لحد يهاوشني لاني حطيت للانثى خيوط و قطن وقامت سوت العش
حرام كسرت خاطري تبي تبيض
وخلوني اوضح شغلة انه انا احاطة عصافيري الاعزاء في المطبخ ( المطبخ مكيف ) وهم بعاد عن الفرن وسوالفه
والوالدة الله يهداها مو راضية توسع علي ، هذا حدي
فانا رضيت بالمقسوم
وتقريبا اطفي الضو عليهم من الساعة 10 ويصحون على 6 معانا حق الدوام
هل هذا سبب كونها دايم انها تبي تبيض ساعات النهار زيادة بالنسبة لها ؟
لانها اذا كانت المشطلة مستعدة اغطيها بدري علشان تنام ساعات اكثر
===
اخي مهند انا الفيتامينات تظل يومين ( ادري انها غلطة بس الوقت ما يساعد )
لان الصيدلي قاللي بس بس يوم واحد وكم ساعة بعد
بس انا صرت طبيبة نفسي وقمت اقلل الكمية من الفيتامين في حال طولت انا في تبديل الماي وعموما مرة في الاسبوع او الاسبوعين احطلهم الفيتامين
===
اخي يافا انا مشيت مع كلامك والله يوفقها انشالله
===
اخي بو يوسف الله يخلي لك يوسف انشالله ، مشكلتي انا الذكر صح بس والله حرام مرتين اشتري ذكر ويطلع انثى ( يكون يغرد بشكل جميل ) شنو حظي انا ، فصرت خايفة من سالفة اني اشتري ذكر لانه صراحة البياعين بدون ضمير
فهذي المرة اخذت ذكر مجرب من صديقتي وقلت انشالله تضبط معاي
بس الحظ الردي
يا ريت اذا تعرف احد ثقة اقدر اشتري منه كناري ومستعدة اني اروحله خصوصا انت من الكويت لاني رحت سوق الحمام
اذا تقدر تفيدني بالموضوع اكون لك شاكرة
======
اهلين اخي العزيز طائر الكناري ،
بالعكس ارحب بالاسئلة اكثر واكثر لانها يمكن تبين اخطاء انا اسويها بدون ما اعرف
بس انتوا الله يعينكم على
عموما
اتوقع انها راحت علي لانها جهزت العش ( ادري غلطتي ) بس عندي كم مشكلة
1- ما اقدر اغير مكان الذكر لان ما عندي مكان
2- الجو برد برد برد مسكينة تصلع في البرد ، اخاف على عصفورتي
======
سؤالي :
- هل المفروض ان الطير يدخل مرحلة طرح الريش بعد انتاج البيض ؟
- كم مرة في السنة ؟
- وشلون شكله يصير ؟ ( الام بدأ ريشها يسقط وقمت اعتني فيها بشكل جيد لاني قلت اكيد مرحلة طرح الريش لكن كانت تصلع زيادة والريش يخف لين ماتت
- هل عندهم مشكلة في الاضاءة والنوم ؟
اذا في شي غلط يا ريت تصلحولي قبل لا يفوت الاوان
واسفة على الاطالة ادري عورت راسكم
بس استحملوني علشان عصافيري الحلوة
















