سؤال عن ببغاء المكاو ؟

[احلى كويتي]

السلام عليكم ورحمة الله وبركاته
اخواني انا كنت امس في البحرين
وشفت واحد في المجمع عنده ببغاء مكاو
الازرق والدهبي وعجبني كثير وقلت
يمكن اشتري واحد من السعوديه
وهو اليف عليه ويلعب معه ولا يطير عنه
ولكني لاحظت انه نحيف ومنقاره صغير
غير عن اللي اشوفهم في الصور يكون منقارهم
كبير وكان حجمه صغير ولكن صحته ممتازة
فهو يلعب ويمرح وسؤالي هل يوجد
من هدا المكاو الازرق والدهبي نوع حجمه
صغير ونحيف ؟ لان الببغاء اللي عند الرجال
اصغر من الجامبو بكثير فقط ديله طويل
اما بقية جسمه صغير ومنقاره صغير ايضا
فهل يوجد مثل هدا لانه عجبني اكثر من
اللي اشوفهم في الصور اللي حجمهم كبير
فأرجو منكم الرد
وآسف على الاطالة

[محمدجاسم]

السلام عليكم اخي [احلى كويتي]

لم اعرف اي نوع من المكاو تقصد ولكن يوجد بعض انواع المكاو يصل طولها الى 30 cm ويكون في حجم الرمادي الافريقي تغريبا.

[احلى كويتي]

اخوي انا اقصد هدا الببغاء



ولكن طبعا حجمه كان اصغر من هدا بكثير
ومنقاره ايضا اصغر من منقار هدا بكثير
فهل يوجد مثل هدا المكاو بحجم صغير
جدا ونحيف ومنقاره صغير ؟

وطيب اخوي تقدر تعطيني صور
للانواع اللي طولها 30 سم
وشكرا لك

[كوكاتو ترايتون]

احتمال الي شفته عمره صغير ايش لون عيونه؟ سوداء؟




عموما هو في سوق الجمله وقت مواسمه وحاليا السوق فاضي في البحرين قبل سبوع ونص طالع ينباع بكثره في البحرين ب ب 450 دينار بحريني (4500 ريال سعودي)

والمصيبه ماتقدر تدخله السعوديه لو شافوك جمرك الجسر شالوه وخالي قال مخالفه 10 الا ريال والله اعلم يخاف الواحد يضحي ويجي واحد في الجسر ياخذها بارد مبرده يشيله معه البيت على اساس هديه حق عياله وهو ماخذه منك من الجمرك

هاذا الحجم الصغير الي شفته بس لون ثاني

[احلى كويتي]

اخوي انا اللي شفته طويل بنفس طول الكبير
ولكنه نحيف جدا واحلى
وطيب تعرف كم سعر الفرخ في السعوديه؟
وشكرا لك

[كوكاتو ترايتون]

اجل مثل ماقلتلك عمره صغير الي شفته حتى منقاره ماصار كبير

في السعوديه يختلف على حسب اذا هو اليف ولا

يعني يترواح حدود 6000 الى 7000

[احلى كويتي]

مشكور اخوي
اي هو كان منقاره صغير
بس عينه ما انتبهت للونها
لاني توي مبتدئ وما اعرف ليهم
طيب اخوي كم سعر الزوج
الذكر والانثى في السعوديه
وطبعا يكونوا غير مدربين
لاني ابغاهم للانتاج
ومشكور اخوي وما تقصر