لماذا الاسعار في القدس تختلف عن باقي فلسطين

[مهند ابو دويح]

اخواني عندنا في القدس
الكوكتيل الاسود العادي والشايش الفراخ والشغالين ب 100 شيكل اذا لقيت فراخ
والجوز الشغالين ب 200 شيكل اذا لقيت جوز سليمين
اما بالنسبة للحب فاي نوع الفردة ب80 شيكل والفارج والشغالين والزوج ب 160 شيكل اذا لقيت زوج شغالين كلهم بغال :evil:

[abo salman]

هههه لانها العاصمة

[ابوغرام]

انصحك اخي ان تشتري من بيت لحم او الخليل

[مهند ابو دويح]

شكرا لكم اخواني

[هاني من فلسطين]

السبب حكم اسرائيل الله يهدها
تعال اشتري من عنا اذا بتلاقي طلبك

[مهند ابو دويح]

اخي هاني ما قصدق تعال اشتري من عنا اذا بتلاقي طلبك

[هاني من فلسطين]

قصدي انو بالخليل ارخص اذا بتلاقي مواصفات الطير
اللي بدك ياه يعني انا مش لاقي ابو خدود سودا وصيت عليه من رام الله اوا لقدس
واحد بدو يجيبو
لاتفهمني غلط

[كناري فلسطين]

و أسعار نابلس كمان غاليه ... شكلو أحسن الاسعار سمعت بجنين والله اعلم
يعن مثلا انثى كونكورد (حبه صغيره جدا) بعمر تقريبا العشر أشهر ب 200 شيكل
اوفال طبعا حبه كبيره ابيض سكني ب 500 شيكل
اوفال حبه كبيره اصفر سكني ب 300 شيكل
انثى جلوستر ب 250 شيكل (طبعا اخر اشي ممكن تكون جلوستر)
ذكر مفتل عادي (مهجن) بس الوانه جميله وحبه كبيره ب 200 شيكل

وسمعت في محل بالعيزريه عنده كميه كبيره من الطيور

[يوسف الفلسطيني]

نعم اخواني على ما يبدو ان الاسعار في المحافظات متفاوتة فمن جنين تستطيع ان تجد مثلا

المفتل الهولندي بجميع الوانه الحبة 150الى 170 شيكل بالكثير
السكوتش فانسي او الكنكورد الحبة 200 شيكل بالكثير
البادوفان اصفر او ابيض الحبة 350 شيكل بالكثير
اليورك شاير الجوز 600 شيكل
البلدي الذكر من 100الى 120 شيكل والانثى 100 شيكل
هذه الانواع المتوفرة في جنين هذه الايام
اما الجلوستر فسعره عند وجوده من 150 الى 180شيكل سواء الحبشي او الملطش ومستويات ممتازة .
اما باقي انواع الطيور فقد تكلمنا عن سعرها في موضوع اخر

لماذا أسعار الطيور في القدس اغلى من باقي المحافظات؟ بنظري ان قلة المربين في القدس دفعت التجار لشراء الطيور من محلات الطيور الاخرى في مدن الضفة فجعل سعر الطير كسعر السلعة عندما تنتقل من تاجر الى تاجر يرتفع سعرها على المربي . على عكس بقية المحافظات ومنها جنين وطولكرم والخليل ربما اذا يعتمد التاجر او صاحب المحل على المربي مباشرة فيشتري منه الطيور بسعر الجملة فيربح شيء بسيط وبذلك لن يرتفع سير الطير كثيرا لانه لم يباع من تاجر لتاجر وانما من مربي لتاجر .ناهيك عن الاستغلال في مدينة القدس من قبل الباعة.

[مهند ابو دويح]

شكرا لك اخي هاني ومشكور يعني قصدق ما بلاقي الطلب متل القدس
اسف اخي هاني فاهمك تمام
شكرا لك اخي كناري غلى مرورك

شكرا لك اخي يوسف على مرورك