حالة طارئة . . إضراب عام عن الأكل. . برجاء المساعدة

[Sherief]

إخواني الأعزاء . .

طيوري الحمد لله ظبطلهم البيئة المناسبة ولكن للأسف فقط من أمس تمتنع الطيور عن الأكل بشكل ملحوظ بعد أن خلصت من عندي الخلطة وحطيت بينيكام فقط .

أمس فقط خلصت من عندي خلطة البذور التي أقدمها لهم وغصب عني ما لقيت عند المحل غير بينيكام فقط فأحضرته لأضع منه لها حتى يتثنى لي أحضر فلارس وأخلطها معاه الا انني فوجئت برغم أن الطيور قد جاعت إلا أنها لم تقترب منه ولا أعلم حتى الأن ما السبب مع العلم أن أغلب المحلات يؤكدون لي أنهم يطعمون البادجي البينيكام فقط بل حتى الكثير من الناس عندما يأتي ليسأل عن طعام بادجي يعطوه البينيكام فقط . . فلماذا طيوري لا تقترب منه على الرغم من أنها جواعانة ؟ .

هل ممكن ان يكون حجمه مش مناسب ؟ لأني عرفت امس انه في حبة صغيرة وفي حبة كبيرة شوية . . الله أعلم .

المهم اني ذهبت أمس وأحضرت عشرة كيلو خلطة بذور بالفيتامينات وكمان خمسة كيلو فلارس وخلطهم على عشرين كيلو بينيكام اللي الطيور امتنعت عن أكله أمس ( انا قلت يمكن كدة بقى لما يتخلط أكيد يرجعوا ياكلوا ) وبالفعل نزلوا ياكلوا بس بشهية ضعيفة جدا جدا .

مش عارف في ايه بس الموضوع مش مرض . . تقريبا انه متعلق بالبذور . .

أو

ممكن يكون السبب علشان بسهرهم معايا شوية لغاية الساعة 12 بالليل وبيصحوا الساعة 6 الصبح ؟ طبعا هو لظروف خاصة بسهرهم حيث أني ما زلت أرتب في الغرفة بتاعتهم . . بس أن من الاول وأنا معاهم كدة . . وأنا شايف انه في منهم طيور دخلت في قلش . . بس بقول مش مشكلة المهم اخلص من الغرفة .

يا ريت يا جماعة أي حد حصل معاه ان طيوره أضربت عن الطعام بالشكل ده يقولي في ايه ؟

وشكرا

[ابو جميلة]

السلام عليكم ورحمة الله وبركاته
اخى الحبيب الطيور تعتاد على نظامك الغذائى الذى تعودها عليه وعند تغيير هذا النظام فان الطائر يندهش لفترة لانه لا يجد ما اعتاد عليه ولكن ان ظل الحال هكذا سيأكل الطائر ولن يعترض المهم انك تعودهم على النظام الغذائى المتاح لك تقديمه دائما اما بالنسبة لعدد الساعات فان فترة الصيف تحتاج الطيور الى ان ترتاح قليلا وتنام ساعات اطول لانها تكون مرهقة من عملية القلش وما الى ذلك وان شاء الله ربنا يوفقك
والسلام عليكم ورحمة الله وبركاته

[Sherief]

شكرا جدا أخي ابو جميلة

[Sherief]

أخي أبو جميلة :

أمانة عليك الطيور بقالها أكثر من 36 ساعة وبرده ما أكلوش عندهم مشكلة مع البيلكم مش عارف ايه هي

أسيبهم لغاية لما يموتوا والا أرضخ وأروح أجيبلهم الخلطة القديمة .

بحطلهم من الخلطة الجديدة بياكلوا بس الفلارس منها ودي نسبتها قليلة جدا

مش عارف اعمل ايه يمكن في مشكلة في البينكم الجديد ، طيب انا جيبت خلطة جديدة على بعضها وخلطها مع اللي مش راضين ياكلوا منها

نفس الشيء برده مش بياكلوا البينكم .

ايه رايكوا يا جماعة ارجع للأكل القديم ( هو بصراحة غالي وانا عندي حوالي عشرة اجواز - العلبية مش بتكفيهم ثلاثة ايام نص كيلوا ) .

حديطمني ويقولي ده دلع منهم والا يقولي يمكن البينكم الجديد ملوث والا حاجة - انا اشتريته من محل كبير موزع جملة .

والا يمكن في فرق بين البينكم الحبة الصغيرة والبينكم الحبة الكبيرة ؟

يا ريت يا جماعة تقولولي اعمل ايه بصراحة مش هاشتري اكل تاني انا عندي دلوقتي 40 كيلو أعمل فيهم ايه ؟