عايز نصيحتكم !!!

[Zizo_ST]

السلام عليكم ورحمة الله وبركاته
انا اشتريت النهارده يا جماعه جوز بادجى الدكر :ازرق بس لون راسه أصفر والأنثى :خضراء عاديه
بس فى حاجه كنت عايز اعرفها منكم لو سمحتم يعنى !!!!!!!
الدكر عند الكير بتاعه متعور هو مفيش دم ولا حاجه بس عند الفتحه الشمال بتاعة المناخير فى جزء مش موجود من الأساس زى ماتقولو حتة لحم مش موجوده وده تقريبا نتيجة عراك مع دكر تانى
السؤال : هل الجزء ده هينمو تانى ولا لأ ؟
على فكره الجزء ده مش مقصر على اى حاجه فيه وهما شكلهم مولفين على بعض اوى ،،، ده حتى وأنا جايبهم معايا فى العربيه عمالين يغنو ويلعبو مع بعض ..........
يا ريت اعرف هل الجزء ده هينمو ولا لأ ؟؟؟؟ عايزين الصراحه انا شكل الدكر مش عاجبنى كل ما ابصله والاقى الجزء المقطوع فى مناخيره ده ........
اكتر حاجه عجبانى فيهم انهم واخدين جدا جدا جدا على بعض ؟؟؟ بس لو انتو شايفين انى من الأحسن اروح أبدله بدكر تانى ...... قولولى
طبعا انتو ممكن تقولولى من الأول ليه خدته ماكنت بدلته بدكر تانى بس والله اللى خلانى اخده انى قولت انهم جوز فرخو مع بعض قبل كده وواخدين على بعض بدل ما لسه اجيب دكر تانى غيره واجوزه للنتايه !!!!!!!!
عندى سؤال تانى معلش بقه النهارده يوم الأسئله العالمى : لو ريش الديل مقصف ومتبهدل ممكن انتفه كده زى الحمام ويطلعله ريش جديد ولا العصافير متستحملش زى الحمام اسيب الديل كده بريشه وهو مع نفسه لما يقلش يطلع ريش تانى جديد غير ده ؟؟؟؟؟؟؟؟
وشكرا

[أحمد حلمى الشناوى]

لا أظن أن هذا الجزء سينمو ، و إن كان لن يضر ، لكن دائماً عند الشراء لا تشترى الطائر به عيوب ، و بالنسبه للريش ، هو سينمو بدلاً منه ، و سيتغير شكله

[king of birds]

ونعم الرد يا استاذ احمد