سؤال عن السادل باك

[spirit_stallion]

السلام عليكم
وجد اليوم ذكر سادل باك تافت و بصراحه اود ان اسئل هل هذا اللون معروف فى مصر و له قيمه ام لا لانه مطلوب فيه اضعاف الثمن الحقيقى للتافت

[سالم]

السادل باك لا يختلف عن العصفور العادي
إلا بأننا نرى حدبة في ظهرة وهي حدبة وهمية
وعلامات الجناح رمادية غامق لذلك لا أعتقد
أن سعره غالي الثمن في السوق , لكن في مصر
الله أعلم انتظر الاجابة ممن لديه معلومة حول
سعر هذا الطائر في مصر .
تحياتي .......... سالم

[spirit_stallion]

السلام عليكم
اخى العزيز السادل باك ليس حدبه فالظهر و انما علامات معينه فالجناح على شكل سرج الفرس
و هذه صور له




اخى لاحظ شكل عالامات الجناح مختلف عن العادى و الاوبالين

[Cobalt]

السلام عليكم و رحمة الله و بركاته

أخوانى الأعزاء .. أعتقد أن ما ذكرتموه صحيحا
و لكن كل منكم ذكر نقطه و لم يكمل

السادل باك Saddleback
هو طفرة جميلة و نادرة .. و هى عبارة عن ظهور خطوط الرأس باللون الرمادى الداكن الخافت نسبيا
و تمتد الى مابين الأكتاف التى تسمى بالمنطفة V و التى تقع أسفل العنق من الخلف و بين الأكتاف V-area
مع ملاحظة أن خطوط الرأس تكون خافته أو متناثرة قليلا
و أيضا يظهر هذا اللون الرمادى الداكن الخافت فى اعلى الأجنحة متدرجا فى درجة الخفوت الى ريش الطيران ( أخر الجناح من الأسفل ) حتى تصبح باللون الأسود

مما يعطى شبها بسرج الفرس على الأكتاف

هذه الطفرة تشبه الأوبالين كثيرا الا أن هناك فروقا بينهما و هى :




- الأوبالين تظهر علامات الرأس و الجناحين و الأكتاف باللون الأسود مع تدرج الخفوت أما السادل باك فباللون الرمادى الداكن مع تدرج الخفوت
- الأوبالين تظهر لون الجسم فى الأكتاف و الأجنحة أما السادل باك بلون أفتح بكثير من لون الجسم كما تظهر فى الصور .. فلهذا لون الجسم فى السادل باك لا يظهر فى الرأس أو الأجنحه

ظهرت طفرة السادل باك Saddleback عام 1975 و منذ هذا العام لا تزال نادرة جدا
أرجو أن أكون قد وفقت فى وصف هذه الطفرة الرائعة و النادرة جدا جدا

أما عن أسعارها .. فلا أعرف أى شيئ عن سعرها لأنى لم أشتريها من قبل .. و صراحة لم أرها تباع أمامى
فنرجوا من كان لدية معلومة عن ثمنها أن يخبرنا بها

تقبلوا تحياتى و الله المستعان

[ابو جميلة]

السلام عليكم ورحمة الله وبركاته
جزاكم الله خيرا جميعا على المعلومات القيمة وبارك الله فيك اخى كوبالت على هذا الشرح الجميل واخونا دكتور احمد لااعتقد ان هذا اللون يقدر باكثر من ثمن الطيور الخضراء ولا اظن ان هناك كثيرين يعرفون هذه الطفرة لذلك لا تدفع فيه اكثر مما يستحق ان كنت تحتاجه والله الموفق
والسلام عليكم ورحمة الله وبركاته

[legend55555]

صراحة اخي هذه الطفره مميزه فعلا ونادره جداً
ولكن كما قال لك استاذ احمد ان قليل جدا من يعرفونها
وانا لو كنت مكانك كنت اشتريته ولكن بمبلغ ازيد من العادي ولكن ليس بالكثير
وانا شخصيا حالفني الحظ واشتريت زوج هاف سيدر الاول ذكر وبعديه ب 6 شهور انثي
رغم اني عارف ان هنا محدش بيقيمهم اوي وكذلك ان انتاجهم عادي لكني سعيد جداً بيهم رغم انهم كانوا اغلي من العادي بكتير وبعتبرهم صراحة التحفه الاكثر قيمه في غرفة طيوري
فممكن حضرتك تشتريه وتحتفظ بيه عندك لان مثل هذه النوادر لاتجدها الا قليل
ولو سعره مش غالي اوي بس انتج عندك طيور عاديه هتعرف تجيب تمنه يعني فلوسك هترجعلك لو ربنا كرمك فيه بس علي فتره وتبقي عندك حاجه قيمه

[ali09]

سبحان الله

طائر جميل

بارك الله فيكم أخواني على المعلومات

[spirit_stallion]

السلام عليكم
اخوانى الاعزاء لن اشترى الطائر بعد التفكير لعده اسباب اولها انه تافت و مطلوب فيه 100 جنيه لانه موجود فمحل للطيور و بيبع زوج الشوش ب 200 و ثانيا ان اغلب الطيور الموجوده معه تعانى من امراض غريبه بالارجل و اسهال و برد شديد و لا احب ان اجازف طالما ان الطفره غير معروفه و ليس لها قيمه
لكن هناك طفره تعجبنى جدا و استغل الفرصه و اسئل ان كانت موجوده عند اى اخ فمصر و هى الكليربودى و اتمنى ان احصل على زوج حتى و لو كان من دون شوش

[legend55555]

الكلير بودي طفره جميله فعلا اخي وموجوده ولكن ليست بكثره
وانا كنت خدت من صديق ليا انثي يلو كلير بودي ولكن فضلت فتره كبيره ما انتجتش غير زغلول واحد
واصيبت بالسمنه او بمعني اصح انا كنت وخدها من صديق ليا كان مربيهم كزينه
وانتجت مره واحده وتوقفت بعد كده
وانا شفت الكلير بودي مرتين بعدها اول مره اشوفه بعد الانثي اللي كانت عندي
يوم ما فكرت ابيع الانثي اللي كنت بربيها بعتها ب 7 جنيه فقط لتاجر وزعلت اني مش هعرف اعوضها وانا مروح قابلت واحد معاه نفس الانثي بس كانت بلو سالته بكام قالي 20 جنيه قولتله تصور اني انا لسه بايع نتايه وكده وكنت لسه بفكر اخدها منه بس ربنا سترها لقيتوا بيقولي والنتايه ده بقي عندي من 6 شهور ومبضتش رغم انها كبيره وممكن تكون بقت عجوزه كمان
وتالت مره شفت انثي يلو ايضا بس فيها دم انجليزي جامد صاحبها طالب فيها 200 جنيه سالته علي نوعها قالي ده صفرا فهتمه نوعها وحكتله اللي حصل معايا تصور قالي ايه
قالي والله ده برده انتجت مره وبعت كل الصغار علي اساس ان امهم عندي ومن وقتها لم تنتج تاني وشبه مصابه بالسمنه
يعني النصيب اني اشوف النوع 3 مرات فقط وكلهم يكونوا اناث مصابين بالسمنه
وعلي فكره اخي انا كنت مهتم بيها جيدا وريحتها فتره كبيره وباضت بعدها بس البيض طلع مروق
ومتفهمش من كلامي ان النوع كله كده بس معلومه بسيطه
الانثي ده كانت من صديق ليا واخدها من صديق اخر ليا زغلوله وكان لونها اخضر
ومع كل قلشه لونها بداء يبان ويتغير
وللعلم بالشئ انا معرفتش انتج منها غير زغلول واحد وكان كلير فلايت وكنت مزوجها ذكر نورمال جرين وللاسف بدلت الزغلول مع صديق اخر ليا ولما عرفت قيمة اللون وانه صعب انتج منها تاني الانثي كان ابنها مات عند صاحبي
وشفت نفس الانثي بتاعتي بعد فتره مع واحد معرفه في السوق واول ما شفتها قولتله ده كانت بتاعتي وحكتله الحكايه ومن وقتها مشفتش تاني كلير بودي
انا اسف اخي انا وجعت دماغك وكتبت كتير بس حبيت احكي اللي حصلي واللي اعرفه عن اللون ده وده صوره للانثي اللي كانت عندي

[ahmedabutaleb]

اخى كوبلت شكرا على المعلومات القيمة