.+*(غش التجار) موضوع للنقاش و الفائده *+.

[xmaner]

الحمد لله و الصلاه و السلام علي اشرف خلق الله اما بعد اتمني ان يكون الجميع بكامل الصحه و العافيه

ان شاء الله هذا الموضوع سنتحدث فيه عن

غش التجار


(بعض التجار) ليس التجار جميعهم

غشاشين و المطلوب هو وضع اي معلومه عن موقف حصل لك مع احد التجار و كيف اكتشفت انه قد غشك

في الطيور او ما يتعلق بها لتعم الفائده و ناخذ بالعبر و نستفيد و نصيحه عندما تشتري لاول مره طيور

اشتري من شخص تعرفه و تكون واثق فيه او من الافضل ان تشتري من احد المربين

لان المربي يختلف 180 درجه عن التاجر


و الحمد لله منذ ان كنت صغيرا و انا اقع في غش التجار الي ان ارشدني احد الهواه الي الطرق الصحيح و علمني الكثير و الكثير و لن

انسي فضل هذا المنتدي الجميل و الذي اعطاني دروس و حصاله الخبراء في مواضيع بها العبر و التجارب

التي علمتني الكثير و ربنا يقدرني علي رد هذا الجميل باي شكل من الاشكال لانه من افضل المنتديات الفعل

و اهديكم هذا الرابط الذي يتحدث عن كيفيه تجنب الغش و الاحتيال

للاخ الفاضل و المشرف Cobalt جزاه الله خيرا


viewtopic.php?t=56088


اتمني ان يتفاعل الاخوه الكرام مع الموضوع حتي تعم الفائده

و معا للتخلص من غش التجار

و لكم مني ارق تحياتي

[ابو جميلة]

جزاك الله خيرا دكتور حسام على الموضوع الرائع واذكر فى بداية نزولى السوق موقفين
الاول هم ان احد التجار كان يريد ان يبيعنى ذكرين على انهم زوج وظللت استمع الى اقناعه وكيفية شرحه لى لانهم نوع نادر فقد كانوا بلاك اى على حد قوله وقلت له ولكن الكير مش ازرق قال لى مش قلتلك نادر وطبعا الذكرين كانوا دارك اى
الموقف الثانى وهو زوج من الالبينو احضره لى احد الهواة الشباب وقال لى غداً قم بتعليق العش ونظرت اليهم فوجدتهم فروخ وقلت له غداً قالى لى نعم دول خلاص على وش شغل ونظرت وحاسبته وسكت لانه كان معرفة احد الاصدقاء ولم اريد ان افعل مشكلة ولكن المرة التى تليها احضر لى زوج لوتينو روز فروخ وقال لى علق العش قلتله شكراً مفيش عشوش

[muhammed_farouk]

انا حدث معي نفس الذي حدث مع االأخ ابو جميلة فأشتريت زوج وكانو ذكرين وانتظرت لأكثر من سنة حتى يتم التزاوج ووضع البيض وعندما يأس ذهبت بهم الى السوق لكي ابيعهم ولكني فوجئت من السوق انهم ذكرين

[amr_moh]

أيام المدرسة نزلت أجيب جوز فشر رحت لمحل أريب من البيت ،، أعد بردو يمثل.. بوس عضم الحوض بس مش عارف اه

بعد حاول ٦ -٧ شهور مات المفروض إنة دكر وفضلت المفروض انها نتاية على كلام البياع
بعد أكتر من سنة ، لايت تأ فيشر وإف على الأفص، مسكته وحطيطه مع المفروض نتايه

يريد الله إن اللبياع ادالي علي انها نتايه تطلع دكر والاصطدتها طلع نتايه ويحدث تزاوج واننتاج بعد أكتر من سنة

صباح الفل


تريد وأريد والله يفعل ما يريد

[تيتو 2005]

حدث هذا معى كثير عندما كنت مبتدا فى تربيه البادجى حيث كنت اتعامل مع تاجر غشاش فكان يبع لى الزوج على انه ذكر وانثى واكتشف بعد ذلك انهم ذكرين او انهم صغار السن

[amrnour]

انا بقى منضحكشس عليه بس كان حينضحك عليه كان لى زميل دراسه وفتح محل عصافير ولقيت عنده سلاكه بكام دى ياعم قالى ب120 ياعم ازاى ده كده غاليه اوى قالى دى سلك مجلفن ومحمل واعد يرص لى فى كلام فاضى طيب ماشى ياعم هاتها لقيته بيفضى منها البيضات والمساقى والاكلات مردتش اخدها بعدها بيومين لاقيت واحد معدى فى الشارع وشايلها قلتله منين دى قالى من عند فلان قلتله بكام قالى ب60 رحتله بعدها وهزاته وكانت اخر مرة اتعامل معاه

[Elmahy]

السلام عليكم أخواني الأعزاء ... انا برده كان هيتضحك عليه ... بس لولا توجيهات احد الاخوه الهواه لكنت شربت الموضوع ... اللي حصل اني شوفت في السوق شبابات انجليزا ايه ... حجم و عقد و قوره عريضه و ريش التاج واقف مناشاء الله بشكل جميل ... صديقي ده دلني و قالي اوعي تشتري من الحاجات ديه ... فالفضول دفعني اعرف و كانت الكارثه ... بياخد العصافير اول ما تطفطم ... ليهم وجبتين في اليوم ... بيض بالعسل الصبح ... و قبل المغرب فلارس ... و بيطيرهم في مكان واسع شويه ... و بعد فتره يكون الجسم ملا و كبر ... يبدأ يغير العسل ببذر فجل و كلنا عارفين ليه طبعا ... علشان يفضل العصفور زايف و تشوفهع تقول ده عايز يكسر و ريش التاج ما شاء الله يبقي واقف علي طول و يدي عرض للقوره ... يعني بنشتري عصافير منفوخه ... يا ريت كل الأخوة ياخدوا بالهم من الموضوع ده ... و ربنا يرحمنا من التجار الغشاشيين و بلاويهم ... اخوكم محمد الماحي

[m010n]

الواحد كثير بيقع في غش التجار , بس الى انا عايز أقوله انا كلنا استفدنا من المنتدي كثير قوي وتعلمنا منه حاجات ياما والفضل طبعا بعد الله للأخوة الأفاضل المشرفين والأعضاء المتحرمين , وبالله التوفيق .....

[kareem mody]

اولا مشكور دكتور حسام ع الموضوع الجميل

انا بقى فى بداية تربيتى كنت معدوم الخبرة مش قليل حتى
نزلت اشترى جوز فا واحد ابن حلال باعلى جوز على اساس انهم هيبيضو وعليهم بيض وقعد يقولى بص ع النتاية من تحت البيضة النهاردة بليل او بكرة بالكتير هتنزل علقلهم العش بس وملكش دعوة بيهم ولا تفتح العش خالص , اخدتهم وسمعت كلامه وروحت عملت اللى قال عليه والنتاية ايه اول ما حطيتهم فى القفص دخلت العش هوا ,المهم فضلت شهر ونص مستنى الفروخ بقى, هههههه (مغفل كبير ) ههههههه راح والدى قالى يا بنى استحالة تكون راقدة المدة دى كلها تلاقى البيض بايظ
فتحنا العش عشان نشوف البيض لاقينا الماجأة >>>> العش زى الفل لا بيض ولا يحزانون المهم نزلت بيها السوق عرفت انها عندها كيس دهنى ومن ساعتها خلاص بقى الواحد بقى يعرف يفرق الحمد لله

[xmaner]

جزاكم الله خيرا علي هذا التفاعل و الحمد لله و بلا فخر انا طول عمري قبل طبعا ما اعرف المنتدي الاكثر من رائع دا كنت بشتري ذكور فقط و كنت بستني ايام و اسابيع و شهور و مع ذلك ربنا رزقني بواحد قريبي و اكثر من اخ ( رحمه الله ) ووجهني الي الطريق الصحيح
و ارجو منكم ان تدعوا له بالمغفره

و بالمناسبه لو اي حد عايز اي مساعده في الشراء اليومين دول او اي شي يخص الطيور يكلمني و ان شاء الله اقدر اساعده

و السلام عليكم و رحمه الله و بركاته