هل ممكن اربيهم خارج القفص

[my lovebird]

السلام عليكم
انا جاتلى هديه طيور الحب ونفسى مش افضل مخلياهم فى القفص هل فى طريقه انى اعودهم يخرجو من القفص من غير مايهربو واعودهم على كده بجانب القفص طبعا ولا صعب مع النوعيه دى من الطيور واعتقد ان عمرهم فوق ال6 اشهر من خلال قراتى لمواضيع المنتدى هنا الى فادنى كتير
سؤال تانى انا مش عندى اكل غير الفلارس والدوار الشمس
قريت ان الفلارس يكون النسبه الاقل فى انواع الاكل وقريب انه برده النسبه الاكبر عايزه اعرف ايه الافضل مع العلم انى مش عارفه اى حبوب تانيه غير الفلارس والدوار متوفرين او لا فى بلدى
شكرا ليكم افدتونى جدا بمواضيعكم

[الهاجري1977]

اهلا بك يا ختنا my lovebird,

بخصوص سؤالك الاول .. فلا اظن ان الطيور ستعتاد الى هذه الدرجة لانها كبرت على هذا النوع من التعود ..

اما لو كانو فراخا صغيرة فالامر يختلف ولكن كذلك لن يصل الى ان تتركيهم مثلا في حديقة المنزل ويعودوا الى قفصهم .. ولكن بداخل البيت و يرجعوا الى قفصهم او بداخل غرفة الطيور وهكذا ..

اما بخصوص السؤال الثاني فاضافة الى الحبوب عليك بالخضار و الفواكه التي هي الاصل في غذاء الطيور في حال الحرية ..

وتقبلي تحيتي

[my lovebird]

شكرا لحضرتك ولردك عليا
معلش عندى كام سؤال تانى وهدوشكم هنا فى المنتدى شويه لغاية بس ما اعرف حتى الاساسيات لانى بحب الحيوانات ومش بحب انى اكون سبب فى اى شيئ وحش ليها
انا عايزه اعرف ممكن اعملها ايه نظام عذائى وهل كل الفاكهه والخضروات مفيش منها قلق
وكمان فى مشكله النمل كل شويه يتلم على القفص بتاعهم فجبت صينيه وحطيت فيها شويه ميه وحطيت عليهم القفص المسخ مش داخله ليهم جوه بس هيه كميه قليله علشان النمل مش يعرف يوصل هل فى اى مشكله عليهم
حاجه كمان انا حاسه انهم حرانين هل ممكن ارش عليهم ميه او احطلهم طبق عميق بستحمو فيه ولا مش ينفع
وهل ممكن احط ليهم لعب فى القفص ولا مش هيفرق معاهم
معلش اسئلتى كتير بس عايزه اعف حاجات كتير علشان اهتم بيهم
وبجد المنتدى ده رائع واستفدت كتير وقريت كتير فيه
شكرا ليكم

[الهاجري1977]

اهلا بك يا اختنا .. my lovebird,

اسالي ما بدى لك فالاخوة لن يقصروا معك ..

اما بخصوص الماء حول القفص فلا مانع منه ان كان قليلا ولكن ابعديه في الشتاء ..
اما بخصوص الاستحمام فيفضل ان تضعي لهم اناء به ماء للاستحمام اقلها بين كل 3 ايام مرة ..
اما بخصوص التغذية فتجنبي الافوكادوا لانه مضر للطيور ويتحول اى سم قاتل لهم ..
بخصوص اللعب فيفضل ان تضعي لهم اللعب لكي تلهى الطيور بنفسها قليلا ..

ونصيحتي لك انت تلقي نظرة على المواضيع المثبتة و المميزة لكي تزدادي في الخبرة ..

وتقبلي تحيتي

[my lovebird]

انا بحاول اقرا كل المواضيع الخاصه بيهم واستفادت كتير قوى
انا اول يوم النهارده احطلهم جزر مبشور وخيار مش رضيو ياكلو الجزر وكلو الخيار بس قليل قوى ومركزين اكتر على دوار الشمس والفلارس
بكره ان شاء الله هحطلهم فاكهه هغير كل يوم يوم فاكهه ويوم خضار لغايه ما اعرف ايه اللى بيحبوه اكتر ان شاء الله
متشكرة لحضرتك جدا ولردك وان شاء الله نتواصل

[my lovebird]

ارجو الرد عليا بسرعه انا النهارده جبتلهم قفص كبير كويس يعنى ونقلتهم فيه بس ماكلوش خالص النهارده حتى الميه مش شربو كتير وعمالين يتحركو فى القفص بس على السلك مش بيطيرو فيه وحاسه ان رجلهم وجعتهم من الحديد ومنقارهم حاسه انه اتجرح علشان بيستعملو وخايفه يتكسر او كده مش عارفه اعمل ايه

[الهاجري1977]

اختي my lovebird, ..

هذا لانك نقلت الطيور الى قفص جديد غير متعودين عليه .. كلها يوم ويتعودوا ويصبحوا كانهم في قفصهم القديم ..

احتمالات :
- ربما لم يطيروا في قفص كبير قط فلذلك خافو والتصقو بالشبك ..
-ربما انت وضعتهم في مكان يكثر فيه مروركم عيله ولذلك يهابون ..
-ربما القفص الذي كانوا فيه منذ طفولتهم ولم يخرجوا منه ..
-ربما بسبب مكوثهم في القفص الصغير لمدة طويلة .. فاصبحوا من بعدها لا يستطيعون الطيران بطريقة صحيحة مما يجعل فيهم الثقل في الانتقال فيفضلون الالتصاق بالشبك لكي يتنقلوا في القفص ..


عموما انتظري الى الغد وان شاء الله سيتعودوا على القفص ويطيروا بمهارة ..

فانا احيانا بعد مرور الموسم انقل كل الطيور الى الاقفاص الكبيرة لكي تاخذ حريتها قليلا وتنشر اجنحتها فاجد بعض الطيور تكون ثقيلة في اليوم الاول وفي اليوم الثاني ترجع كما كانت وفضل..

بخصوص الاكل الغير معتادين عليه فسوف يتعودوا عليه عندما يرونه امامهم باستمرار مثل الجزر و الخيار و الفواكه و البقوليات مثل الحمص والفول المنقوع في الماء ..

وتقبلي تحيتي

[my lovebird]

اشكرك جدا اخى الكريم لردك وافادتك ليا واجاباتك القيمه جدا
شكرا ليك

[Sweety_Albino]

اختى العزيزه مرحبا بيكى فى منتدانا الكريم وبعد واذن اخى الهاجرى سوف اضع لكى احد المواضيع الهامة فى تربية الباركاديللو احب ان تقرأئيه وسوف تجدى فيه اغلب الاجوبة الصحيحة لاسألتك

viewtopic.php?f=68&t=64973

[my lovebird]

شكرا لسويت البينو على الموضوع وهبقا اقراه ان شاء الله

بس انا قلقانه قوى على عصافيرى كنانو نايمين وفجاه سمعت زى مايكون حاجه وقهت فى القفص رحت بصيت عليهم لقيت واحده فيهم واقفه فى ارضيه القفص وزى ماتكون دايخه لانى كنت بحاول المسها مش كانت بتهرب منى ومش كانت بتطير وبعد كده خفت يكونو بردو علشان الجو برد النهارده حاولت ادخلهم العش مش رضيو وهمه مش دخلوه من ساعة ماجبتلهم القفص الجديد من حوالى 3 ايام كده ومش عرفت ادخلهم فيه وبعدها فضل ريشهم منفوش شويه ولما احاول اخليهم يتحركو يرجع زى العادى وبعد كده ينفش لما اسيبهم وانا قريت هنا ان نفشه الريش دى مش كويسه انا غطيتهم كويس وقلقانه عليهم ياريت حد يقولى هل ممكن يكون فى حاجه ولا انا الى خايفه عليهم بزيادة
ارجو الرد عليا بسرعه