الكاسيكو والجعير وطريقة الوالد؟!!

[ريتاج]

السلام عليكم


انا شريت طير كاسيكو الخميس الي طاف يعني هذا اليوم الخامس له .. غير مدرب ويجعرر كثيررر!
تقريبا عمره اكثر من سنة يعني بالكثير سنتين او اصغر لأن عيونه موو صفررة كاملة!
حنا كان عندنا واحد قبل 3 سنوات واستمر معانا 4 سنوات لكن ماات بسبب غلطة الصيدلاني

المهم .. هذا الجديد في البداية كان بس لما يشوف أحد حتى لو من بعيد يجعرر الحين صار بس لما نقرب منه يجعرر وما يسكت طبعا
قرأت ان لازم نحطه في مكان مرتفع تقريبا مترين عشان يتعود على المكان ويراقب الا حواليه يعني اسبوعين ويمكن توصل الى اشهر وفي البداية نعلمه كلمه بعدين جمل صح؟!

مشكلتي بالإضافة الى مشكة التعجيررررر .. الواالد مو مقتنع ابداااا بهالطريقة هههه
يبغى يربيه على كيفه انقل له الكلام الي اقراه يقوول مو صحيح هههههه
كنت حاطته تقريبا على ارتفاع مترين والوالد راافض هالشي راح حطه نفس مكان الكاسيكو السابق يمكن متر او اقل تقريبا ومعزول شوي يعني ما يشوف الداخل والطالع الا اذا جينا قدامه .. يعني انا حطيته قدام الباب في المطبخ يشوف الداخل والطالع نقله إلى بين الجدار والثلاجة لكن يشووف الا من بعييد في الجهة الثانية يعني مو مثل محله السابق!
هو يكمله دائما ويضحك ويمزح معاه يعني يحبه لكن ما يعطيه كلمة واحدة يعطييه جمل وكل شوي يغييير ويقارنه دائما بالي قبله! يعني الا قبله كان يسوي معاه كذااا هذا بعد نفس الشي مع العلم الا قبل مدرب وهذا لاا!
اقول له المفروض ينام من 12 - 14 ساعة مو مقتنع!!
طبعا انا في الليل على الـ 9 اغير مكانه لأن المكان ما يفضى قبل 12 الليل والساعة 6 الصباح تشتغل الانوار مرة ثانية انا انقله عشان ينام متواصل وكفاية.. وهو يقووول لا تغيروو مكاانه ولا تنقلووه!

هو سأل دكتور في الطيور عن حساب قال له لا تحطوه في مكان مرتفع ودائما حطوه مع الأطفاال
ومنها مو راااضي يقتنع بأي كلمة نقووولها له!!


المهم سؤالي هوو .. بما ان الواالد مستحييييييييييل يغير رااايه يعني من سااابع المستحيلااات خخخخخ وهو يحب الكااسيكو مررة وحتى الكاسيكو القديم كان يحبه والكاسيكو يحب الواالد هههه بس الا قبل كان مدرب

هل ممكن هالشي يؤثر على الكاسيكو؟؟ يعني وجوده في مكاان منخفض تقريبا متر بالإضافة الى اعطائه جمل دفعة وااحد من البداية هل ممكن يؤثر على نفسيته؟ ونطقه؟؟ وتوقف الجعير عنده؟؟
هو ينكلم معاه باستمرار احيانا من بعيد واحيانا يقرب منه ويضحك معاه ويعطيه برتقال طبعا ما ياخذ ويجعرر لكن يكمل معاه ويهتم فيه وتقريبا اكثر من شخص يعتني فيه في البيت


عادي هالشي لوو كيف؟؟؟ هالطريقة اوك؟؟ وكيف ممكن يوقف الجعير؟؟
انا امس عطيته بطيخ احمر حطيته مع الحب الشمسي جيت له الليل ولا اكل منه شي بس أكل الحب الشمسي! وايضا لاحظت إنه يحط راسه في الأكل وياكل وتحته نظييف مافيه قشوور لكن يخلصه كله في مكانه ههههه


ياليت تفيدوني بخبرتكم الله لا يهينكم .. كيف اوقف الجعير؟ وهل طريقة الوالد مقبولة؟؟



عساكم على القوة

[allawi]

نعم ضعه في مكان به حركه كثيره ليعتاد على الناس

وبالنسبه للاكل فقط نوع له الغذاء وسيعتاد عليه مع الزمن

بالتوفيق

[ريتاج]

طيب وبالنسبة للجعير؟؟ كيف اتخلص منه؟؟

[ريتاج]

نسيت اذكر شي طائري عمره تقريبا سنتين او اقل شوي غير مدرب ويجعر!

هل تدريبه صعب ومستحيل بالنسبة لمبتدئ؟؟!
وايضا بالنسبة للكلام هل صعب انه يتعلم في هالسن


يعني ابيعه ولا اصبر عليه شهر؟؟!


ياليت الا مر بتجربتي يفيدني بهالخصوص وبالطريقة الصحيحة لتعليمه .. انا من اقرب منه يجعرر!

[the-gray]

في كلا الحالتين يختفي الجعير
لكن وضعة في مكان مرتفع يختفي اسرع
حتى يتعود على البيت و على سكانه

بالنسبه للتدريب لا يوجد شىء اسمه مستحيل
اتبيعي المواضيع المتعلقة بالتدريب وإن شاء يصبح اليف
ولكن يأخذا وقت وجهد اكثر
الآن هو يحتاج إلى مدى حتى يترك الجعير ثم الإبتداء في تدريبه

بالنسبة للأكل
فهو لن يأكل الان اي شىء لأنه تعود على الفصفص
عندما يتعود على البيت
جوعة وقدموا له قطع من الفواكة
في البداية لن ياكلها ولكن مع الوقت سوف ياكل


وإن شاء الأعضاء يفيدوك

[ريتاج]

مشكور اخوي على الرد

انا رجعته إلى مكان مرتفع .. بالنسبة للمواضيع ماشفت موضوع خااص بالجعير!
كل المعلومات مثل بعضها!
أن اهم شي ابغى اعرف الطريقة الا تخليه يترك الجعير يعني أنا كيف اتعامل معاه؟!


وهل لو تعود على أهل البيت وترك الجعير .. لما يشوف أحد من برا البيت يجعر ولا كيف؟؟

[the-gray]

الجعير ردة فعل صادره عن خوف
خلوه يحس بالامان
لا تصدرو اصوات مزعجة ولا تخيفوه بالحراكات المفاجئة
وتجاهلوه كأنه غبر موجود

وستلاحظين في الأسبوع الثاني انه خف .......حتى يختفي
وانتي غيري له الأكل والماء دائما علشان يتعود عليك اكثر

2- لما يشوف احدا من برا البيت يجعر ؟
في البداية يخاف وربما يجعر
ولكن بعد فترة يتعود على تغير الأشخاص

والله اعلم

انا لست خبير ولكن هذا الذي اعرفة