انا جديد في هذا المجال وارجوا افادتي بما هو ممكن

[عبودي البحريني]

السلام عليكم ورحمة الله

شباب شلونكم شخباركم

بصراحة انا حبيت ان اربي طيور ورحت على محلات الطيور في البحرين وشفت ان الطير المناسب لي واللي عجبني هو طائر الكوكتيل

شفت منه انواع وهو الرصاصي والاصفر والاخضر والابيض

وقالوا لي ان احسن نوع هو الابيض

انا بصراحة شفت بالمنتدى موضوع المجموعات الخمس وشفت اتواع وايد متنوعة وحلوة

بس حبيت اعرف بعض المعلومات

هل طائر الكوكتيل له احجام ولا له حجم واحد؟

هل فعلا طائر الكوكتيل اللي لونه ابيض احسن نوع؟

وين اقدر احصل فصيلة زينة من طائر الكوكتيل بالبحرين؟

كم تتراوح اسعار طائر الكوكتيل؟

شنو القفص المناسب حق طائر الكوكتيل ؟
انا رحت على اماكن شفت قفص خشبي شكله مو حلو وشفت قفص حديد صغير وشفت فقص حديد كبير بس بصراحة سعره غالي يوصل 100 دينار
ممكن حد يخبرني وين اقدر اشري قفص شكله حلو وحجمة مناسب وسعره مقبول سواء محل بالبحرين او بالسعودية؟

شلون اعرف ان هالفصيلة زينة ومنتجة؟

شلون افرق بين الذكر والاثنى بالفصيلة البيضة لان فعلا وايد فيهم شبه

آسف طولت عليكم وشكرا شباب

[mohamed reda]

اهلا اخى الحبيب نورت تجمع الكوكاتيل وفعلا انت اخترت الطائر الصحيح اتلذى يتمتع بذكاء وهدوء واناقة وجمال
للاسف اخى لايوجد لون اخضر فى طائر الكوكاتيل

لذا اخى انصحك اولا بقراءة المواضيه المثبتة لفهم طرق تربية هذاالطائر بطرق صحيحة ومن بعتدها ان شاء الله نجيبكعلى اى استفسار

اما موضوع الاسعار فان ان شاء الله الاخوة فى البحرين مايتاخرون عليك فى الرد

محمد رضا

[iCare]

نعم الكوكتيل له احجام منها الفرنسي و الباكستاني و الهولندي
و لا يوجد لون احسن من لون , اللون الابيض هو اغلاهم نعم , احسنهم لأ ... و هي مسألة ذوق فقط .... و ارتفاع سعره بسبب كونه جديد بالسوق نسبيا و عدم توفره

اما عن الاقفاص فقفص بـ 10 دينار حديدي متسع بيكون كافي , او تقدر تشتري محكر واسع " مثل ابو ثلاث طوابق " , راح يكون رخيص و متسع كفاية و لثلاثة ازواج

تحية

[عبودي البحريني]

شكرا شباب على الرد

عزيزي آي كير انا ابي اعرف وين اقدر احصل فصيلة جيدة جدا من هذا الطير بالبحرين

اما بالنسبة للقفص فانا ابي قفص شكله حلو لاني احب الديكور والزينة وحجمة يكون كبير يعني انا القفص اللي شفته تقريبا حجمة الطول مترين والعرض متر ونص وشكله وايد حلو مصنوع من الحديد لكن سعره غالي انا ابي اعرف وين محلات بالبحرين يبيعون قفص بمثل المواصفات وبسعر مقبول
انا شفت قفص زين وشكله حلو بس مسافات التباعد بين اعمدته كبيرة شوي البعض قال لي انه ما يصلح للكوكتيل وخصوصا لفروخ الكوكتيل اذا تم التفريخ بعد جذي
وبصراحة مابي قفص خشبي لان شكله مو حلو

[iCare]

و الله يا اخوك انا سعودي ما عندي خبرة زود بالبحرين لكن عندك سوق المقاصيص في مدينة حامد و مدينة عيسى و سوق واقف بتحصل فيها كل اللي تحتاجه

و أسعار الكوكتيلات هناك من 20 وطالع و توصل لحد 60 و أكثر للزوج الواحد

[عبودي البحريني]

طيب فديتك بالسعودية في قفص بنفس المواصفات اللي ابيها خبرني اذا كان في وبأسعار زينة