طلب .........ولكن

[عصفورة الجنة]

انا بطلب من الاخوة الاعضاء ان يرسلوا لى صور لمحلات او مزارع لتربية طيور البادجى وكيفية ترتيب الاقفاص ومناظر متتعدد للمحلات لانى كنت منزلة من على المنتدى بعض الطور الجميلة لمزارع ومحلات الاخوة ولكن لاسف اتمسحت من عندى وايضا معرض الصور ليس فيه الكتير من الصور ........لانى بفكر اوسع المشروع بتاعى واجيب عصافير وسلاكات وابده كمشروع لانه عجبنى كتير بعض الصور

[جابر عبد الله]

طلبك بسيط و من عينينا ............ بس نعرف المكان عندك
فين و مساحته اد ايه و مفتوح و لا مقفول و بعض التفاصيل

[عصفورة الجنة]

هى غرفة ومقفوله طبعا لها مدخل واحد (باب) وشباك وفيها نور لكن انا هركب شفاط عشان يخرج الهوا ومروحة كمان ومساحتها مش كبيرة الصراحة مش عارفة كام متر
المكان بقى هى اوضة جميلة جدا سوبر لوكس يعنى مش اى كلام فى الدور الرابع يعنى على السطح هى اه بتبقى حر فى الصيف بس انا هجيب مروحة ........يعنى هحاول على اد مقدر وعايزة اسئل عن الاسعار وكمان عن الكمية المناسبة اللى ممكن ابتدى بيها

[جابر عبد الله]

جميل جدا
نبتدي و ياريت الاخوة يشتركوا معانا
- الشباك حطي عليه سلك لمنع دخول اي شيء غير مرغوب فيه
- الافضل انه يكون في الحجرة مصدر مياه ( حوض و حنفية )
- البعض يفضل التربية الجماعية و البعض الفردية و ده يتوقف عليكي و على نوعية طيورك
- رأيي ان يكون عندك اقفاص للتزاوج الفردي توضع راسيا فوق بعض في عدة صفوف
- و سلاكتين او ثلاثة ، واحدة للصغار و الاخرى يمكن فصل الذكور او الاناث فيها
- اما الاسعار فانتي اسألي عنها بالنسبة للاقفاص و السلاكات فممكن نجار يعملها
و الموضوع مفتوح للمناقشة

[Amy]

ممممم
قريب ان شاء الله هحط صور مزرعتى الصغننه ولو فى استفسارات معينه انا معاكى

[alrasi]

انا من مشجعي السلاكات والتربية الجماعية لكن المنظمة...يعني اعملي اربع سلاكات 1م*1م*1
سلاكتين للانتاج وسلاكتين للفروخ
كل وحدة من سلاكات الانتاج فيها خمس ازواج من نوع اولون واحد
مجرد راي ارجو ان اكون افدت به

[Birds servant]

السلام عليكم ،يمكنك أيضا بالإضافة لما تقدم به الأصدقاء إيجاد مكان داخل الحجرة لوضع مستلزمات الطيور كالحبوب والأدوية وعلب الطعام والسقايات وأدوات التنظيف ..إلخ.
وبالنسبة لعدد الأزواج ،فالأفضل هو البدء بعدد محدود من الأزواج وزيادته بالتدريج لتحقيق أفضل النتائج في المتابعة والرعاية بإذن الله.

وبالتوفيق والنجاح إن شاء الله في مشروعك.

[ابو جميلة]

السلام عليكم ورحمة الله وبركاته
ربنا يبارك اختى ان شاء الله واعتقد ان التربية المنفصلة افضل لانتقاء الازواج الجيدة وبالنسبة للسلاكات فان هذا الموضوع به اشكال كثيرة اختارى ما يعجبك منه واسال لحضرتك عن سعره الحالى ان شاء الله
viewtopic.php?t=28946
والسلام عليكم ورحمة الله وبركاته

[عصفورة الجنة]

شكراا لاخوة الاعضاء على المشركة الفاعلة وبالنسبة للغرفة فهى موجود بيها مصدر مياه حنفية وحوض وكمان الشباك محطوط عليه شيش وسلك .....وبالنسبة لى فانا افضل التريبة الفردية كل زوج فى قفص على حدى لانى اعانى من مشكلة ........وهى اننى ما زلت لااعرف كيف امسك العصفور وبخاف جداا ان يعضونى فدى مشكله ............وبالنسبة للسلاكات فهجيب ان شاء الله
سلاكات فوق بعض يعنى اربعة فوق بعض وبدين جمبهم سلاكه تانية .......بس ايه هو العدد المناسب اللى ابدء بيه يعنى حوالى كام زوج...............شكرااااااااااااا

[سكليدو]

أختي العزيزة

عصفورة الجنة

شيء جميل

وأنا هبدأ معاكي الموسم ده لأنولسه بس

مخلص من غرفة عصافيري

وانا بصراحة

استفدت من طرحك للموضوع

ومن ردود الأعضاء

لأنو تواجهني شوية مشاكل

المهم

نصيحتي لك أختي

أن تختاري الأزواج

اللي عاوزة تبدي فيهم بعناية فائقة

من حيث اللون والصفات

لكي تبدي بشكل صحيح وحلو

لأن الطيور العادية

والطيور المميزة

تحتاج ذات العناية و الرعاية

فلماذا لا تكون طيورنا مميزة منذ البداية؟!

تحياتي