درس في التصوير من ( ايمي )

[جابر عبد الله]

لاحظت و لاحظ الجميع معي ان زميلتنا الغالية ( ايمي ) تضع في موضوعاتها صورا لطيورها من تصويرها هي آية في الفن و قمة في اظهار جمال و الوان البادجي
و قد عانينا جميعا في مسابقة البادجي الماضية من مشكلة الصور الغير واضحة او التي لم تظهر جمال الطيور الحقيقية - اللهم الا القليل
و قبل ان نبدأ مسابقة جديدة لهذا العام و التي نامل ان تكون افضل من سابقتها
اتوجه بالطلب الى الاخت العزيزة ( ايمي ) بالنيابة عن كثير من الاعضاء ان تشرح لنا في خطوات كيفية الوصول بصورنا الى اظهار جمال الطائر
و اشكرها مقدما على تعاونها
و ارجو التوفيق للجميع

[Amy]

شكرا يا استاذ جابر على كلامك الجميل وانا سبق وكتبت عن نظام التصوير الى بستخدمه وكان كالاتى
................
الموضوع سهل خالص بس يطول شرحه شويه
اولا انا بصور بكاميرا موبايل Nokia N73 لكن الموضوع بيتخلف فى اوضاع التصوير او المودز modes
الكاميرات بوجه عام بتكون مهيئه للتصوير المفتوح الخاص بالمساحات الكبيره زى الصوره دى مصوراها من مركب فى النيل



لكن لما نيجى نصور حاجه صغيره ومحتاجين انها توضح لازم نغير مود التصوير لاخر مختص بالتصوير المحدد للاشياء الصغيره ( closeup mood ) وده للاسف مش موجود فى غالبيه الكاميرات فارجوا البحث عنه
ودى صوره توضيحيه لاحظ لحامات حديد الاقفاص



ودى صوره لورده فل



نظام التصوير ده فى منه نوعين الاول معقد ويوجد فى الكاميرات المختصه بالتصوير الاحترافى الشديد وده محتاج تغير من عدسه لاخرى للحصول على الجوده المطلوبه
او فى منه بالكاميرات الرقميه ودى بتحسب بصريا مسافه الشىء المراد تصويره لاظهاره بافضل شكل وده بيتم اتوماتيك لكن ممكن وده نادرا شويه انه يغلط فى الحساب ويطلع الصوره مشوشه زى دى



وهنا لما حسب المسافه بشكل سليم



طبعا نظام التصوير المختص بتلك الاشياء مينفعش اننا نصور بيه اى حاجه ونبعد الكاميرا ونقول انها حتطلع واضحه لانه بيحتاج تكون مسافه الشيىء المراد تصويره قريب جدا من مسافه تبدا بـ 10 سم وتنتهى بـ 50 او 60 وكلامى هنا عن الكاميرات الرقميه ودى صوره توضح لو صورنا على مدى بعيد



نيجى لاهم حاجتين بيأثروا على نجاح التصوير وهما اولا اهتزاز اليد وثانيا الإضاءة المحيطه بالمكان
انا عن نفسى محبش اصور ابدا الا فى ضوء الشمس لانها من رائى افضل ضوء ربنا سبحانه وتعالى وهبه لعباده
ودى صورتين بيوضحوا الاختلاف الشديد فى التصوير داخل الغرف المغلقه او بإستخدام الفلاش عن التصوير المفتوح فى الشمس

[/color]



واخيرا دول صورتين بيوضحوا الفرق بين تصوير الاشياء المقربه بإستخدام النمط المختص للاماكن المفتوحه واخرى لنمط التقريب





وهنا كام صوره مختلفه توضح كفائته وبتزيد طبعا مع زياده كفائه الكاميرا









ودى صوره لنمله شايله حبايه فلارس بعد تقشيرها



ملحوظه جميع الصور بالمشاركه من تصويرى الشخصى
اتمنى تكون الفكره وضحت[/size][/align][/B]

[ahmedabutaleb]

ماشاء اللة يااخت امى صور اكتر من روعة امال لو معاكى كاميرا ديجتال كنتى عملتى اية كانت الطيور هتخرج من الصورة

[زيبرا البحرين]

صور اكثر من رائعة ياايمي وبلذات الزيبرا ياريت تضعي ليهم اكثر من صورة لان تصويرك عجبني ،، وانا اظن ان التصوير يكون حسب الكاميرا المستخدمة فان كانت كفائتها ككفاءة n73 فان شاءالله الصورة واضحة اما اذا كانت كاميرته ضعيفة فلن تكون جيدة ،، شكرا

[جابر عبد الله]

تسلم ايدك يا ايمي
و شكرا على هذا الموضوع الجميل و اظن بعد كده في اي مسابقة ما حدش عنده عذر انه يشترك بصور مش واضحة
لا و كله الا الفله ..................روعة
تحياتي

[hichamFAR]

تسلم اديك يااختنى
تحيات اخوكمhichamFAR

[crest10]

السلام عليكم

ماشاء الله اختي فعلآ خبره بالتصوير..

تحياااااااااااااااااتي

[الكويتي]

مشاء الله صحيح
ان التصوير فن
والف شكر وتقبلو
مروري

[a.alrabawy]

ماشاء الله صور رائعه استاذه في التصوير تسلمي

[Pass]

اخواني,
في الكاميرات الديجيتال يسمى نظام التصوير القريب ب macro لمن يرغب بالمحاولة وانا استعمل هذا النظام دائما لتصوير طيوري.
تحياتي