الاخوه الهاجرى او ابو جميله

[my lovebird]

السلام عليكم
عندى كام سؤال ارجو ان لااثقل عليك
بالنسبه للفاكهه هل المانجو فيه مشكله لو حطيت لعصافيرى منها؟؟

تانى حاجه انا حطالهم علطول طبق صغير زى السلطانيه علشان يستحمو فيه وهمه بيشربو منه وبيستحمو فيه تقريبا كل 3 ايام لوحدهم بس انا سايباه على طول هل فى مشكله ولا عادى

كمان انا بحاول اطلعهم كل يوم فى الشمس شويه الشمس بتكون دافيه مش سخنه قوى لان الشتا خلاص على الابواب وهمه لما بيلاقو الشمس بيستحمو وبيقفو فيها بعد كده هل الشمس كويسه ولا غلط عليهم

كمان انا كنت سالت قبل كده على موضوع العش وهمه مش بيدخلوه خالص حتى فى البرد همه مره كده ان فى واحد فيهم بيحاول يستكشفو من بره وبيدخل راسه ويطلعها بسرعه بس بطلو حتى يقفو عنده ومش عارفه ليه مش بيدخلوه خالص ومش عارفه اعمل ايه علشان يدخلوه والسؤال ده مهم قوى بالنسبه ليا ياريت حد يرد عليه ضرورى

واليومين دول انا حاسه انهم مش سعدا مش عارفه ليه ممكن اعمل لهم ايه علشان اغير مودهم

[my lovebird]

عندى استفسار تانى
طيورى بتحاول تحك منقارها فى السلم بتاع القفص وفى العصيان الى حطاها لهم علشان يقفو عليها وبيحكوها جامد ده يارتى ايه سببه
ده غير انهم ساعات بيعملو صوت بمنقارهم بيقشعر جدا زى مايكون احتكاك منقارهم اللى فوق بالى تحت هل كده يكونو محتاجين حاجه ولا ده عادى

[ابو جميلة]

السلام عليكم ورحمة الله وبركاته
اختى الفاضلة خروج القفص ودخوله لن يحقق الاستقرار للزوج ولن يجعله يبدأ فى عملية تكوين العش فيجب تثبيت القفص فى مكان جيد التهوية ولا تمر به التيارات الهوائية
بالنسبة لموضوع الاستحمام فهو ضرورى للطيور ولكن عدد مرات الاستحمام فى الصيف يجب ان تكون اكثر من الشتاء ويتم وضع طبق خاص للاستحمام ولكن ماء الشرب يكون فى مشربية او مسقاه مختلفة
بالنسبة للمانجو فلا اعلم انها مضرة للطيور ولكن لم اجربها من قبل فالتركيز يكون على الاغذية الخضراء لما بها من فائدة
والله الموفق
والسلام عليكم ورحمة الله وبركاته

[my lovebird]

طب بالنسبه لعدم دخولهم العش ايه سببه ؟؟؟

انا بدخلهم بس علشان بحس انهم بيكونو مبسوطين فى الشمس ولحاجتهم ليهم لان المكان الى همه مستقريت فيه دلوقتى مش فيه شمس

هل لازم منقلهمش خالص ولا حتى اذا نقلتهم يكون قليل مش كتير ؟؟؟؟

[my lovebird]

معلش سؤال كمان ايه هوه غذاء الثوم بالعسل بالليمون ؟؟؟ اعمله ازاى وهل ينفع لطيور الحب

والقمح المنقوع برده اعمله ازاى انقعه اد ايه واقدمه لهم ازاى ؟؟؟

[ابو جميلة]

اختى الفاضلة كيف ستنتج الطيور وهى لا تشعر بالامان لا تتحرك كثيراً فيجب عدم تحريك القفص نهائيا ويمكن الاستغناء عن الضوء المباشر للشمس بالمصابيح البيضاء ( النايلون ) وبالنسبة للتغذية فالموضوعات المثبتة مليئة بها
اما الليمون بالثوم بالعسل فيتم هرس فص ثوم على لتر ماء وملعقة عسل صغيرة وملعقة كبيرة عصير ليمون ويتم التقليب جيداً ثم التصفية واعطائه للطيور فهو مضاد حيوى طبيعى ومطهر معوى قوى والله الموفق

[my lovebird]

شكرا ليك

[HOSSAM AHMED]

اخت الفاضله قد افادك الاخ ابو جميله

اما بالنسبه للمانجو فهى تحتوى على نسبه علايه من السكريات اى سريع التخمر مما قد تؤدى الى حدوث مشاكل للطيور

وفقكط الله وبارك لك فى طيورك

[my lovebird]

متشكرة جدا ليك اخى العزيز حسام ولذوقك وردك

[الكويتي]

اختي العزيزة انا اهم شي عندي سؤال تحريك القفص
اختي انا مع اخي بوجميله الرجاء عدم تحريك القفص
لكي يشعرو الطيور في الأمان واستقرار المكان
وانا انصحك عدم تحريك القفص خالص واما بخصوص الأضائه
انا مع اخي بوجميله اضائه الليت النيون تكفي