سؤال و بعض صور الطيور الي اقتنيها ..

[King Kong]

السلام عليكم و رحمة الله و بركاته

شباب انا جديد في مجال طيور الحب و عندي سؤال حبيت اسأله لكم :

ممكن تحطون صور تبين الفرق بين طيور الحب و الروز ؟

لاني صراحه شريت طيور و ما ادري اذا هم طيور حب ولا روز , طبعاً الطيرين تربيه واحد كبر و فطن الحين ياكل لحاله و يطير و يلعب و الثاني جديد شاريه فرخ صغير و لو تقولون لي اذا كانو فشر ولا روز و عن جنسهم اذا كانو ( ذكر او انثى ) ..

طبعاً تعلمت اخيراً شلون احط صور في المنتدي باركولي ( هاهاهاهاها ) و افتتاحيه بحط لكم صور الطيرين الي عندي و قولو لي رايكم بصراحه بدون مجاملات لاني ما احبها ..

يا شباب اذكرو الله

هاذي صورة الطير الأول وهو فرخ لونه ابيض و بطنه و ذيله ازرق :

[img][img]http://img149.imageshack.us/img149/7424/02022009333small01yr3.th.jpg[/img][/img]


[img][img]http://img149.imageshack.us/img149/6585/02022009334smallod0.th.jpg[/img][/img]

و هاذي صورة الطير الثاني وهو كبير و اتمنى تحددون لي جنسه و نوعه :

طبعاً بالصوره ذي هو و انا قاعدين نتهاوش هاهاهاهاها


[img][img]http://img502.imageshack.us/img502/9116/30012009330smallxf3.th.jpg[/img][/img]

و بعد الهوشه صار خصام بيني و بينه و الصوره تبين الي قاعد اقوله هاهاها

[img][img]http://img502.imageshack.us/img502/1254/30012009326smallxu7.th.jpg[/img][/img]

و في هاذي الصوره قاعد يتحرش فيكم ومن تعابير وجهه كأنه يقولكم : خير فيه شي يابو الشباب !!! هاهاها

[img][img]http://img504.imageshack.us/img504/706/29012009320smallpy7.th.jpg[/img][/img]

و بهاذي الصوره معطيكم الوجه البرئ يعني كأنه مو راعي حرش هاهاهاها

[img][img]http://img504.imageshack.us/img504/1815/30012009327smallht0.th.jpg[/img][/img]

انشاء الله بس الصور و التعليقات تعجبكم و أسفين على الملاغه شوي هاهاهاها ..

تحياتي للجميع ..

[ROSHA]

اخى طيور جميله ربنا يباركلك فيهم

وان شاء الله الخبرا يجاوبك

[Mr.Khaled]

ماشاء الله عليهم

الطير الثاني ( الأصفر ) اعتقد انه روز اما الطير , الأول ( الأبيض ) ضع صور له عندما يكتمل ريشه ان شاء الله حتى نخبرك هل هو فيشر ام روز .

[الهاجري1977]

السلام عليكم ..

مرحبا بك اخي الحبيب King Kong ومبروك على تعلمك كيفية وضع الصور ..

بالنسبة للفرق بين طيور الحب و الروز فمها واحد الروز من طيور الحب ولكنك تقصد الفرق بين الفشر و الروز .. الفيشر هم ذوو الحلقة على اعينهم وتكون باللون الابيض اما الروز فليس لهم حلقات بيضاء حول اعينهم ..

والطائر الصغير و الكبير من فصيلة الروز ..

الاول سينيمون فايلوت وايت فيس..

الثاني لوتينو رد فيس ..

ولا يوجد بينهم فيشر ..


وارجوا ان تراجع المواضيع المثبتة لكي تعرف الفرق بين الروزكوليس و الفيشر ..


وتقبل تحيتي

[King Kong]

اخواني الاعضاء تحيه طيبه لكم جميعاً

ROSHA شكراً على الرد الجميل و شاكر لك مرورك ..

عاشق ... شكراً جزيلاً على التوضيح و شاكر لك مرورك ..

الهاجري 1977 شكراً جزيلاً على الرد الطيب و المعلومات الي قدمتها و تم قرائة بعض من مواضيعك و ردودك المميزه و عساك على القوه اخوي ...

مشكور يا شباب و انشاء الله نتعلم نقطه من بحركم و تحياتي لكم جميعاً

[Bu Bader]

طيور جميلة

بوبدر ( صقر البحرين )