كيف الحال ؟
المهم اخواني انا لدي زوج كناري منذ تقريبا 3 اسابيع جمعتهم مع بعض وباضو اربع بيضات بس للاسف طلعت بس بيضه وحده ملقحه وامس لقيتها منقوره فازلتها هي والعش
المهم اليوم توجهت لاحد محلات البيطره واخذت نوعين من الفيتامينات
واحد فيتامينات متعدده <<< كما قال لي البائع
وهذي صورته
وهذي تركيبته
وقال ليي هذا ينفع لتنشيط الطيور
والثاني فيتامين e-s
وهذي صورته
الوجه العربي
الوجه الانجلينزي
وهذا قال انه يزيد الخصوبه وهذا ما اعرفه عنه
كمية الاستخدام قال لي ملعقه شاي في لتر ماي من 3 الى 5 ايام
هل هذا صحيح ؟
اتمنى لو تفيدوني اكثر عن هالفيتامينات
انا عندي زوج واحد بس هل ينفع اني اسوي لتر ماي واستخدمه اكثر من يوم يعني لتر بيكفي لفترة العلاج واكثر بعد هل يجوز استخدامه اكثر من يوم لو كل يوم اسوي غير ؟
وهل ينفع اني استخدمهم للطيور في نفس الوقت او اكمل الكورس الاول وبعدين استخدم الثاني
هذا الاستفسار الاول
اما الاستفسار الثاني
ان الانثى عندي بعد ما شلت عنها البيض والعش لاحظة عليها شوي بروز عظم الصدر << ما كنت الاحظ لها لانها كانت ترقد على البيض
المهم انا خايف انه يكون تسيف
المهم هذي صور لها
طبعا هني وانا اصور نافخ عليها علشان يتباعد الريش ويبين اكثر
المهم اخواني ياليت تقولون لي شنو سبب ضهور العظم انا يوم سألت البائع قال لي اذا كانت تاكل حاول انك تغير الاكل لها واذا ما كانت تاكل بعطيك فيتامين وفاتح شهيه بس انا قلت لها انها تاكل بشكل طبيعي فقال ليي غير لها الاكل وبتصير زينه
علما اني استخدم الحبوب الخلطه الاسبانيه مرفق معها فيتامينات
فما رأيكم وهل هذا تسيف واذا هذا تسيف كيف اعالجه وماذا اسم الدواء وطريقة استخدامه
والاستفسار الثالث
امس تفقدت القفص <<< قفص التزاوج
ما شفت فيه شي
بس يوم تفقدت المجاثم انصدمت بوجود عدد من الفاش الاحمر عددهم ليس كثير لان القفص
جديد تقريبا صار له عندي 3 اسابيع بس << طبعا اول مره اشوف الفاش بس عرفته من كثر قرائتي عنه
و للاسف ما حصلت لا الاسبري ولا البودره للفاش
كل ما اروح محل يقول لي مخلص حاليا <<< حظ فقر
المهم اخواني بماذا تنصحوني الصراحه انا خايف على طيوري من هالافه
ما هو سبب ظهور الفاش هل يظهر من العدم
علما اني انظف القفص بشكل مستمر ولا اترك الاوساخ تتراكم
هذا كل ما لدي واسف على الاطاله
واتمنى اجد احد يجيب على استفساراتي <<< اكيد بتلقى لان المنتدى يضم نخبة من الخبراء
وتقبلو تحياتي واحترامي لكم
اخوكم قاهر
