ارجو الاطلاع على هذه الاستمارة وتشخيص المرض والعلاج المناسب

[tota]

الجنس :ذكر
اللون :سماوي
السن : مش عارفة عمره بالظبط بس هو بالغ اكبر من سنة
وصف الحالة بالتفصيل : هزال وكسل وخموال وعدم انتظام في الريش مع وجود نقاط سوداء صغيرة جدا جدا في اطراف ريش الرأس


راقب الطائر جيداً و ضع علامة * أمام الحالة الموجودة لدية
إسهال : لأ
أذكر لونة : لأ
تلوث حول منطقة الشرج :لأ
قئ : لأ
بقع بيضاء داخل الفم :لأ
إفرازات من الأنف :لأ
فقد شهية : قليلا
شرب الماء بكثرة :لأ
ذبول العين : نعم
دموع : لأ
إحمرار العين:لأ
صديد بالعين :لأ
إلتهاب المنطقة حول العينين :لأ
تورم بالوجة:لأ
نقص فى الوزن :نعم
بروز عظام الصدر:نعم
ضيق فى التنفس : لأ
صوت التنفس واضح :لأ
إهتزاز الذيل مع التنفس :لأ
العصفور يقف على أرض القفص :لأ
شلل :لأ
إلتواء رقبة :لأ
تجاعيد رمادية حول العين و الأنف و المنقار :نعم
نزف دموى : .............. أذكر مكانة :لأ
دم فى البراز :لأ
سقوط الريش من بعض المناطق : نعم
أذكرها : الريش خفيف بعض الشيء وغير منتظم في منطقة الرأس وبه نقط صغيرة جدا جدا سوداء
أعياء شديد مع عدم القدرة على الحركة و الجلوس على أرضية القفص :لأ
تشنج : لأ
إلتواء فى الأصابع : لأ
قشرة سميكة حول الساق :لأ


أرجو التشخيص مع اعطائي العلاج المناسب مع العلم اني مبتدئة وليس لدي ادوات المحترفين في العلاج بمعنى انني اريد علاج سهل وفعال وفي متناول الايدي ولكم جزيل الشكر

[zeze]

السلام عليكم ورحمة الله وبركاتة
على قدر معلوماتى المتواضعة احب ان اقول انة مرض السل وياتى معة شفقة وضعف عام وعلاجة ان تضعى لة مضاد حوى اسمة (بان تيراميسين ) او عسل اسمر فى الماء وان شاء الله يأتى الشفاء ضع لة نقطة فى فمة اذا كانت الحالة حادة او ضع لة ثلاث نقاط فى الماء لمدة ثلاثة ايام متوالية ول كان الريش ساقط فى اعلى الرأس وبدا فى الطلوع ممكن ان تكون تغير الريش لة وربنا يعمل الخير كلة . انا افتخر باننى اتعغلم من هذة المنتدى وربنا يكثر الخير فى هذا المنتدى
والسلام عليكم ورحمة الله وانتظر رد الخبراء

[د/محمد عادل سويلم]

جزاك الله خيرا اختنا الكريمة zeze

وان كنت افضل تايلان 1سم/اللتر لمدة 5 ايام

او انروفلوكساسين 1سم/اللتر لمدة 5 ايام

[tota]

بعد تجربة العسل الاسمر يوم واحد بدأ التحسن
وسأكمل اليومين الباقيين
شكرا لسرعة استجابتك يازيزي
ممكن معلومات اكثر عن اسباب المرض وماذا افعل عشان لا يصاب به الطير مرة اخرى

[zeze]

لا شكر على واجب يا اخى دة كلها معلومات من قبل المنتدى الرائع الجميل كل الى عاوزة من كل الناس الى بتحبنى فى المنتدى انهم يدعولى فى حياتى كلها بجد من وراء ظهرى فهيا دعوة مستجابة لاخيك فى الغيب هكذا قال معلم البشرية حافظ عليهم بس وحاول انك تضع لاى طير عندك عموما يكون عندة ضعف عام هذة العسل الاسمر خصوصا طائر البادجى واشكركم وفى حديث جميل جدا للنبى الكريم الى علم المتعلمين قال فيما معنا (( من كتم علما حرق بة يوم القيامة )) صدقت والله
السلام عليكم ورحمة الله وبركاتة

[tota]

جزاكي الله خيرا مرة اخرى عصفوري تحسن والحمد لله وباقي له شيء بسيط ويبقى طبيعي

طيب ممكن سؤال كمان العصفورة مراته شرسة جدا جدا جدا

الموسم لم يبدأ الى الان لأنها بتضربه دائما حتى احيانا مش يبعرف ياكل منها

ايه علاج العصفورة الشرسة (للعلم انا شارياها كده)

انا اختك مش اخوكي وهدعيلك بالخير كله ان شاء الله

[HOSSAM AHMED]

علاج الانثى الشرسه هو وضعها امام الذكر فى قفص رفع الاكل من امامها لمده يوم ثم وضعها للذكر حتى يستطيع ضربها والسيطره عليها وهى ضعيفه وان شاء اله ستون مطيعه يدبحلها القطه )

)

[tota]

انا فصلتها عن الذكر في قفص صغير ووضعتها امامه اليوم ظهرا

متى اعيدها اليه

هل لا اضع لها طعام اليوم كله

ولما ارجعها للذكر اشيل الاكالات اللي عنده ولا اسيبها؟؟

عاوزة تفاصيل اكتر وشكرا لكم

[zeze]

السلام عليكم ورحمة الله وبركاتة
ممكن انك تبيعى الانثى دة وتجيبى غيرها تكون لسة اول بيض ليها وهذا يكون افضل اما لو انت متمسكة بيها يبقى افصيليها شوية عن الذكر وهية تفوق لنفسها تعرف ان الايام دة مفيش زواج اصلا كيف تضرب الراجل بتاعها
ثانيا لو كانت بتضرب الذكر خصوصا لما الصغار يكون طلعوا من البيض يبقى انا افضل انى اخرج الذكر لحد ما الانثى تاكل عيالها ويتفطموا
ملحوظة هامة جدا انا رجل ولست بفتاة لكن اسمى الى داخل بية دة كان سوء تفاهم ارجوا فهم ذالك وانا عاوز اغيرة اسمى محمد عبدالله ينفع ولا اية

[tota]

عملت كده
شلتها من عنده يوم ظهرا وبدون طعام جوعتها
ورجعتها اليوم اللي وراه ظهرا بعد ما شلت الاكلات من عند الذكر
وكانت ضعيفة وقدر ياكلها بصعوبة واخر اليوم حطيت الاكلات والنهارده كلت وقويت وضربته تاني وانا غلب حماري