكين ما يعرف انه هالشي ممكن يجرح او هالشي غلط .. لا طلع الحبيب على باله انك تلعب معاه وصارت قضية الهجوم والإنقضاض على الأشخاص الغرباء خاصة أمر مضحك بالنسبه له ...لأنه دايما بعد ما ينقض يقعد يضحك وينط ويستهبل ..... عاد إن رحت عنه وخليته بيقعد يصفر ويناديك ويقول كوكو تعال عاد هو صار كل شي عنده كوكو لأن اسمه كوكو ...

بليز ساعدوني شو الحل رغم اني حاولت معاه بشتى الطرق حتى والله بالعصبيه ومرات بالعصا احاول اخوفه فيها وحتى قمت اعاقبه مرات من يعض ادخله القفص ...

والله يا جماعه طيب لدرجه لا توصف معاي حتى مرات يقعد على رجولي فترات طويله واقعد امسح على راسه وأأكله بيدي ويلعب معاي ومطيع مسكين وسريع التعلم ماشالله عليه كذا كلمه تعلمها لين اليوم مع انه الحين كمل شهر ونص عندي بس لكن قضيه العض والإنقضاض هذي مخيفه صراحه

مادري هل قدرت اوصف لكم الصوره بشكل سليم ؟؟

يليت حد يساعدني بلييييز

[د. حسن سلامه]

بسم الله الرحمن الرحيم
الأخت الفاضله انجل
ما توصفيه حقيقة غريب على الرمادى اللهم الا فى حالات خاصة جدا وهى التغير الهرمونى او بداية وضع البيض أو الحب الشديد لشخص لدرجة ان يشعر الببغاء انه الزوج المكمل له. فيبدا بالتعصب عليه حبا وليس غدرا. ما هو جنس ببغائك؟ وما هو سنه؟
بما ان العلاقه معه حميمة فاحذرى التقرب من خلفيه ذيله فقد يفسرها الطائر بطريقة خاطئة. ابدا لا تفاجى الرمادى باى حركة سريعة ولكن تعودى قبل ان تعملى معه اى شئ ان تكلميه وتذهبى اليه ببطء وهدوء. كذلك اذا فعل ذلك معك او مع غيرك فلا تضربيه فهو سيعتبر ذلك بدايه شن الحرب وقد يزيد سلوكه السئ ولا تدخليه القفص فقد يفعلها لكى يدخل القفص. انهريه فقط بصوت جدى وقوى واظهرى له بعينيك نظرة احتقار وقرف حادة وجديه مظهرة له ضيقك وامتعاضك وداومى على ذلك وسوف يكف ان شاء الله تعالى عن هذا السلوك السئ. اما عن سعادته بعد فعل ذلك فهو امر لابد منه فهو الأعلى فى الفريق(السرب) واستطاع ان يسيطر عليكم وعلى الموقف.
ايضا قد يفيد جدا ان كان مكان قفصه اعلى من مستوى نظرك ان تنزليه الى هذا المستوى او حتى تضعيه على الارض وهذا الافضل.
تقبلى تحياتى

[كوكو شانيل]

اختي الطير ما في شي بس اتووقع والعلم عند الله

انها زياادة شقااوووه انا عندي واحد يحط حررته بالاسلااك

اي سلك قدامه يعض فيه طبعا خفت عليه يعض سلك موصل بالكهرباء وبعدها يررقصه الا هو في بيت الجيراااان


وفيه شووية شرااسه بس يترااجع على طوول ما يكمل


جبت له مجموعة العااب خشبيه صاار يحط حرته فيهم يعض فيهم وبعدها


يررجع لووضعه الاول وما كان شي صاار .


اتووقع غريززه بالطير انه يحب يخررب او يقطع اي شي


واذا مالك خااطر بالطير تبي تبيعين انا شراااي


احب النووع المشااكس .

[Angel]

د. حسن سلامه.. بارك الله فيك والله نصايحك جدا مفيده ورائعة واشكرك على تواصلك وردك على مشاركتي ... طائري يا دكتور ذكر وهو مولود في 2004 اعتقد شهر 3 اذا ماني غلطانه بناء على اللي مكتوب على الحديده اللي في رجله .. ببغائي نوعه جامبو كبير الحجم بصراحه مقارنة مع ببغاء ثاني عند ناس نعرفهم وهذاك عمره تقريبا 3 سنوات لكن بالحجم صراحه اقل من اللي عندي ....بالنسبة للنزل للأرض فدايما لما يشوفني اصلا جالسه على الارض بعيد عن القفص ينزل من القفص ويجيني يمشي لين ما يوصل عندي بعدين يقعد على رجولي ويقرب منقاره من ايدي عشان يخليني امسحه على راسه وكل ما شيل ايدي يروح يقرب منقاره عشان يمسك ايدي يرجعها لمكانها فوق راسه ..وانا بطبق كل الكلام اللي قلته لي وانشالله ببشرك بالنتايج في اقرب وقت



الأخ كوكو شانيل هلا والله اخوي ومشكور على ردك وبالفعل احس انها ميزه في الطيور تحب تعضعض في شي عشان كذا رحت شريتله العاب واشياء خشبيه يحط حرته فيها ... بس انشالله اني بحاول وياه بنفس الطريقه اللي قالي اياها الدكتور وبشوف ردة الفعل وحياتك بتم وراه وراه لين ما يصطلب ويصير رجال