(((عااااجل جدا جدا والرجاء الرد وخاص المتواجدين بالكويت)))

[loly]

درتي مريضه عمياء ماتشوف أول شي كانت تغلق عين وحده والأن تغلقهم جميعا وأنا خايفه عليها وشكلها يكسر الخاطر ماذا أعمل معها فأنا لا أعلم أين يوجد الطبيب البيطري بالكويت وأتمنى من المتواجدين بالكويت يدلوني عليه بسرعه عشان ماينقل المرض لدرة الأخرى أو تموت اذا قدر الله وهل يوجد مسكن لهذا المرض الرجاء الأفادة وشكرا

[كاسكو]

في مستشفى بيطري مقابل سوق الحمام اللي عند سوق الجمعه سهل والكل يعرف مكانه
وهذي صورة للخريطه علشان أوضحلج أكثر



الأول ضغطي على صورة الخريطه علشان تقدرين تكبرينها
الدائري الرابع بالصوره مكتوب غير مسجّل اللي إهي حاليا المشاتل خلف المشاتل مباشرة سوق الجمعه والطيور اللي مكتوب عليها رقم (1) هناك تلقين مستشفى البيطري
وفي صيدلية إسمها أورلاندو بالخريطه مكتوب عليها شارع 45 وبعدين تدشين شارع 35 علشان ماتضيعين سوق لاند مارك اللي بالري معروف على شارع الغزالي كل هالسوالف تصير خلف السوق

[loly]

مشكوررررررر أخوي كاسكو ماقصرت الله يجزاك ألف خير ممكن سؤال كم سعر العلاج هناك وشكراااااااااااااااااااااا

[كاسكو]

أنا مره وديت كاسكو لهم خذوا مني دينارين ترى الأسعار رمزيه لانه مركز حكومي وهم يعالجون كل أنواع الحيوانات والدكاتره آسيويين والحين قاعدين يبنون مستشفى بيطري جديد بالقرب من المؤقت

والله بالحسبه إذا الدره شاريتها بسعر قليل ماتسوى تودينها ....خصوصا إذا المرض تمكن منها أما إذا متعلمه وتعز عليج وديها وعلى الله الشفى


العفو إختي

[عبده أبو سير]

ما شاء الله.
مستشفى مختص بالبيطرة.
خدمة ممتازة,
ويا ريت يكون مختصين بطيور الزينة.

[loly]

الصراحة ما تسوى لأنها رخيصة ومو مدربه بس أنا ما أقدر أشوفها مريضه أحس بالذنب وأنا ندمانه على أني شريتها بس شسوي لازم أعالجها

[كاسكو]

أهلا بأخي عبده

الأغلبيه تراجع ومعها القطط والكلاب والبغبغاء بأنواعها خصوصا وان الدكاتره الأسيويين لهم خبره في ذلك

والقليل من المراجعين لمركز البيطره يعالجون الحمام لديهم لأن الصيدليات المختصه بالبيطره تقوم بهذه المهام + معرفة المربين بنوع المرض وعلاجه لكثرة المربين وسهولة التعامل

شكرا لك

[كاسكو]

إي المفروض نعالجها كثر مانقدر
وهذي تجربه والناس تجرب لي ما تقتنع بالطير اللي تحبه
وكلنا مرينا بهالمراحل لي ما إستقرينا على انواع معينه والناس أذواق

[loly]

اي والله ياخوي هذه تجربه كنت مفكرة أشتري الكاسكو الأفريقي لكن عقب ما جننتي الدره تبت أربي طيور لأن يبيلها واحد خبير فيها

[كاسكو]

الكاسكو الأفريقي أفضل أكيد طبعا خصوصا الصغير الحين أسعارهم نار نار بالسوق
يتحمل المرض أكثر وسريع التعلم خصوصا الصغير اللي عيونه سوده بالكامل

أكثر واحد جربت بالطيور وشريت حتى لو مامرض عندي ساعات أمل منه ومالي خلقه بس في أنواع ماتنمل لانها يا إما تنتجلج أو ممكن تعلمينها الكلام أو الحركات خصوصا الكاسكو يعني يفضل عند الشراء التفكير جيدا و الإختيار يكون صحيح

الظاهر الدره اللي عندج صغيره علشان جذي ماتحملت بس أهم شي إنج ماتكرهين الطيور لأنها ممتعه وتخلي البيت دايما في حركه وحياة