هل يستحمل البادجى درجة الحرارة المرتفعة فى الصيف؟

[malk_elkolop]

السلام عليكم و رحمة الله و بركاته

الحمدلله ربنا كرمنى و عملت سلاكة للبادجى فوق السطوح سلاكة صغيرة نوعا ما

مقاساتها طول:-70 سم عرض 70سم و ارتفاع 170سم.

انا ناوى احط فيها شبابات و فروخ.

السؤال :-هو البادجى هيستحمل درجة الحرارة فى الصيف؟؟

يعني احط الطيور فى السلاكة ولالا؟ لان السلاكة ع السطوح و طبعا انتو عارفين الصيف بيبقا ازاى عندنا فى مصر و كمان انا فى الصعيد .

انا خايف احط الطيور تموت من الحر.

افيدونى افادكم الله و لكم جزيل الشكر

[mohamed_ayad]

اخى العزيز لازم تحطهم فى ركن و تعمل لهم ظل وربنا معاك

والله الموفق

[تيتو 2005]

نعم اخى الكريم كما قال اخى البادجى لايتحمل درجات الحرارة العاليه فى الصيف وممكن ان تسبب امراض كثيرة له فمن الافضل وضعهم فى مكان ظل ويمكن التغلب على حرارة الصيف بوضع الماء فى اى شىء ليس عميق حتى لايغرقوا ويقوم البادجى بالاستحمام فيه او رشه بالماء عن طريق بخاخه وبذلك يتغلبو على ارتفاع الحرارة

[malk_elkolop]

شكرا على الردود يا اخوانى

و على فكرة السلاكة مسقوفة و فيها ركنين سلك و الباقى خشب و حائط

يعني اشعة الشمس مش هتبقا عمودية عليهم

و انا هجبلهم اناء به ماء للاستحمام .

فهل سيصلح هذا؟؟

فى انتظار ردود باقى الاعضاء

[تيتو 2005]

اخى الكريم يوضع اناء الاستحمام فى ايام الحر وفى وقت الظهيرة حتى يستطيع الطيور ان يجففوا انفسهم ولا يصابو بالبرد

[ate010]

بل بالعكس حسب تجاربي الشخصيه البادجي يتحمل الحراره واصلا هو يعيش في المناطق الحاره في استراليا وعندنا في الامارات يعيش في السلاكات وتصل درجه الحراره في الصيف الى 47-48 مئوبه بس انته حط للسلاكه سقف عشان يعطيهم ضل وهذا يكفي

واصلا انتوا عندكم الجو في مصر اخف من عندنا بكثير فاذا عندنا عاش ودرجة الحراره مرتفعه فاكبد بيعش في مصر خصوصا ان درجات الحراره في مص مقاربه لدرجات الحراره في استراليا