طقطقة بالمنقار متكررة من بعض طيوري - معناها ايه ؟

[Sherief]

إخواني الأعزاء

بسممع صوت طقطقة بالمنقار من بعض طيوري - يفضلوا يخبطوا منقارهم العلوي في السسفلي ويطلعو صوت زي أزأزة الليب كدة أو تكسير شيء صغير .

مش عارف ده ايه سببه يا ريت لو حد يعرف معنى السلوك ده ايه يقول مع العلاج لو كان مرض .

على فكرة انا فارش رمل في الأرضيات وحاطط علطول محار كالسيوم .

مش عارف بقى هما بيتكتكوا ليه كدة .

ممكن يكون برد ؟

كمان يا إخواني بسمع صوت عطس بعض الشيء من كذا طير وكأنه بيبخ كدة .

علما انه كان عندي تقلبات في درجة الحرارة اليومين اللي فاتوا علشان كنت بركب مكيف واشيله واصلحه واظبط نظام الحرارة والاضاءة فكانت العملية ملخبطة شوية .

وشكرا .

[Amy]

البرد عالجه بدون مشاكل
لكن الطقطقه على حد علمى والى شوفته بيكون تغريد لكن بصوت هادىء من الذكر والله اعلم

[AHMED1N]

الطقطقة تعني أنهم سعداء عندك و لكن إن كان الطير يفعل ذلك بمنقاره
أما إن كانت حشرجة من صدر الطائر فتلك مشكلة في التنفس
بالنسبة للعطاس إنتظر رد الخبراء
سلام

[ابو جميلة]

السلام عليكم ورحمة الله وبركاته
الطقطقة هى صوت يصدره الطائر فى حالة سعادتة كما يقول د/احمد او تغريد كما قالت الاخت ايمى ولكن بصفة عامة هو شئ ليس بمخيف او مقلق ولكن العطس يجب ان يكون هناك دواء للبرد من احد المضادات الحيوية البيطرية او البشرية مثال ( بايتريل ) او ( اسبكتراما فيت )
والبشرى مثل ( اموكسسيسيللين ) او ( استربتو مفينيكول )
والله الموفق
والسلام عليكم ورحمة الله وبركاته

[Sherief]

إخواني الأعزاء

هي مش طقطقة يعني نغمة بيطلعها او صوت بيطلع عن طريق الحنجرة

بالظبط بالظبط بحس انه بيكسر منقار اللي تحت بمنقاره اللي فوق او العكس ( الصوت بالظبط بالظبط الله يعزكم زي صورة القصافة بتاعة الأظافر لما بتقص بيها بعض الأضافر ) .

سمعت قبل كدة انه ممكن يكون وجع عشان كدة الطائر بيجز على أسنانه اللي هو منقاره يعني

بس مش حاسس انه صوت سعادة بصراحة حاسس انه تعب .

بالظبط هو صوت قصافة الأظافر .

يا ريت حد يطمني اكيد سمعتوا الصوت ده قبل كدة .

بالنسبة للأدوية أخي ابو جميلة . . بصراحة حصلت حالة اسهال قبل كدة وعلى وصف بعض الإخوة حطيتلها فلاجيل بشري ومعملش حاجة وحاطيتلها دواء تاني من عند دكتور بيطري اسمه جينتا وبرده معملش حاجة وماتت في الاخر بعد اسبوع .

وذكر اخر كان في السلاكة الجماعية بس كش يوم واحد وتاني يوم علطول لقيته ميت - زي اللي ميكون ملحقش يتعب .

المهم اني حطيتلهم لمون وثوم وملح انجليزي وبرده مافيش فايدة .

أما موضوع الأدوية ده بقى بصراحة مش عارف اظبطه خالص الدكتور البيطري قالي يا اخي هو ينفع تحط الفلاجيل للطيور ده دوا بشري خذ الجينتا وبرده منفعتش

بصراحة حتى الدكاترة اختلفوا واحد يقول اسهال ابيض والثاني يقول اسهال اخضر لدرجة اني هاتجنن .

معلش طولت عليكم بس من كثر التفكير

يا ريت اخي ابو جميلة تحددلي دواء معين لحالات البرد وامشي عليه .

وشكرا .

[Pass]

أخي كما قال لك الاخوان, هذا هو بالفعل صوت يصدره البادجي المرتاح والسعيد وهو عادة يصدره وهو في حالة استرخاء. اي انه لا يفعله اثناء الاكل او الطيران او الحركة الشديدة بل فقط حين يجلس ساكنا على المجثم واغلب الاحيان يكون واقفا على رجل واحدة. وهو لا يصدر من الحنجرة بل من حف المنقار على بعضه.
وهذا النمط ليس حكرا على البادجي فقط بل عدد من الببغاوات تتبعه ايضا.

وبالنسبة للعطس فالبادجي ينظف مجرى انفه باصدار صوت يشبه التعطيس ولكن لا يستعمل منقاره ولا يفتحه ويصدره مرة واحدة . اما العطس الفعلي فيكون بفتح واغلاق المنقار وبطريقة متكررة. فعليك اخي ان تراقبهم لتعرف ما يجري عندك.
تحياتي

[Sherief]

شكرا جدا اخي pass على المرور وبالفعل انا براقبهم دلوقتي

[ابو جميلة]

السلام عليكم ورحمة الله وبركاته
اخى الحبيب اريد لفت نظرك لشئ مهم جدا
الطائر لن يشفى اذا قمت باستخدام كثير من انواع الادوية فيجب عليك استخدام نوع واحد فقط او اثنين حسب الحالة وانا ارشح لحضرتك الطريقة التالية
اوقف اى ادوية لمدة ثلاث ايام واعطى ( اسبكتراما فيت ) لمدة 5 ايام سواء للبرد او الاسهال وستجد نتيجة جيدة ان شاء الله
والسلام عليكم ورحمة الله وبركاته

[Sherief]

شكرا جدا أخي أبو جميلة

يا ريت بس تقولي الدواء ده بشري والا بيطري ، وجرعته قد ايه ؟ كام نقطة يعني ؟

ومعلش اخر حاجة . . أحط منه خمس ايام للطيور كلها والا اللي تعبان بس ؟ طيب ولو حطيت للديور كلها للتأمين يعني يحصلهم مشكلة ؟

وعندي كيس لونه فضي اسمه نيو ترياميسين مضاد حيوي أحط منه والا لا ؟

وشكرا

[احمد برى]

الاسبكتراما فيت دواء جيد ولاكن يجب ان تستمر مده 5ايام حتى يشفى الطائر تماما ويزال المرض من جزوره