اساليب التحضين وزياده اعداد الفروخ فى وقت قصير شرح بالصور-ض

[Amy]

بسم الله الرحمن الرحيم السلام عليكم ورحمه الله وبركاتة اعذرونى الاول لانى حتكلم بالعاميه المصرية علشان بحس بتكليف فى اللغه الفصحى بالنسبه لتربيه الببغاوات والطيور عامة فى ناس بتربى زوج او اتنين لشخصهم على عكس واحد بيربى للإنتاج وده بيهمه العدد وصحه الطيور بنفس الوقت طبعا من المعروف خاصه فى طيور البادجى ان الاناث ممكن تطعم فروخ لاناث اخرى وده بيتبعه واحد طارت او توفت الانثى بتاعته وعايز يحافظ على الفروخ الموضوع بسيط جدا احنا مثلا عندنا الانثى دى بايضه بيضتين بس ودى واحده تانيه بايضه 4 بيضات حناخد البيضتين الى فى البياضه الاولى نضيفهم للبياضه التانيه او العكس ودى برده واحده بايضه 5 بيضات واحده باضت بيضه واحده بس لكن لسه المفروض حتكمل برده ممكن جدا نضيف البيضه الاولى للـ 5 بيضات الاخريات لكن مهم جدا ان يكون اعمار البيض واحد يعنى ماتكونش الى بايضه خمس بيضات اخر بيضه بيضاها من اسبوعين والتانيه بايضه واحده لسه امبارح ونضيفهم لان ده حيعمل مشاكل فى الفقس والانثى لو حست ان ميعاد الفقس مش مظبوط يا حتموت الفرخ او ترميه بالبيضه بره البياضه وطبعا الى عنده اعداد كبيره من الطيور مش بيواجه المشكله دى عندنا هنا انثى بايضه ما شاء الله 6 بيضات دى مش بنعملها حاجه ولا نيجى جنبها لانها بالشكل ده بتكون اكتفت واخدت حقها بالنسبه للاقفاص الى نقلت منها البيض لبياضه تانيه فى خلال 5 او 6 ايام بالكتير حتلاقى الانثى بايضه من جديد وهكذا وده طبعا بيضاعف الاعداد الى ممكن تنتجها من نفس الآباء نيجى لواحد عنده البيض فقس والفروخ طلعت برده ممكن بسهوله يجمعهم فى بياضه واحده لكن هنا الموضوع محتاج شويه تركيز بمعنى اولا انثى البادجى اقصى حد لتغذيه الفروخ بالنسبالها 7 ثانياً لو الفرخ ده كبير وقرب من الفطام هتحس بانه مش ابنها وتطرده بره البياضه فنحاول يكون الفرخ متعداش الـ 15 يوم انا هنا جمعت فروخ بياضتين فى بياضه واحده طبعا منهم الكبير ومنهم الصغير وكان واحد فيهم صغير خالص فعلشان ميتظلمش مع الفروخ الكبيره وممكن يسببله ضعف فيما بعض نقلته لبياضه تانيه كان فيها بيض واول فرخ فقس كان فى نفس عمره وهنا لما جمعت الفروخ الكبيره مع بعض ودى صوره للانثى وهى بتطمعهم مهم جدا نعرف ان الانثى الى قايمه بالحمل ده كله روح وروح ضعيفه جدا كمان وانها تفطم اعداد كبيره من الفروخ شيء مش بالهين عليها علشان كده لازم نكون موفرين الغذاء الصحى والفيتامينات المطلوبه ولو الانثى دى باضت ناخد البيض بتاعها نحطه لانثى تانيه تقوم بالرقاد عليه علشان نخفف الحمل عليها وننقله لانثى كانت واخده فتره راحه بحيث تستعد للدخول فى نفس المرحله من جديد هنا صوره فرخ كان متربى لوحده فى البياضه ده طبعا بتعتنى بيه الانثى عنايه فائقه وبتطعمه بشكل ممتاز وبيطلع جسمه كويس ومش بيكون الحمل عليها كبير وصدقوا او لا الفرخ ده ما شاء الله عمره لم يتجاوز الـ 23 يوم فى حين غيره من الفروخ اثناء التجمع بيوصل لنفس مرحله طرح الريش بتاعه فى عمر 27 واتمنى من كل مربى انه يحاول يوفر لطيوره غذاء صحى سليم ويبدل مهمات إطعام الفروخ من انثى لاخرى علشان يحافظ على صحتها ويمنع الانتاج فى الصيف لإراحتهم تم بحمد الله برجاء عدم النقل الا بعد ذكر كاتبة الموضوع واسم المصدر

!	تحذير: هذا الموضوع حقوقه محمية ومحفوظة للتجمع الدولي لعلم الطيور. يمنع منعا باتا نقله او تداوله او الاقتباس منه. يجب أن يتم الاستئذان من الادارة ومن كاتب الموضوع قبل نقل اي شيء ومن يخالف سيتم اتخاذ الاجراءات القانونية بحقه.

!	تحذير: كافة الحقوق محفوظة يمنع النقل والاقتباس قبل استشارة الادارة

[عاشق الانجليزي]

الله عليك يا ايمي شرح مفصل ومدعم بالصور المتقنة التصوير
والله يعطيك العافية على هذا المجهود
والله يزيدك من خيره

[ahmedabutaleb]

اختى ايمى شكرا على الموضوع الجديد والرائع
ولكن لى سؤال الاعشاش شكلها غريبة فممكن توضيح وشرح لانى شاكك انها عش فيشر وعمول لة شوية تعديلات
وشكرا على الموضوع مرة تانية

[Amy]

عاشق الانجليزي
الله يخليك وشكرا على مرورك العطر وكلامك الجميل
منور الموضوع

ahmedabutaleb
عفوا يا أحمد واتمنى يكون حاز إعجابك
اما البياضات فهى بياضات البادجى المعتاده بتاعه المحلات ومنها نوعين
الاول كبير شويه طوله حوالى 19 سم وده شبه الموجود فى اول صوره فى الموضوع
وده شكله الخارجى



التانى المعتاد جدا جدا وهو الموجود فى باقى الصور وده شكله الخارجى



ودى صوره مقارنه بينه وبين بياضه الفيشر

[bondaje]

بارك الله فيك اخت ايمي موضوعك ممتاز وحقيقة يوضح شغلة ممكن في مربيين ما بيعرفوها ما بعمم بس ممكن وانا واعوذ بالله من كلمت انا والله اعمل نفس الشي ونفس الطريقة الي حكيتي عنها بالتفصيل
والحمد لله

[جابر عبد الله]

شكرا للاخت النشطة ايمي على هذا الموضوع المنظم و المدعم بالصور و تسلم ايدك
و لكن بما انكم تعلمون اني اذا مررت بموضوع فاني لا اكتفي بالشكر و التحية و لكن غالبا ما ابدأ مناقشة مع صاحب الموضوع ، البعض يتصور ان هذا اعتراض مني او نقد ، و لكن الامر ليس كذلك فطالما ذكرت ان المناقشات و تبادل الاراء و الافكار هي التي تثري المنتدى و تفيد الاعضاء
و لهذا فاسمحي لي يا عزيزتي ببعض الاسئلة ليتضح الموضوع اكثر
1 - من المعروف ان متوسط عدد البيض لانثى البادجي العادية هو من 5 - 7 بيضات
و افضل عدد من الفروخ يمكن تغذيتهم لا يجب ان يزيد عن 5
لهذا سؤالي لك ما السبب ان الانثى الاولى كما قلتي وضعت بيضتين فقط ؟ ثم لماذا ننقلهم الى اخرى ؟ هل لحثها على وضع بيض زيادة ؟
2 - في الحالة الثانية قلتي و ضعت بيضة واحدة و حتكمل فمن اين لنا ان نعرف العدد الذي ستكمله ؟
3 - قلتي في نهاية الموضوع ان الفرخ الذي يربى وحده او مع آخر فقط يكون اصح جسما من ذلك الذي يربى وسط 5 فروخ ؟ و ان الحالة الثانية هي اجهاد للانثى التي هي روح كما قلتي . اليس في هذا تناقض مع اصل الموضوع
4 - الآن و هو الاهم ... الذين يربون لصفات معينة و للحصول على الوان محددة و نحن في هذا المنتدى طالبنا المربي بتسجيل البيانات للاباء و الفروخ و الاعشاش ، و هذا كله سيصبح كأنه لم يكن في حالة هذا الخلط بين البيض و نعود لفوضى التربية العشوائية ، اللهم الا اذا كان الهدف هو الاعداد الكثيرة بصرف النظر عن النوعيات و هو ضد سياستنا و نعود مرة اخرى لخطر استهلاك صحة الطيور

ما اعرفه ان التحضين يكون للاسباب التالية
1 - انثى وضعت البيض و ماتت او طارت قبل اكتمال الفقس
2 - انثى لا تحسن الرقاد على البيض و تهمله
3 - زوج نريد ان نحصل منه على اكبر عدد من الفروخ لصفات معينة فيه فننقل البيض تحت اخرى ليس لها مثل هذه الصفات و لكن بدلا عن بيضها هي و ليس اضافة اليه

اما اعشاش البادجي المثالية فتلك التي قاعدتها مستطيلة و ليست ذات القاعدة المربعة
يبقى امر اخير
بالرغم من ان اسلوبك و لغتك في الكتابة كانت جميلة و واضحة و سلسة فما الداعي لان تقولي في بداية الموضوع ان اللغة العربية بها تكلف......... لا مانع من تطعيم العربية ببعض العامية اذا لزم الامر في بعض الحالات و متمشيا مع روح الموضوع اما ان نقرر ان اللغة العربية بها تكلف فانا لست معك في ذلك

و يبقى في النهاية ان نكرر شكرنا لموضوعك هذا بل لكل موضوعاتك في المنتدى و لنشاطك الملحوظ و حبك للمنتدى و الاعضاء جميعا
و اعود فاذكر ان مداخلتي هي لاثراء الموضوع و توضيحه للقاريء و ليست مجرد نقد فاني ما اعتدت يوما ان اقول
السلام عليكم ... جزاك الله خيرا ........
ثم امضي
تسلمي لنا و تسلم ايدك و في انتظار المزيد من موضوعاتك

[ابو جميلة]

السلام عليكم ورحمة الله وبركاته
ما شاء الله موضوع جميل ومهم جدا تسلم ايدك اخت ايمى على المجهود الجميل وننتظر المزيد ان شاء الله
بالنسبة لى فانى انوى ان شاء الله فى الموسم القادم ترقيم البيض لكى استطيع نقل الاعمار المتقاربة مع بعض لكى لا يظلم فرخ على حساب اخر كما وضحت اختنا ايمى
جزاكم الله خيرا واتمنى للجميع التوفيق ان شاء الله
والسلام عليكم ورحمة الله وبركاته

[crest10]

السلام عليكم

شكرآ للاخ Amy على الموضوع الجميل جدآ ، في السابق كنت اقوم بهذه الطريقة ولكني كنت احب اعرف الفراخ تعود الى اي ازواج فيكون الامر صعب..

تحيااااااااااااااااااتي

[Amy]

bondaje
اهلا بيك فى الموضوع واتمنى يكون نال اعجابك
وهى فكره ممتازة احسن من رفع البيض واكماله فيما بعد خصوصا للى بينتج للبيع

جابر عبد الله
عفوا يا استاذ جابر
على فكره انا كل كلمه قلتها كانت من واقع تجارب شخصيه
والانثى الى باخد منها حتى ولو بيضه واحده مش بتبيض اكتر من 7 يعنى لو كانت حتبيض 7 حلاقيها كملت 6 بيضات ووقفت
والباقى شرحه ابو جميله فى رده وهو ان الفرخ الصغير ميتظلمش مع الكبير
وبنفس الوقت اسيب مجال لانتاج اكثر
ومفيش تناقض فى ابدا فى الموضوع بالنسبه للفرخ الواحد والـ 7
طبيعى فرخ واحد عنايه كامله
7 فروخ برده عنايه كامله من الانثى لكن مش حيكون الاهتمام بيهم زى الفرخ الواحد
وكتبت كده علشان اسيب حريه الاختيار للقارىء
واهلا بيك منور الموضوع

ابو جميلة
وعليكم السلام ورحمه الله وبركاتة
اهلا بيك يا ابو جميله وهى فكره ممتازة فعلا وان شاء الله تحصل منها على نتائج طيبه
نورت الموضوع

crest10
وعليكم السلام
عفوا اخى كرست واتمنى يكون الموضوع حاز اعجابك
اما لو بتربى لبيعهم وليس تكاثرهم فالفكره دى طبعا اصلح ليك
ولكن لو غرض التربيه هو تكاثر الفروخ فاستمر زى مانت

[atasma]

السلام عليكم

مشاء الله على الكم الهائل من المعلومات المفيدة
بارك الله فيك اخت ايمي و بارك الله في الاخ جابر عبد الله
ان متابع الموضوع

السلام عليكم