واخيــــــــرا

[king_wafi]

السلام عليكم ورحمه الله
واخيرا بدات في عمل القفص للطيور واتمنى ان احصل على بعض النصائح من اهل الخبره
راح يكون حجم القفص هو سته متر في ثمانيه متر ونص
والارتفاع راح يكون من ثلاثه متر ومنحدر الى مترين ونص
داخل القفص راح يكون قفص كبير حجمه سته متر في اثنين متر وراح افصله
يعني كل قفص راح يكون ثلاثه متر في اثنين متر
واحد للتربيه الجماعيه وواحد للانتاج
وباقي المسافه سوف اضع فيها رفوف واضع الاقفاص للتربيه الفرديه
راح يكون القفص من الحديد والنوافذ الزجاجيه
بعض الناس قالولي لازم اضع عازل للحراره لانه الحديد في الصيف يكون حار
وانا سوف اضع بعض العازل اللذي يباع لتثبيت السجاد
وسوف اضع تكييف اثنثن طن
والباب الرئيسي بالحجم الكبير
يعني العرض راح يكون متر و30 سانتي تقريبا وراح يكون من الالمنيوم
وان شاء الله اذا انتهيت من عمل القفص سوف اضع لكم الصور
وتقبلو مني اجمل تحيه

اخوكم
KING_WAFI

[الهاجري1977]

الله يبارك لك فيه وتنتج فيه بس مثل ما قال لك الاخوة اللي انت سالتهم انك لابد انك تخلي عازل حراري علشان الحديد يصير حار في الصيف

[king_wafi]

ويبارك لك اخوي الهاجري
مشكور على مشاركتك
بس عندي استفسار بسيط؟؟
افكر اني احط جبس عشان يكون بعد عازل
بس سمعت بعض المربين يقولون ان طيور الكوكتيل في احتمال يالكلون الجبس
خبرك الكوكتيل كل شي يعضونه
بس ما ادري هل طيور الحب بعد مثلهم؟؟
وعلى فكره انا راح اخلي للانتاج دايما هي الاقفاص المنفصله
مثل ماتفضلت وحطيت موضوع مره عن التربيه الفرديه والجماعيه
راح املي المحكر اقفاص عشان الانتاج واخلي التربيه الجماعيه للانتاج
يعني للفروخ
ليما يكبرون واختار الزوج بعدين راح افصلهم
وبعد كنت افكر اني اربي معاهم طيور الزيبرا
طبعا راح افصلهم عن طيور الحب
بس بعد خبروني ناس معلومه ان طيور الزيبرا راح تنتج اكثر لو ما اخليهم مع اللوف بيرد
لانهم يحتاجون جو هدوء وخبرك اللوف بيرد اصواتهم تكون عاليه بعض الشي
والله اعلم
وان شاء الله راح احط صور في الايام القادمه للمحكر اللي بسويه
لانه الشغل عليه صاير بطيء
يعني ليما الربع يلقون فرصه وايون يشتغلون
يعني حاليا وصلنا بالنسبه الى 20 بالمئه
بيني وبينك انا ماعندي صبر
بس الشباب فيهم الخير يقولون اني لازم يكون عندي صبر
ويقولون عشان تتعلم شلون تصبر على الانتاج ليما يستعد وينتج لك لازم تكون صبور
والله كريم ان شاء الله

ت ح ي ا ت ي