ببغاااااااااااااااااااااااائي صااير عدواااااااااااااااااااني

[الدرة ياسمينه]

سلاام انا عندي الدرة الهندية انثى صاير ذي الفترة عدواااااااااااانية

لما نطلعها من القفص تطلع لاكن لما نحطها فوق اكتافنا تجلس تزعق وتصفر وتتكلم بس اذا حركت وجهي على طول تعض يعني على اي حركة تعض بعدوانية يعني تنفش ريشها وبالذات منطقة الوجه والرقبة وعيونا تصغر تصير بيضا

ولما تكون في القفص تزعق بصوت مزعج مررررررررررررررررررة

ولما نقولها بس تعاند تزيد احيانا اقولها بس تسكت لاكن فترات تعاند

الكل انزعج منها اخاف من صياحها يصرفونها في اي مكان


مدري ايشبها تغيرت مو زي اول


ياساكتة ياتزعق وبس تبغى تعض تعض البلوزة البطانية الجاكيت اي شي تعضه


واحس كـأنها حزينة

وماتحب الا اكتافنا تطلع فوقها


وللعلم الجناح الايمن مقصص بشكل فضيع << وكانت اول ماتطير على طول تهبط وماتتوازن

وتصقع في الجدار لاكن لما دربتها على الطيران صار تتوازن اكثر واحس انها بدت تحب تطير

يعني جاتها ثقة وصارت تطير ولمستوى اعلى واكبر وتهبط تمام

لان اول ماجاتنا ماكانت تفكر تجرب الطيران الا من محاولات يائسة وفاشلة



ايش الحل معاها


وايش افضل الطرق للتعامل مع عدوانيتها


لها الان سبعة شهور وكانت افضل بكثير من دحين

[ESSAM_DOWIDAR]

بسم الله الرحمن الرحيم

اختى الفاضله ما تصفيه من تصرفات هى دليل على ان الطائر خائف او منزعج من شىء خاصتا وهو لم يكن على هذه الحال فى السابق ,حاولى بالبحث عن السبب فهل تم تغير مكانها مثلا & هل يتواجد اى حيوان أليف أخر داخل المنزل& هل تتعرض لمضايقات من أطفال عموما حاولى وضعه فى مكان هادئ تماما لمده يومين او ثلاثه مع تقديم الاطعمه المحبوبه اليه وسيبدأ فى الهدوء أن شاء الله

[abo salman]

لقد فهمت الامر و هو ان الببغاء اصبحت تثق في نفسها اكثر من قبل و لا سيما عندما بدأت بالطيران بسبب ذلك رجعت غريزة الدفاع عن النفس للببغاء

[Joud]

السلام عليكم ورحمة الله وبركاته


الدرة بطبعها محترفة عض فلا تقلقي ولكن ارجو التخفيف من ابقائها على الكتف تلافيا للحوادث كما ويمكنك وضع بعض اغصان الشجر الصغيره ليتسلى بها الببغاء فيخفف من صراخه

اما مشكلة الطيران فيمكنك تقليم ريشه .. "قص بعض الريشات الطويله" فتخف قدرته على الطيران او انتبهي لتحركاته لتتجنبي الحوادث واقفلي النوافذ حتى لا تفقديه لا سمح الله


بالتوفيق

[الدرة ياسمينه]

اما انها تكون منزعجة من شي ممكن يكون صح لان لما مثلا احطها جنبي ترتجف لاكن احط يديني عليها وترجع تهداء طبيعي ممكن من الاطفال لان لما يجون يسون ازعاج وهيا اصلا لما يجون ضيوف تسكت يعني ماتصفر ولا شي وتجلس في قفصها


اما الرد الثاني مااعتقد يكون للطيران سبب في ذا الشي لان مو كثير تحاول تطير زي ماقلت واحد من اجنحتها ملعوب لعب فيه يعني دحين بس تعرف كيف تتوازن لما تهبط وفي طيرانها ماتتعدى المتر بس قبل كان تعض بس مو على اي حركة تعض زي دحين كأنها خايفة انو في احد بيأذيها



الرد الثالث / مقدر اقص في ريشها مرة وحدة حاولنا نقص اضافرها عصبت وتصارخ وقلبت علينا رغم انو حاولنا نتجنب الاذية لما نقص اضافرها
فماراح اقص في جناحها يكفي الجناح اليمين مقصوص بطريقة فضيعة


لان جناحها مسبب لها معاناة اذا تيسرت الامور وديتها لبيطري

شكرا لكم