الأنثى عديمة الخبرة فطست طفلها وأصابت الأخر بالشلل أم انا ؟

[Sherief]

إخواني الأعزاء

عندي مشكلة بس مستعجلة مش عارف اعمل فيها ايه .

عندي فرخ عمره عشرة أيام لم ينبت ريشه بعد . . ولكن أثناء تنظيف الحضانة ومع رفعه هو وإخوته علماً بأنه الأوسط . . . لاحظت أن رجليه الأثناء لا يستقيمان رأسياً وإنما يستقيمان أفقياً مما جعله لا يتحرك كما أخويه الأصغر والأكبر . . . حتى أن لا يأخذ نفس نصيبه من الطعام . . . يمكن ابوه وامه لما شافوه كدة قرروا عدم الإهتمام به كما أخويه ؟ مش عارف ده شلل والا كساح . . . والا هو عيب خلقي والا ايه سببه .

بصراحة شيء محزن . . . ده اول عش اقدر أنتجه هنا في السعودية .

المهم يا جماعة عايز اعرف ده بيكون يعني وراثة والا من غير سبب ؟ . . . والا أمه ممكن داست عليه وهي راقدة على اولادها وبالتالي بقى بالشكل الفظيع ده ؟

يا ريت توضحولي السبب علشان ميتكررش تاني . . مع العلم اني بنوع في الاكل تمام .


باقي دليل واحد لازم تطلعوا عليه وتعرفوه علشان يكون الحكم مظبوط . . . هذا العش ( نفس الدورة ) كان يضم بيضتان لأنثى أخرى من نفس العمر ( بتكلم على البيض ) والبيضتان فقسوا في يوم واحد ولكن إحداهما قبل ما تفقس مباشرة شفتها كانت مكسورة فتحة فيها كبيرة بقطر نصف سنتيمتر والفرخ بداخلها . . . .

ولكن صباح اليوم التالي لم أجد البيضتان ووجدت فرخ واحد وجلست ابحث وابحث بجنون عن فرخ او البيضة الأخرى التي تم تعليمها ولم أجد أي منهما .

الا انني في النهاية وجدت الفرخ الأخر ميتاً ولكن جسمه مدهوس وكأنه رقيقة ورقية مع البيض مما جعلني لا أراه فتوقعت أن تكون الأنثى رقدت عليه وفطسته بالبلدي كدة . . . أما الفرخ الأخر فهو بخير حتى الأن ولكن مع ظهور هذه المشكلة الثانية الخاصة بشلل الفرخ حاولت الربط بين المشكلتين يمكن تكون الأنثى ليس لديها خبرة في معاملة أطفالها . . . على العموم الموضوع بين إيديكم يا ريت اعرف أقرب سبب للواقع .

أخر حاجة بقى بالنسبة للفرخ الكسيح هذا ماذا يمكنني العمل لا ؟ إيه رأيكم ممكن اربط شريط لاصق عليه بالعرض كحزام حول بطنه وبه رجليه علشان هو لسة لحم . . . يمكن العظم يلم على الوضع الطبيعي وتتعدل رجليه الإثنين . . . يا ريت نصيحتكم .

وشكراً

[Amy]

السلام عليكم
اخى انا حقولك الى اعرفه والباقى اتركه للخبراء
اولا الفرخ لسه صغير المفروض تصبر عليه اما ربط رجله فى حالات الكساح بتكون لما تبقى الرجلين مفتوحين عكسى يعنى الفرخ نايم على بطنه ورجل طالعه من اليمين والتانيه من الشمال ومش عارف يحركهم
اما البيضه فممكن كان فى فرخ ميت داخل البيضه ولما خرجته الانثى فضل على حاله او ممكن تكون زادت وزنها عليه فقتلته علشان كده بيستحسن ترك البيض الغير مخصب حتى إتمام الفقس
وكده كده الانثى لو اول تفريخ ليها واظهرت بعض الاخطاء حيتم مداوتها فى التفريخ التالى بإذن الله
وان شاء الله تتفطم فروخك وتشوف فروخ فروخهم عن قريب

[Sherief]

أختي العزيزة إيمي - شكرا جدا على الإهتمام

يمكن إنتي قدرتي توصفي الحالة أكثر مني - فعلا هو بينام على بطنه والرجلين مفتوحين عكسي واحدة طالعة من اليمين والثانية طالعة من الشمال ومش عارف يحركهم ويقف عليهم .

هل هو ده الكساح ؟

يا ريت تأكديلي وتعرفيني بالظبط أعمل ايه واربطه إزاي وبإيه ؟

وشكرا جدا


يا ريت بس طريقة الربط بالتفصيل علشان دي أول مرة أعمل فيها كدة

[Amy]

المشكله انه لسه صغير يعنى ممكن يكون عنده مجرد ضعف
سيبه حتى 5 ايام وشوف النتيجه لو فضل زى ماهو وبرده مش عارف يحركهم يبقى كساح

[سكليدو]

أخي العزيز

أنا دائما أرى أنه من الأفضل

أن نترك قليل من نشارة الخشب في البياضة

حتى لو كان فيها حفرة صغيرة لوضع البيض

لأن هناك فروخ تتعرض للانزلاق

على الأسطح الملساء

وبالتالي (ولأنها صغيرة) تبدأ تبني عظامها على الشكل اللي مفتوحة فيه أقدامها

وهذا يحصل دائماً في حالة الأسطح الملساء

بالتوفيق

وتقبل

تحياتي