انا عندي حمام زينه "نمس"
والحمد لله اصابه مكروة
اول حاجة واحدة فيهم انعزلت ومابقتش تاكل ولا تشرب وجالها اسهال وانكمشت وخست ومابقتش قادرة تقف على رجليها خالص شبه شلل تام والحمد لله ماتت
واتكررت العملية تاني مع واحد تانية انعزلت وانكمشت وريش صدرها نفش ودماغها رجعت الى الخلف ومابقتش لا تاكل ولا تشرب وكان ليها اعراض اهتزازية بسيطة وضعفت ومابقتش قادرة تقف على رجليها وكان عندها اسهال اخضر مائل للبني حوله سائل شفاف
اعتقد انها سالمونيلا
والحمد لله ماتت برضوا
انا عملت الآتي :
عزلت كل الحمام الباقي عن بعضة
طهرت المكان بالديتول والجاز والكلور
ونظفت الفخار الخاص بالاكل والشرب ووضعته على النار وغسلتة كويس
جبتلهم مضاد حيوي على ما اعتقد اسمة سيلفا ديتين محلول بيدوب 1مجم على لتر ماء ادتهم منه يوم واحد
بس دكتور قالي انه مش مستحب فى الصيف عشان بيتعب الكلا بتاعه الحمام
واداني مضاد حيوي اسمه انتروتريل بقالي يومين بديهم منه
وكمان بديهم فيتامينات
بديهم فيتامينات بالليل " فيتامين c ومجموعه متنوعه من الفيتامينات "
والمضاد الحيوي الصبح " بضيفله معلقة سكر " عشان يشربوا مش عارفة صح ولا غلط
وساعات بخلط الفيتامينات بالاكل والمياة بها المضاد الحيوي مش عارفة صح ولا غلط
بديهم الاكل بايدي لما بحس انهم مش واكلين ولا بياكلوا مش عارفة صح ولا غلط
وكمان بديهم المضاد الحيوي بايدي لما بحس انهم ما شربوش من المياة عن طريق قطارة من نفس المياة مش عارفة صح ولا غلط
الاعراض الحالية للحمام
الاولى :
كان عندها اسهال شفاف جداً سائل
بس بعد 3 ايام من المضاد الحيوي اصبح اسهال متماسك الى حد ما لونة اسود وحوله سائل شفاف
وبتاكل لوحدها بس مش كتير المشكله فى الاسهال على طول
الثانية :
عينها تحت الجفون مادة متجبنه لونها ابيض مائل للصفار
البلعوم والفم به قطع متجبنه على شكل نسائل خفيفة بس كتير فى اسفل الفم على الجوانب وتصل الى البعوم
منكشة ومش بتاكل
عندها اسهال لونة :
شلت المادة المتجبنه اللي تحت الجفن بشويش عن طريق تحريكها من تحت الجفن الى اطرافة ومسحها بقطعه قماش مبلوله ثم غسل عين الطائر بمياة فاترة بملح عن طريق وضع عين الطائر بالمياة مع رفع منقارة لاعلى عشان يقدر يتنفس
مسحت فم الطائر من المواد المتجبنه عن طريق القطن الخاص بسلاكة الاذن ووضعها فى صبغة يود مخففة
والمسح برفق الى ان ازلت هذه المادة
استخدمت جل اسمه ميكوناز مطهر للفتريات
مع وضع نقطة زيت كبد الحوت فى فم الحمامه
وكذلك استخدمه لباقي الحمام لتقويته
هل فى حاجه من اللى عملتها غلط؟
هل هذا العلاج كافي؟
هل حبس الحمام كل واحدة لوحدها جيد ؟ مع العلم اني سايبتهم مع بعض لمدة ساعة لاحظت انتعاشهم وبدأوا ياكلوا
ما هي الفيتامينات او المضادات المطلوبه لتحصين باقي الحمام؟
جاوبوني عشان الناس كلها تستفاد وانا كمان استفاد
