ماذا عن البلبل ..؟؟؟؟؟؟

[كوكاتو]

انا ابي اعرف كل شي يخص البلبل
واريد ان اعرف انواعه
وغذاءه
وتغريده
وتفريخه
وسعره
وكل شي يخصه


وشكراااا

[سيكا]

مرحبا كوكاتو البلبل روعه ممكن انه يولف عليك مره بس هذا يكون لما تربيه وهو لسه صغير

عندي بلابل 2 واحد عمره 8 والثاني 5 وهم بسم الله عليهم يجننون والفين علي مره .
بالنسبه للكل وهم صغار كنت اوكلهم اكل البلابل مبلول بالمويه وتفاح مبشور .
لما يكبرون ياكلون كل شي تقريبا ً يحبون الكل اللي فيه طعم حلو يعشقون التمر والزر ( تحسهم سعوديين صح )

تربيتهم سهله مره مايعضون بس غيورين مره مره مره

ممكن تعلمه بعض الاشياء البسيطه مثل انه يبوسك او يطلع على كتفك بتصفيره معينه البلابل حنوينيييييييييييييييين مره على مربيهم عصفورتي كانت اذا بكيت توقف على كتفي ماتتحرك وتحاول انها تشغلني اكثر من العادي يمكن ماتصدق هالشي بس انا عشته بنفسي يعني ممكن انها تعرف اذا مودك كان سيء وش بعد؟ تغريده يجننن يجننننننننننننننننننننننن اذا كان ذكر تحسه فنان فنان والانثى لها صوت جميل ايضا لكن ليس مثل الذكر طبعا
تفريخه صراحه انا ماقدرت اولف بينها وبين اي ذكر حظها ردي مسكينه كل ماجبت لها ذكر طقته
كوكاتو اي سؤال لايردك الا كيبوردك
تراني موجوده

[كوكاتو]

مشكووووووووووووووووووره اختي سيكا
والله يعطيك العافيه

طيب كم سعره
ووش انواعه

ووش افضلها

وشكرا

[المهند]

اختي سيكا

عندي عددة اسئاله اذا سمحتي لي


عمر طيري الان حوالي شهر والله مادري مجرد تخمين مني

ذيله صار طويل خدوده بيض لون مقدمة راسه رمادي على بني على سواد

الي الان اعطيه خبز مبلول بالماء واحيان اعطيه خلطة صغار الكناري عن طريق الابره

يحب الخلطه هذي لكن الخلطه سئالة او شبه سئاله لا اعلم ان كانت تفيده في هذا العمر

هذا بالنسبه للاكل


يوجد شي يضايقني ان فضلاته كثيره اعزك الله

لونها اصفر على بني

ورئحتها كريها تتوقعي مع الوقت اذا اطلقته في البيت راح ينشر فضلاته في كل مكان؟؟

احيان اخرجه من قفصه واضعه على يدي وهو متعود ياكل من يدي لكن يحول ان يطير هنا هناك

على فكره حجم القفص الذي هو فيه 30*20*35

[سيكا]

كوكاتو سعر الفرخ يتغير من محل حسب طمع صاحب المحل احيان تلقاه ب 50 واحيان 30

افضلها الحساوي لانها تكون اليفه مره فيه بلابل يكون حجمها صغير وتحت بطنها اصفر النوع الثاني اللي يكون تحت بطنه احمر هذا شرير وشكله يخووف

[سيكا]

اخوي مهند


لازم تنوع في الاكل اذا بدا الفرخ يجي على يدك معناها انه بدا يكبر ويشتد جرب تبشر تفاح وتعطيه منه وتعطيه بسكويت اطفال مبلول بالمويه او الحليب ... او تعطيه من اكل البلابل منقوع بالمويه لانه مره مفيد لهم ..... مهند البلابل سهل اطعامهم لانها تفتح فمها اذا جاعت تقدر تعطيه خلطه الكناري بمعلقه الشاهي الصغيره مره او حتى باصابعك لاتنسى انها تحب التمر مرررررررررره ومافيه شي راح يكون فائدته اكثر من التمر حاول بس الي عندك للحين فرخ ماراح يعرف ياكله .... بالنسبه للفضلات تطمن لما يكبر شوي راح تتغير شكل فضلاته وتصير اصغر وريحتها تتغير على فكره مهند معرف ان البلابل توسخ كثير مره مررررره مرررررررررره صحيح راح يتغير شكل فضلاتها بس راح تتعبك من كثرها .... حاول تطلعه كثير وتلعب معه كثير تخليه يوقف على كتفك وايدك لانه ممكن يصير مره اليف

[المهند]

تعطيه من اكل البلابل منقوع بالمويه لانه مره مفيد

اين اجد هذا الاكل؟؟ في اي محل صراحه اول مره اسمع عنه

[سيكا]

اكل البلابل تجده معلب او بالكيلو بكل محلات بيع الطيور ا والسوبر ماركت


ومكتوب عليه انه للبلابل والمينا

[سيكا]

نسيت شي


اللي بالكيلو راح تشوف نوعين نوع تشوفه مفروم بمثل فرامة اللحمه يعني جاي بالطول والثاني راح تشوفه كور مره صغار النوع الاول اللي هو المفروم احسن بكثير يحبونه البلابل لانه يكون سهل انهم يمسكونه و انه يذوب بالمويه اسرع الكيلو بالمحلات الخاصه بالطيور بريالين والعلبه بخمسه .

[المهند]

بارك الله فيك

اشكرك على سرعة الرد