قبل حوالي أسبوع كان الفرخ مزكم فذهبت به للبيطري وعطاني دواء ولما رجعت البيت ضاع مني ومالقيته إلا بعد عدة أيام المهم بعد مالقيت الدواء جيت أبي أعطيه (البيطري قالي لليوم ربع ملعقة مع الأكل يعني فطور وغداء وعشاء أقسمها على ذي الملعقه) المهم أخوكم حمزة عطى الفرخ (عنتر) ربع ملعقة في العشاء مرة وحده
لما قمت الصبح لقيت الفرخ في الزاويه موقادر يفتح عينه كان تعبان (رقبته سايرة حمراء) المهم جيت أبي أأكل الفطور أكل شوي فرحت البيطري على طول العصر المهم قالي بيعطيه إبره بس نسبة نجاحها 50% (لأنه صغير ) فعطاني دواء من الصيدليه (ماء جليكوز) أحطها مع الماء المهم تحسن كثير الحمد لله
لكن المشكلة إنه كل ما أقوم الصبح ألاقي فتحتي الأنف مسدودة بالمخاط!!!
واليوم ماأدري وش فيه عطيته ماء جليكوز بعدها سيريلاك وكان يطلع من أنفه
صوت يبين إنه أنه مسدود . المهم عطيته السيريلاك وبعد ماخلصت الفرخ موقادر يصرخ عطيته موية يدا يصرخ بصوت مقطع وخشن.والآن هو في الغرفة كلما أناديه مايرد قاعد في الزاوية وحاط راسه ورا بين الجناحين(هذه الحركة أخاف منها).
فما هو الحل معاه؟؟
في أحد المحلات كلت البيطري قال أعطيه فيتامينات!!
وأريد أن أسالكم هل يحتاج أن أقص جناحة (لأني كثير أطلع أنا وإياه بره البيت )
وشكرا
