(((عااااجل جدا جدا والرجاء الرد وخاص المتواجدين بالكويت)))

منتدى يهتم بأمراض البادجي والكوكاتيل وطيور الحب وطيور اللغاء الكبيرة والصغيرة والتي تندرج جميعها تحت هذه العائلة وكيفية التشخيص والعلاج والأدوية.
قوانين المنتدى
الرجاء الاطلاع على قوانين التجمع قبل المشاركة:
قوانين التجمع الدولي لعلم الطيور


الرجاء عند عرض مشكلة طائرك المرضيه قُم بتعبئة الاستمارة البيطرية
نموذج الاستمارة الطبية
loly
عضو مشارك
عضو مشارك
اشترك في: يونيو 14, 2005
المواضيع: 4
مشاركات: 16

مشاركة بواسطة loly »

أنا أموت على الطيور وأحبها لكن الدره هذي غير تنرفزني وأهلي معارضين فكرة تربية الطيور لكني أقنعتهم أني أقدر أربي الطيور وبديت بالدرة وكنت بشتري الكاسكو لكن مرض الدرة ولحين يلومني أهلي على شراء الدرة ممكن سؤال كم سعر الكاسكو ووين يبعونه شكلي بطير الدرة وأشتري كاسكو
التوقيع
There is Only one happineSS in LiFe ,To loVe
and to be loved
كاسكو
عضو نشيط
عضو نشيط
اشترك في: مايو 29, 2005
العمر: 51
مكان: الكويت
المواضيع: 12
مشاركات: 125

مشاركة بواسطة كاسكو »

هلا إختي بالنسبة لسؤالج عن مكان بيع الكاسكو بسوق الحمام طبعا المكان اللي وصفتلج ياه وأنصحج تروحين يوم الجمعه يعني بالساعه 5 العصر لأن مثل ماتعرفين الجو نار كل ما الشمس تميل يكون أفضل :sunny:

وفي مكان بشارع عمان محل أشكناني للطيور وعنده محل بالسوق بعد بس صارله فتره ماياب فروخ اللي عنده كبار شوي وأنا رحتله وقالي بعد شهرين ينزل ما أدري إذا نزل ولا لا لأني مامريته من فتره والسوق ما يخلى الحين أهم منتهزين الفرصه والكواسكو الصغار قليله مافي عرض كبير علشان جذي الأسعار صعدت الحين الكاسكو الصغير عيون سوده اللي هادي وتوه يصفر وتعليم خفيف سعره 190 دينار بصراحه إنصدمت :shock: ولا واحد من الشباب اللي دايما يتواجد بالسوق يقولي ستار أكاديمي أهو السبب خلوا الناس وخصوصا البنات يشترون هالنوع من الطيور #-o ما أدري من صجه :scratch:
الأيام العاديه إذا توفر يكون سعره 45 مو متعلم ولو متعلم شوي يعني مايزيد عن 90 إذا كان صغير ومايتكلم بس 190 بصراحه وايد خصوصا إن مايتكلم بس يركب عالإيد ويصفر عموما إذا حصلتيلج صغير وعيونه سوده حتى لو مو متعلم يكون بحدود ال45 ترى زين
بس يفضل عمره 3 إلى 5 - 6 أشهر مايزيد لأنه تعلميه يصير أسهل
التوقيع
لو دامت لغيرك ما اتصلت إليك

صورة
loly
عضو مشارك
عضو مشارك
اشترك في: يونيو 14, 2005
المواضيع: 4
مشاركات: 16

مشاركة بواسطة loly »

والله أسعارهم غاليه بس اذا يتكلم ومدرب يسوه سعره صح أتوقع أرتفع سعره بسبب أستار أكادمي رفيجاتي كلهم شروه لما شافوه ..وأبشرك درتي اليوم تعافت شوي أحسن من أول والفضل لله ثم مساعدتك ومشكوررررر أخوي كاسكو [-o<
التوقيع
There is Only one happineSS in LiFe ,To loVe
and to be loved
كاسكو
عضو نشيط
عضو نشيط
اشترك في: مايو 29, 2005
العمر: 51
مكان: الكويت
المواضيع: 12
مشاركات: 125

مشاركة بواسطة كاسكو »

هلا إختي زين زين قرة عينج =D>

يعني كلام الأخ طلع صحيح يالله الله يكون بعونا على هالأسعار

عيل الكاسكو اللي عندي أتوقع ينباع ب300 :-k دام اللي مايتكلم وصل ال200

* العفو إختي ماسويت شي تحياتي :cool:
التوقيع
لو دامت لغيرك ما اتصلت إليك

صورة

العودة إلى ”أمراض عائلة الببغاء ( Psittacines )“