كيف حالكم
اخواني كثيرا سمعت بالبيض المزيف في المنتدى وفوائده فحبيت اني اطبق عملية تحضين البيض علشان اتفادى الكثير من الماشكل مثل الفارق في عمر الفراخ وموت الصغير ..... الخ
فحبيت اشتري البيض المزيف بما اني سمعت انه يباع في الاسواق لكن للاسف ما حصلته حتى في محلات ما يعرفونه
لكني ما يأست كل مره اروح السوق اسأل عنه لكن مثل النتيجه
حتى شفت موضوع اخوي والاستاذ المبدع ابو اوس
viewtopic.php?t=49467
وهو طريقة صنع البيض المزيف <<<< مدري ويني عنه هالموضوع من زمان
فسمحو لي اخواني اني اشكر الاخ ابو اووس واسمحلي اخوي على الشكر المتأخر لاني ما شفت الموضوع الا متأخر واسمح لي اني لم اضع الشكر في نفس الموضوع
ولقد عجبتني الفكره كثيرا <<<< وانا من الناس اللي يحبون يسوون الشي بنفسهم
وخصوصا اني ما حصلت البيض البلاستيكي
فقررت اسويها
لكن وكالعاده لازم فيه شي يخرب <<< منحوس
رحت ادور الاصباغ اللي في الموضوع لكن ما حصلت مثل الالوان
لكن بعد ما يأست وقعدت افكر في البديل
قلت ما لي الا انا اخلط الالوان واسويه <<<< عانيت في خلط الالوان كل ما خلطت طلع لون غير ههههه
المهم والحمد الله بعد عدت خلطات فاشله حصلت على خلطه قريبه من اللون وليس مماثله
وسويتهم وجبت لكم صور لهم علشان تعطوني رايكم هل الشكل واللون قريب للبيض الحقيقي << لانه كلش مو مطابقه
وهل الاختلاف قليلا في اللون يأثر
طبعا سويتهم لكن مو مثل اللي سواهم الاخ ابو اوس فيه اختلاف كبير لان بكل بساطه اخوي ابو اوس مبدع اكثر مني
المهم شكلي غثيتكم بكثر الكلام اسف على الاطاله
هذي الصور
ملاحظه اخواني لحسن الحظ ان اليوم عندي انثى باضت اول بيضه قلت نجرب عليها
وهذي الانثى من اول بيضه تحضنها لكن بشكل متقطع
المهم حطيتها ليها وقعدت عليها
انتظر ردوركم ونصايحكم
وتقبلو فائق احرتارم وتقديري لكل الاخوان والخبراء
