من اسبوع تقريبا بعد ما حطيت الاكل لكل طيورى ونظفت ليهم وكل حاجة تمام سيبتهم وبعد شوية حاجة جتلى انى اقوم اصورهم فرحت ليهم وذهلت انى وجدت انثى الفيشر خارج القفص فى الحقيقة اتفزعت وجريت اقول لولداتى ان النتاية طارت مش عارفة ازاى وانا للاسف مبعرفش امسك العصافير ودة طايرة فى البلكونة يعنى راحت تقريبا
دة صورة الزوج الانثى الصفراء
بجد اعصابى تعبت لانى مش عارفة اتصرف فقلت لاخي حاول تمسكها لانها كانت واقفة على الصور بتاع البلكونة
فجاة الاقى النتاية بتاعتى خارجة من العش جوة القفص فطلع ان دة عصفور فيشر تانى طاير من حد تقريبا وبيدور على اكل ومياة
المهم انة طار وبعد شوية رجع تانى فقلت احاول امسكة المحاولات دة فضلت حوالى ساعتين والعصفور يطير ويرجع لحد ما فى الاخر مسكناه وحطيتة فى قفص لوحدة بعد اما رعبنى وتعبنى جدا عقبال ما عرفنا نمسكة
بس للاسف فى جرح فى راسة جرح وقلت دة هيموت علطول بس بقالة اسبوع ما شاء الله علية وصحتة كويسة جدا فعايزة اعالج الجرح دة واربية مع البقية بس اتاكد انة سليم 100%
دة صورتة
l]فياريت تساعدونى فى علاجة ازاى اعالج الجرح فى راسة ؟
واية نوعة ذكر او انثى؟
