اول مره اخاف كده !!!!!

[Zizo_ST]

السلام عليكم
اول مره يا جماعه اكون عايز اعمل حاجه واخاف اعملها بالشكل ده !
النهارده نزلت سوق العصافير بتاع محطة مصر وكان نفسى اشترى جوز بادجى تانيين غير الصغيرين اللى عندى ، وده طبعا لما قريت نصيحة استاذ احمد بانه يفضل ان الواحد ما يبدأش بأقل من 4 أجواز بس بصراحه أنا مش هقدر على 4 اجواز قولت اتنين كويسين ..... المهم لما وصلت هناك بقيت ابص فى الاقفاص بتاعة البياعين وخايف اقول لحد فيهم هاتلى ده ! مش عارف ليه ! بس بصراحه انا كنت خايف يضحك عليا من اى حد فيهم ويديلى عصفور يكون فيه حاجه ، وبرضو بصراحه الواحد لسه بقاله اسبوع واحد بس ولسه بتعرف على انواع البادجى وكده يعنى ، الحاجه الوحيده اللى عملتها من غير ما اخاف انى اشتريت قفص بلاستيك بدل القفص الخشب اللى كنت حاطط الجوز بتوعى فيه عشان زى ما قريت ان الفاش بينشط اوى فى الاقفاص الخشبيه ،،،،،،،، لو حد ممكن يدينى نصيحه فى الموضوع ده
ولو يعمل فيا واجب اوى ويدينى جوز من الشغالين والمضمونين اللى عنده

[canary]

اخى لا تخاف بهذا الشكل ان شاء الله نحن جميعا معك نصيحتى الا تشترى هذه الايا مطلقا فالطيور متاثره جدا بالحراره الجويه الزائده حتى الطيور التى نربيها ببيوتنا
وبعد ذلك ان شاء الله تستطيع ان تجد الازوادج المضمونه ذات الحاله الصجيه السليمه ورايى ان تشترى فى بدايه شهر سبتمبر زوجان كبيران اى يضعان بيض حتى ستطيعان التوليف حتى نصف الشهر فانت تعلم ان وقت التكاثر والبيض فى نصف شهر 9

[أحمد حلمى الشناوى]

أخى زيزو ، لو فضلت خايف عمرك ما هتشترى أبداً ، إقرأ هذا الموضوع و توكل على الله
viewtopic.php?t=2523
و طبعاً أنت من إسكندريه ، يعنى ممكن تقابل أى واحد من إخواتنا الأسكندرانيين ، و ينزل معاك السوق ، و يشترى لك ، أو لو عندة طيور للبيع يبيعها لك